ᒨᓯᓯ ᐂᑉᐸᖏᑦ 7:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᖓᔪᖅᑳᕐᔪᐊᕐᓕ ᐱᔭᕐᓂᕈᓐᓁᕐᑎᓐᓂᐊᕐᐸᕋ ᐄᑦᔨᑉᑎᒥᐅᓄᑦ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐅᓄᕐᑐᓂᒃ ᑎᑭᑎᑦᓯᓯᒪᒐᓗᐊᕐᑎᓪᓗᖓ ᓈᓚᒍᓐᓇᖁᓇᒍ ᐅᖃᐅᓯᓐᓂᒃ.

ᒨᓯᓯ ᐂᑉᐸᖏᑦ 7:3 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 4:21

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐄᑦᔨᑉᑎᒧᑦ ᐅᑎᕈᕕᑦ, ᑲᒪᑦᓯᐊᕐᓂᐊᕐᐳᑎᑦ ᐱᓇᓱᐊᕐᑐᒃᓴᐅᒐᕕᑦ ᐰᕉᑉ ᓵᖓᓂ ᑕᒤᓐᓂᒃ ᑲᒪᓇᕐᑐᓕᓂᕐᓂᒃ ᑐᓂᓚᐅᕐᑕᓐᓂᒃ ᐃᓕᖕᓄᑦ, ᐰᕉᓕ ᓯᑎᔫᑎᓐᓂᐊᕐᐸᕋ, ᐃᓄᒋᐊᒃᑐᕐᔪᐊᓂᒃ ᐊᐅᓪᓚᖁᔨᖁᓇᒍ.

ᒨᓯᓯ ᐂᑉᐸᖏᑦ 11:9

ᐊᑕᓂᕐᓗ ᐅᖃᕐᓯᒪᕗᖅ ᒨᓯᓯᒧᑦ ᐃᒫᒃ, “ᐊᖓᔪᖅᑳᕐᔪᐊᕐᓗ ᐅᖃᐅᓯᕆᔭᕐᓂᒃ ᓈᓚᒍᒪᖃᑦᑕᕐᓂᐊᓐᖏᓚᖅ ᐄᑦᔨᑉᑎᒥ ᑲᒪᓇᕐᑐᓕᒃᑲᓐᓂᖁᓪᓗᖓ.”

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:22

“ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ.

ᔪᐊᓇᓯᐅᑉ ᐊᒡᓚᖏᑦ 4:48

ᔩᓱᓯᐅᑉ ᐅᖃᐅᑎᕚ, “ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.”

ᐃᓐᖏᕈᑎᑦ 135:9

ᑖᓐᓇ ᑎᓕᓯᓚᐅᕐᐳᖅ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐃᓕᑦᓯᓐᓄᑦ ᐄᑦᔨᑉᑎᒥᐅᓄᑦ, ᐰᕉᒧᑦ ᐱᔨᒋᔭᓕᒫᖏᓐᓄᓪᓗ.

ᒤᑲᐅᑉ ᐊᒡᓚᖏᑦ 7:15

ᑍᑦᓱᒪᓂ ᐅᓪᓗᓂ ᐊᐅᓪᓚᓚᐅᕋᑦᓯ ᐄᑦᔨᑉᑎᒥᑦ, ᑍᒫᒃᑕᐅᖅ ᑖᒃᑯᐊ ᑲᒪᓇᕐᑐᓂᒃ ᑕᑯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᒨᓯᓯ ᐂᑉᐸᖏᑦ 4:29

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐄᑦᔨᑉᑎᒧᐊᕐᐴᒃ, ᑕᕝᕗᓐᖓᕋᒥᒡᓗ ᐃᓴᕆᐊᓕᒥᐅᑦ ᐊᖓᔪᖅᑳᓕᒫᖏᑦ ᑲᑎᒪᖃᑎᒋᕔᑦ.

ᒨᓯᓯ ᐂᑉᐸᖏᑦ 4:7

ᑕᕝᕙ ᒎᑎ ᐅᖃᕐᐳᖅ, “ᐊᒡᒐᑎᑦ ᐅᓕᒡᔪᐊᕐᓄᑦ ᐅᑎᕐᑎᓚᐅᕐᒥᒃᑭᑦ.” ᑕᕝᕙ ᐊᒡᒐᓂ ᐅᓕᒡᔪᐊᒥ ᐃᑭᐊᖓᓄᑦ ᐅᑎᕐᑎᒃᑭᕔᑦ, ᐊᒧᒐᒥᒋᓪᓗ, ᑕᑯᒋᑦ ᑕᕝᕙ ᐅᕕᓂᖕᒥᓄᑦ ᐅᑎᑦᓯᐊᕆᕗᑦ.

ᕉᒪᒥᐅᓄᑦ 9:18

ᑍᒤᒻᒪᑦ ᒎᑎ ᓂᑲᒍᓱᒃᐳᖅ ᓂᑲᒋᔪᒪᔭᒥᓂᒃ, ᓯᑎᔫᑎᓪᓗᒋᓪᓗ ᐃᓱᒪᖏᑦ ᓯᑎᑎᑦᓱᒪᔭᓂ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 7:13

ᑭᓯᐊᓂᓕ ᐰᕉᑉ ᐃᓱᒪᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒐᓂ; ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 11:10

ᒨᓯᓯᐅᓪᓗ ᐂᕉᓂᐅᓪᓗ ᑕᒪᒃᑯᐊ ᑲᒪᓇᕐᑐᑦ ᐱᓇᓱᐊᓚᐅᕐᐰᑦ ᐊᖓᔪᖅᑳᕐᔪᐊᑉ ᑕᒃᑯᐊᓂ, ᐊᑕᓂᐅᓪᓕ ᐊᖓᔪᖅᑳᕐᔪᐊᖅ ᐆᒻᒪᑎᖓ ᓯᑎᔪᑎᓚᐅᕐᒪᒍ ᐃᓴᕆᐊᓕᒥᐅᑦ ᑕᕝᕙᓐᖓᑦ ᓄᓇᒥᓂᑦ ᐊᐅᓪᓚᕈᓐᓇᕐᓯᑎᑦᓱᓐᓇᓚᐅᓐᖏᓔᑦ.

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᐃᓐᖏᕈᑎᑦ 78:12

ᑲᒪᓇᕐᑐᑦ ᐱᓂᐊᕐᓂᕆᓚᐅᕐᑕᖏᑦ ᓯᕗᓕᕕᓂᖏᑕ ᑕᒃᑯᐊᓂ, ᓄᓇᒥ ᐄᑦᔨᑉᑎᒥ, ᓇᑎᕐᓇᒥᓗ ᔪᐊᓐᒥᒃ ᐊᑎᓕᖕᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.