ᒨᓯᓯ ᐂᑉᐸᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᒨᓯᓯ ᐂᑉᐸᖏᑦ 5:2 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:35

ᖃᖓ ᑖᒃᑯᐊ ᓄᓇᓖᑦ ᒎᑎᒥᖕᓄᑦ ᓴᐳᑎᔭᐅᑎᓪᓗᒋᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ ᖃᐅᔨᓚᐅᕐᓯᒪᕕᓯᐅᒃ? ᑕᒪᒃᑯᐊ ᑍᒤᑉᐸᑕ ᖃᓄᐃᒻᒪᑦ ᔨᕉᓴᓕᒻ ᓴᐳᑎᔭᐅᔪᓐᓇᕋᓱᒋᕕᓯᐅᒃ ᐊᑕᓂᕐᒧᑦ?’”

ᑯᕉᓂᑲ ᐂᑉᐸᖏᑦ 32:14

ᑭᓇᓕ ᑍᑲᓃᓚᐅᕐᐹ ᐃᓅᖃᑎᒌᒡᔪᐊᑦ ᒎᑎᖏᓐᓂ ᓯᕗᓕᒪ ᓯᕗᓕᖏᑕ ᓵᓚᒋᒻᒪᕆᓚᐅᕐᑕᖏᑦ ᓴᐳᑎᔭᐅᓚᐅᐹᑦ ᐊᑖᑕᒪ ᐊᒡᒐᖏᓐᓃᑦ, ᒎᑎᑦᓯᓗ ᓴᐳᑎᔪᓐᓇᕋᓗᐊᕐᐹᓰ ᐱᔪᓐᓇᕐᓂᓐᓂᑦ?

ᑯᕉᓂᑲ ᐂᑉᐸᖏᑦ 32:15

ᒫᓐᓇ ᑍᒤᒻᒪᑦ ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᒪᓕᒃᓴᕐᑎᑦᑍᓕᓛᓯᓗ ᑕᒪᑐᒧᖓ, ᐅᒃᐱᕆᑦᑍᓕᓯᐅᒃ, ᐃᓅᖃᑎᒌᒡᔪᐊᑦ ᒎᑎᖏᑕ ᓇᓪᓕᐊᓐᓄᑦ ᐊᑕᓂᐅᕖᓪᓘᓐᓃᑦ ᓴᐳᑎᔭᐅᔪᖃᓚᐅᕐᓯᒪᖏᒻᒪᑕ ᐱᔪᓐᓇᕐᓂᓐᓂᑦ ᐅᕝᕙᓗ ᐊᑖᑕᒪ ᐱᔪᓐᓇᕐᓂᖓᓂᑦ. ᖃᓄᕐᓕ ᓴᐳᑎᔭᐅᓂᕐᓴᐅᔪᓐᓇᕐᐱᓰ ᒎᑎᑦᓯᓐᓄᑦ ᐱᔪᓐᓇᕐᓂᓐᓃᑦ?’”

ᑯᕉᓂᑲ ᐂᑉᐸᖏᑦ 32:19

ᔨᕉᓴᓕᒥᐅᓪᓗ ᒎᑎᖓᑦ ᐅᖃᕐᓂᕐᓘᑎᒋᕚᑦ, ᐊᑭᕋᕐᑐᓚᐅᕐᓂᕐᒥᒃᑎᑐᑦ ᐃᓄᐃᑦ ᓄᓇᒦᑦᑐᑦ ᒎᑎᖏᓐᓂᒃ, ᐃᓄᐃᑦ ᐊᒡᒐᖏᓐᓄᑦ ᓴᓇᐅᔭᐅᓯᒪᔪᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᔫᐱᐅᑉ ᐊᒡᓚᖏᑦ 15:25

ᑍᒤᑦᑐᒦᑉᐳᖅ ᒎᑎᒥᒃ ᐊᒡᒐᖕᒥᓄᑦ ᐊᑭᕋᕐᑐᕐᓯᒪᓂᕐᒥᓄᑦ, ᓵᓚᖃᕋᓱᐊᕐᓯᒪᓪᓗᓂᓗ ᐊᔪᒐᖃᖏᑦᑐᒥᒃ.

ᔫᐱᐅᑉ ᐊᒡᓚᖏᑦ 15:26

ᓴᖑᑎᑕᐅᔪᓐᓇᕋᓂ ᓵᓐᖓᓚᐅᕐᒪᑦ ᓴᐴᓗᑕᓂ ᑖᑦᓱᒧᖓ ᖁᒻᒧᐊᒃᑎᓪᓗᓂᐅᒃ;

ᔫᐱᐅᑉ ᐊᒡᓚᖏᑦ 21:15

ᖃᓄᐃᑦᑑᖕᒪᑦ ᐊᔪᒐᖃᖏᑦᑐᖅ, ᓱᖕᒪᑦ ᐱᔨᑦᓯᕆᐊᖃᕐᐸᕘᑦ? ᖃᓄᕐᓗ ᐱᕙᓪᓕᕈᑎᖃᕋᔭᕐᐱᑕ ᑐᒃᓯᐊᕐᕕᒋᒍᑦᑎᒍ?’

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 12:4

ᐃᒫᒃ ᐅᖃᕐᑐᑦ, “ᐅᖃᑦᑎᓐᓄᑦ ᓵᓚᖃᕈᒫᕐᐳᒍᑦ; ᖃᓂᕐᐳᑦ ᓇᖕᒥᓂᕆᒐᑦᑎᒍ: ᑭᐊ ᐊᖓᔪᖅᑳᖑᕝᕕᒋᕚᑎᒎᑦ?”

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 14:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᒪᑦ, “ᒎᑎᑕᖃᓐᖏᓚᖅ.” ᐊᔪᕐᑐᓕᔪᐊᓘᕗᑦ, ᐱᓂᐊᕐᓂᖏᓪᓗ ᐱᐅᖏᑦᑑᓪᓗᑎᒃ, ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᑦ.

ᒨᓯᓯ ᐂᑉᐸᖏᑦ 3:19

ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕐᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᒥᓂ.

ᒨᓯᓯ ᐂᑉᐸᖏᑦ 7:17

ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 42:13

“ᐅᖃᓕᕈᑦᓯᓕ, ‘ᓄᓇᖃᑦᔮᓐᖏᓚᒍᑦ ᑕᒫᓂ,’ ᐊᑕᓂᐅᓪᓗ ᒎᑎᑦᓯ ᓂᐱᖓ ᓈᓚᖏᒃᑯᑦᓯᐅᒃ,

ᔨᕆᒤᐊᐅᑉ ᐊᒡᓚᖏᑦ 48:26

“ᐋᖓᔮᓕᕐᑎᑕᐅᓕᑦ, ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓕᓚᐅᕐᒪᑕ, ᒧᐊᐱᒥᐅᑦ ᒥᕆᐊᒥᓂᒃ ᓇᓪᓚᖓᕕᖃᓕᕐᓕᑦ, ᒥᑕᐅᑎᒋᔭᒃᓴᐅᓗᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 2:10

ᑭᖑᕚᕇᖑᓚᐅᕐᑐᑦ ᑐᖁᖕᒥᖕᒪᑕ, ᐊᓯᖏᑦ ᑭᖑᕚᕇᑦ ᐳᐃᒍᓚᐅᕐᐳᑦ ᐊᑕᓂᕐᒥᒃ ᐱᓂᐊᕐᓂᕆᓚᐅᕐᑕᖏᓐᓂᒡᓗ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.

ᓴᒧᐃᓕ ᓯᕗᓪᓖᑦ 25:10

ᓁᐳᓕ ᑭᐅᕗᖅ ᑍᕕᑎᐅᑉ ᐱᔨᖏᓐᓄᑦ ᐅᖃᕐᓗᓂ, “ᑍᕕᑏᓐᓇ ᑭᓇ? ᔨᓯᐅᑉ ᐃᕐᓂᖓ ᖃᓄᐃᑦᑑᕙ? ᐅᓄᕐᑐᐊᓗᐃ ᐅᓪᓗᒥ ᕿᒤᕙᓕᕐᒪᑕ ᐊᖓᔪᖅᑳᒥᖕᓂᒃ.