ᒨᓯᓯ ᐂᑉᐸᖏᑦ 7:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

ᒨᓯᓯ ᐂᑉᐸᖏᑦ 7:17 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 4:9

ᑖᒃᑯᐊᒡᓕ ᓇᓗᓁᒃᑯᑖᒃ ᒪᕐᕉᒃ ᓱᓕ ᐅᒃᐱᕆᖏᑉᐸᒋᑦ ᐅᕝᕙᓗ ᐅᖃᐅᓯᕐᓂᒃ ᓈᓚᖏᑉᐸᑕ, ᑕᕝᕙ ᑰᖕᒥᒃ ᓁᐅᓪᒥᑦ ᖃᓗᓯᓗᑎᑦ ᓄᓇᒧᑦ ᐸᓂᕐᑐᒧᑦ ᑯᕕᓯᓕᕆᑦ; ᑕᕝᕙ ᑕᒪᓐᓇ ᐃᒥᖅ ᖃᓗᓚᐅᕐᑍᑦ ᑰᖕᒥᑦ ᓁᐅᓪᒥᑦ ᐊᐅᓐᖑᕐᓂᐊᕐᐳᖅ ᓄᓇᒥ ᑕᒫᓂ ᐸᓂᕐᑐᒥ.”

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 39:28

ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ ᐊᐅᓪᓚᕈᑦᔭᐅᑎᑦᓯᓚᐅᕋᒪ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ, ᑲᑎᕐᓱᓕᕐᒥᒍᒃᑭᓪᓗ ᓇᖕᒥᓂᖅ ᓄᓇᖏᓐᓄᑦ. ᕿᒪᒃᑕᐅᑎᑦᓯᓂᐊᕈᓐᓃᕐᐳᖓᓗ ᐊᒥᐊᒃᑰᔪᓂᒃ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ;

ᐃᓯᑭᐊᓕᐅᑉ ᐊᒡᓚᖏᑦ 38:23

ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:6

ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:8

ᐂᖏᓕᐅᓪᓗ ᐂᑉᐸᖓᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᖃᖅᑳᓗᒃᑎᑐᑦ ᑕᐅᑦᑐᖃᕐᑐᖅ, ᐃᑯᐊᓚᔪᐊᓗᒃ ᐃᒪᕐᔪᐊᕐᒧᑦ ᑲᑕᒃᑎᑕᐅᕗᖅ;

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 5:21

ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᐃᓯᑭᐊᓕᐅᑉ ᐊᒡᓚᖏᑦ 32:15

ᐄᑦᔨᑉᑎᒥᐅᑦ ᓄᓇᖓᑦ ᓱᓁᕈᑎᑎᒃᑯᒃᑯ ᑕᕝᕙᓃᑦᑐᓕᒫᓪᓗ ᓄᖑᓪᓗᑎᒃ ᑐᖁᑕᐅᓯᒪᓕᕐᐸᑕ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 30:19

ᑍᒤᓕᐅᕐᓗᖓ ᐄᑦᔨᑉᑎᒥᐅᑦ ᓱᒋᐊᕈᒫᕐᐸᒃᑲ. ᑕᕝᕙ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 30:8

ᐄᑦᔨᑉᑎᒥᐅᑦ ᐃᑯᐊᓪᓚᒃᑎᒃᑯᒃᑭᑦ, ᓄᓇᓖᓪᓗ ᑕᐱᕆᔭᖏᑦ ᑐᖁᑕᐅᒃᐸᑕ. ᑕᕝᕙ ᑐᑭᓯᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 29:9

ᐄᑦᔨᑉᑎᐅᓪᓗ ᓄᓇᖓ ᓱᓁᕈᑎᔪᒫᕐᐳᖅ ᐊᓯᕈᕐᑕᐅᓗᓂᓗ. ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ. “ᐅᖃᓚᐅᕋᕕᑦ, ‘ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᐃᓐᖏᕈᑎᑦ 105:29

ᐃᒥᖏᑦ ᐊᐅᓐᖑᕐᑎᓚᐅᕐᐰᑦ, ᐃᖃᓗᖁᑎᖏᑦ ᑐᖁᑎᓪᓗᒋᑦ.

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᐃᓐᖏᕈᑎᑦ 78:44

ᑍᑦᓱᒪᓂᓗ ᑰᑦ ᐊᐅᓐᖑᕐᑎᓚᐅᕐᓯᒪᖕᒪᒋᑦ, ᑰᖕᓂᑦ ᐃᒥᕈᓐᓁᓪᓕᓚᐅᕐᓯᒪᕗᑦ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᒨᓯᓯ ᐂᑉᐸᖏᑦ 7:20

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᑕᒪᑐᒥᖓ ᐱᓇᓱᐊᓚᐅᕐᐳᒃ ᐊᑕᓂᐅᑉ ᐱᖁᓚᐅᕐᑕᖓᓂᒃ; ᐰᕉᑉ ᓵᖓᓂ ᐱᔨᒋᔭᖏᑕᓗ ᓵᖓᓂ, ᐊᔭᐅᑉᐱᐊᖁᑎᓂ ᐃᓴᐅᑎᓚᐅᕐᓗᒍ ᑰᑉ ᐃᒪᖓ ᐊᓇᐅᕚ, ᑕᕝᕙᓗ ᐃᒪᓕᒫᖅ ᑕᒪᓐᓇ ᐊᐅᓐᖑᕐᐳᖅ.

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 25:17

ᓱᒋᐊᕈᒫᕐᐸᒃᑲ ᐊᑭᓂᐊᕕᒡᔪᐊᕐᓗᒋᑦ ᓂᓐᖓᐅᒪᓂᓐᓄᑦ ᐋᖅᑭᒃᓱᕐᓗᒋᑦ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᑖᒃᑯᓄᖓ ᐊᑭᓂᐊᕐᑐᖅ.”

ᐃᓯᑭᐊᓕᐅᑉ ᐊᒡᓚᖏᑦ 32:6

ᐊᐅᑦ ᓄᓇᒧᑦ ᑯᕕᔪᒫᕐᐸᕋ ᖃᖅᑲᓄᓪᓗ ᐊᒡᓛᑦ; ᑰᓪᓗ ᐊᐅᖏᓐᓇᐅᓕᕈᒫᕐᐳᑦ ᐃᓕᖕᓂᑦ.