ᒨᓯᓯ ᐂᑉᐸᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᒨᓯᓯ ᐂᑉᐸᖏᑦ 5:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᐃᓐᖏᕈᑎᑦ 119:46

ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 10:4

ᐃᓄᖁᑎᒃᑲ ᐊᐅᓪᓚᖁᓂᐊᖏᒃᑯᕕᒋᑦ, ᑕᑯᒋᑦ ᖃᐅᒃᐸᑦ ᐱᒡᓕᕐᑕᐅᔮᕐᑐᓂᒃ ᓄᓇᑦᓯᓐᓄᑦ ᑎᑭᑎᑦᓯᓂᐊᕐᐳᖓ.

ᒨᓯᓯ ᐂᑉᐸᖏᑦ 10:9

ᒨᓯᓯᐅᑉ ᑭᐅᕚ, “ᑕᒪᑦᑕ ᐊᐅᓪᓚᕐᓂᐊᕐᐳᒍᑦ, ᕿᑐᕐᖓᕗᓪᓗ ᐃᓄᑐᖃᕗᓪᓗ ᐃᓚᒋᓗᒋᑦ; ᐊᐅᓪᓚᕐᓂᐊᕐᐳᒍ ᐃᕐᓂᕗᑦ ᐸᓂᕗᓪᓗ ᓰᐱᖁᑎᕗᓪᓗ ᐆᒪᔪᖁᑎᕗᓪᓗ ᐃᓚᒋᓗᒋᑦ, ᓇᓪᓕᐅᓐᓂᕐᓯᐅᕆᐊᖃᕐᓂᐊᕋᑦᑕ ᑕᒪᑦᑕ ᐊᑕᓂᖅ ᐅᐱᒋᓗᒍ.”

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 33:13

ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 6:11

“ᐰᕉᒧᑦ ᐅᐸᒍᑎᓕᕆᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐅᖃᐅᑎᓗᒍᓗ ᑖᑦᓱᒪ ᓄᓇᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᕐᑎᑕᐅᖁᓪᓗᒋᑦ.”

ᒨᓯᓯ ᐂᑉᐸᖏᑦ 6:27

ᑖᒃᑯᐊᒡᓗ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᖃᕆᐊᕐᑐᓚᐅᕐᐴᒃ ᐃᓴᕆᐊᓕᒥᐅᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 7:16

ᑖᑦᓱᒧᖓᓗ ᐅᖃᕐᑐᒃᓴᐅᕗᑎᑦ, ‘ᐊᑕᓂᐅᑉ ᐄᑉᐳᕈᐃᒃᑯᑦ ᒎᑎᖓᑦᑕ, ᑖᑦᓱᒪ ᐃᓕᖕᓄᑦ ᑎᓕᕚᖓ, ᐅᖃᕆᐊᕐᑐᖁᓪᓗᖓ, “ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐃᓄᖃᖏᑦᑐᒥ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ; ᑭᓯᐊᓂᓕ ᓱᓕ ᑕᒪᑐᒥᖓ ᓈᓚᓚᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 7:2

ᐂᕉᓂ ᐅᖃᐅᑎᓐᓂᐊᕐᐸᑦ ᐊᑐᕐᑕᐅᖁᔭᓕᒫᓐᓂᒃ ᐃᓕᖕᓄᑦ. ᐂᕉᓂᐅᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕐᐸᑦ ᐊᐅᓪᓚᕐᑎᑦᓯᖁᓗᒍ ᐃᓴᕆᐊᓕᒥᐅᓂᒃ, ᓄᓇᒥᓂᑦ.

ᒨᓯᓯ ᐂᑉᐸᖏᑦ 8:1

ᐊᑕᓂᖅ ᑕᕝᕙ ᐅᖃᕐᐳᖅ ᒨᓯᓯᒧᑦ, “ᐰᕉ ᐅᐸᒡᓗᒍ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:16

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᐃᓴᐅᑎᓚᐅᕈᒃ ᓄᓇᓗ ᐊᓇᐅᓗᒍ ᑕᒪᑐᒧᖓ, ᐄᑦᔨᑉᑎᓕᒫᑉ ᓄᓇᖓᑕ ᐳᔪᕋᖏᑦ ᒥᓗᒋᐊᓐᖑᖁᓪᓗᒋᑦ.’” {ᑯᒪᓐᖑᖁᓪᓗᒋᑦ.}

ᒨᓯᓯ ᐂᑉᐸᖏᑦ 8:17

ᑕᕝᕙ ᐂᕉᓂᐅᑉ ᐊᔭᐅᑉᐱᐊᓂ ᐃᓴᐅᑎᕚ, ᓄᓇᐅᓪᓗ ᐳᔪᕋᖓᑦ ᐊᓇᐅᕚ ᑕᒪᑐᒧᖓ, ᓄᓇᐅᓪᓗ ᐳᔪᐊᓪᓕᓂᑯᓕᒫᖏᑦ ᒥᓗᒋᐊᓐᖑᕐᐳᑦ {ᑯᒪᓐᖑᕐᐳᑦ} ᐃᓄᐃᓪᓗ ᐆᒪᔪᓪᓗ ᑕᒪᒃᑯᓄᖓ ᑎᑭᑕᐅᓕᕐᐳᑦ; ᓄᓇᐅᓪᓗ ᐳᔪᐊᓪᓕᓂᖁᓕᒫᑦᓯᐊᖏᑦ ᐄᑦᔨᑉᑎᒥ ᒥᓗᒋᐊᓐᖑᕐᐳᑦ. {ᑯᒪᓐᖑᕐᐳᑦ.}

ᒨᓯᓯ ᐂᑉᐸᖏᑦ 8:20

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᐅᒃᐸᑦ ᐅᓪᓛᒻᒪᕆᒃᑯᑦ ᒪᑭᓪᓗᑎᑦ ᐰᕉᒥᒃ ᐅᑕᖅᑭᔭᕐᑐᕐᓂᐊᕐᐳᑎᑦ, ᑰᖕᒧᑦ ᐃᒫᓄᕆᐊᕐᑐᓕᕐᐸᑦ, ᐅᖃᐅᑎᓗᒍᓗ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:27

ᐅᓪᓗᓂᒃ ᐱᖓᓱᓂᒃ ᐃᖏᕐᕋᔪᒃᓴᐅᕗᒍᑦ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᑍᒫᒃ ᐱᖁᓪᓗᑕ ᐅᖃᐅᑎᓯᒪᖕᒪᑎᒍᑦ.”

ᒨᓯᓯ ᐂᑉᐸᖏᑦ 9:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓕᕆᑦ ᐅᖃᐅᑎᓗᒍᓗ, ‘ᐊᑕᓂᖅ ᐅᑲᕐᐳᖅ ᐃᒫᒃ, ᐄᑉᕈᐃᑦ ᒎᑎᖓᑦ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐱᔨᑦᓯᕈᓐᓇᖁᓪᓗᒋᑦ ᐅᕙᓐᓂᒃ.

ᒨᓯᓯ ᐂᑉᐸᖏᑦ 9:2

ᓱᓕ ᐊᐅᓪᓚᖁᔨᓂᐊᖏᒃᑯᕕᑦ, ᓄᖅᑲᖓᑎᑦᓯᓇᓱᐊᕐᓂᐊᕈᕕᓪᓗ ᑖᒃᑯᓂᖓ,

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 2:6

“ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.