ᒨᓯᓯ ᐂᑉᐸᖏᑦ 4:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐄᑦᔨᑉᑎᒧᑦ ᐅᑎᕈᕕᑦ, ᑲᒪᑦᓯᐊᕐᓂᐊᕐᐳᑎᑦ ᐱᓇᓱᐊᕐᑐᒃᓴᐅᒐᕕᑦ ᐰᕉᑉ ᓵᖓᓂ ᑕᒤᓐᓂᒃ ᑲᒪᓇᕐᑐᓕᓂᕐᓂᒃ ᑐᓂᓚᐅᕐᑕᓐᓂᒃ ᐃᓕᖕᓄᑦ, ᐰᕉᓕ ᓯᑎᔫᑎᓐᓂᐊᕐᐸᕋ, ᐃᓄᒋᐊᒃᑐᕐᔪᐊᓂᒃ ᐊᐅᓪᓚᖁᔨᖁᓇᒍ.

ᒨᓯᓯ ᐂᑉᐸᖏᑦ 4:21 ပူးပေါင်းရင်းမြစ်များ

ᕉᒪᒥᐅᓄᑦ 9:18

ᑍᒤᒻᒪᑦ ᒎᑎ ᓂᑲᒍᓱᒃᐳᖅ ᓂᑲᒋᔪᒪᔭᒥᓂᒃ, ᓯᑎᔫᑎᓪᓗᒋᓪᓗ ᐃᓱᒪᖏᑦ ᓯᑎᑎᑦᓱᒪᔭᓂ.

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᔮᓱᐊᑉ ᐊᒡᓚᖏᑦ 11:20

ᐊᑕᓂᐅᑉ ᐅᓇᑕᕈᒪᑎᓚᐅᕐᐰᑦ ᐃᓴᕆᐊᓕᒥᐅᓂᒃ, ᑐᖁᑕᐅᖁᓪᓗᒋᑦ ᐊᓯᕈᕐᑕᐅᖁᓪᓗᒋᓪᓗ ᓄᖑᑕᐅᓗᑎᒃ, ᑕᒪᓐᓇ ᐊᑕᓂᐅᑉ ᑎᓕᓯᑦᔪᑎᒋᓚᐅᕐᒪᒍ ᒨᓯᓯᒧᑦ.

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᒨᓯᓯ ᐂᑉᐸᖏᑦ 14:8

ᐊᑕᓂᐅᓪᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᔭᕐᓂᕈᓐᓃᕐᑎᓚᐅᕐᒪᒍ, ᐃᓴᕆᐊᓕᒥᐅᑦ ᒪᓕᒃᓴᕐᐰᑦ, ᑖᒃᑯᐊ ᖁᕕᐊᓱᒡᓗᑎᒃ ᐃᖏᕐᕋᓕᓚᐅᕐᑑᒐᓗᐊᑦ.

ᒨᓯᓯ ᐂᑉᐸᖏᑦ 9:35

ᑕᕝᕙ ᐰᕉᑉ ᐆᒻᒪᑎᖓ ᓯᑎᔫᓕᓚᐅᕆᕗᖅ, ᐃᓴᕆᐊᓕᒥᐅᓪᓗ ᐃᓄᖏᑦ ᐊᐅᓪᓚᖁᔪᓐᓃᓚᐅᕆᕔᑦ; ᓲᕐᓗ ᐊᑕᓂᐅᑉ ᐅᖃᐅᓯᕆᓚᐅᕐᒪᒍ ᒨᓯᓯᒃᑯᑦ.

ᒨᓯᓯ ᐂᑉᐸᖏᑦ 9:12

ᐊᑕᓂᐅᓪᓕ ᓱᓕ ᐰᕉᑉ ᐆᒻᒪᑎᖓ ᓯᑎᔫᑎᓚᐅᕐᐹ, ᑖᒃᑯᓂᖓᓗ ᓈᓚᓚᐅᓐᖏᓚᖅ; ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ ᒨᓯᓯᒧᑦ ᐅᖃᐅᓯᕆᓪᓗᓂᐅᒃ.

ᒨᓯᓯ ᐂᑉᐸᖏᑦ 7:13

ᑭᓯᐊᓂᓕ ᐰᕉᑉ ᐃᓱᒪᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒐᓂ; ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 10:20

ᐊᑕᓂᐅᓪᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᑎᓚᐅᕐᐹ, ᐃᓴᕆᐊᓕᒥᐅᓪᓗ ᐃᓄᖏᑦ ᐊᐅᓪᓚᖁᓚᐅᓐᖏᓔᑦ.

ᒨᓯᓯ ᐂᑉᐸᖏᑦ 7:3

ᐊᖓᔪᖅᑳᕐᔪᐊᕐᓕ ᐱᔭᕐᓂᕈᓐᓁᕐᑎᓐᓂᐊᕐᐸᕋ ᐄᑦᔨᑉᑎᒥᐅᓄᑦ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐅᓄᕐᑐᓂᒃ ᑎᑭᑎᑦᓯᓯᒪᒐᓗᐊᕐᑎᓪᓗᖓ ᓈᓚᒍᓐᓇᖁᓇᒍ ᐅᖃᐅᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 6:10

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᐃᓐᖏᕈᑎᑦ 105:25

ᐄᑦᔨᑉᑎᒥᐅᑦ ᐆᒥᓱᓕᕐᑎᓚᐅᕐᐰᑦ ᐃᓄᖁᑎᖏᓐᓂᒃ, ᓈᒻᒪᖏᑦᑐᒥᒃ ᐱᓇᓱᐊᕐᕕᐅᖁᓪᓗᒋᑦ ᐱᔨᒋᔭᖏᑦ.

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᒨᓯᓯ ᑕᓪᓕᒪᖏᑦ 2:36

ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᓯᕗᓪᓖᑦ 6:3

ᐊᑕᓂᕐᓗ ᐅᖃᕐᐳᖅ, “ᐊᓂᕐᓂᕋ ᐃᓚᕾᓐᓇᕐᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᓂᐊᓕᕐᐳᓪᓕ ᐊᕐᕌᒍᓂᒃ 120ᓂᒃ.”

ᒨᓯᓯ ᐂᑉᐸᖏᑦ 8:32

ᑭᓯᐊᓂᓕ ᐰᕉᑉ ᐆᒻᒪᑎᓂ ᓯᑎᔫᑎᓕᓚᐅᕆᕚ, ᐃᓄᖕᓂᒡᓗ ᐊᐅᓪᓚᖁᔨᔪᓐᓃᓚᐅᕆᕗᖅ.

ᒨᓯᓯ ᐂᑉᐸᖏᑦ 10:1

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓚᐅᕆᑦ; ᑖᑦᓱᒪ ᐆᒻᒪᑎᖓ ᐱᔨᖏᑕᓗ ᐆᒻᒪᑎᖏᑦ ᓯᑎᔫᑎᓯᒪᒐᒃᑭᑦ, ᑖᒃᑯᑎᒎᓇᖅ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᓐᓇᖁᓪᓗᖓ,

ᒨᓯᓯ ᐂᑉᐸᖏᑦ 10:27

ᐊᑕᓂᐅᓪᓕ ᐰᕉᑉ ᐆᒻᒪᑎᖓ ᓯᑎᔫᑎᓚᐅᕐᐹ, ᑖᒃᑯᓂᖓᓗ ᐊᐅᓪᓚᖁᔨᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 11:9

ᐊᑕᓂᕐᓗ ᐅᖃᕐᓯᒪᕗᖅ ᒨᓯᓯᒧᑦ ᐃᒫᒃ, “ᐊᖓᔪᖅᑳᕐᔪᐊᕐᓗ ᐅᖃᐅᓯᕆᔭᕐᓂᒃ ᓈᓚᒍᒪᖃᑦᑕᕐᓂᐊᓐᖏᓚᖅ ᐄᑦᔨᑉᑎᒥ ᑲᒪᓇᕐᑐᓕᒃᑲᓐᓂᖁᓪᓗᖓ.”

ᒨᓯᓯ ᐂᑉᐸᖏᑦ 11:10

ᒨᓯᓯᐅᓪᓗ ᐂᕉᓂᐅᓪᓗ ᑕᒪᒃᑯᐊ ᑲᒪᓇᕐᑐᑦ ᐱᓇᓱᐊᓚᐅᕐᐰᑦ ᐊᖓᔪᖅᑳᕐᔪᐊᑉ ᑕᒃᑯᐊᓂ, ᐊᑕᓂᐅᓪᓕ ᐊᖓᔪᖅᑳᕐᔪᐊᖅ ᐆᒻᒪᑎᖓ ᓯᑎᔪᑎᓚᐅᕐᒪᒍ ᐃᓴᕆᐊᓕᒥᐅᑦ ᑕᕝᕙᓐᖓᑦ ᓄᓇᒥᓂᑦ ᐊᐅᓪᓚᕈᓐᓇᕐᓯᑎᑦᓱᓐᓇᓚᐅᓐᖏᓔᑦ.

ᐃᓐᖏᕈᑎᑦ 78:43

ᐱᓂᐊᕐᓃᑦ ᓇᓗᓁᒃᑯᑍᑦ ᐱᓂᐊᓚᐅᕐᑕᖏᑦ ᐄᑦᔨᑉᑎᒥ, ᑲᒪᓇᕐᑐᓕᓂᖏᓪᓗ ᓄᓇᒥ ᔪᐊᓐᒥ;

ᒨᓯᓯ ᐂᑉᐸᖏᑦ 3:19

ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕐᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᒥᓂ.

ᒨᓯᓯ ᐂᑉᐸᖏᑦ 8:11

ᓈᕌᔩᑦ ᐃᓕᖕᓂᑦ ᐃᒡᓗᑦᓯᓐᓂᓪᓗ ᐱᔨᒋᔭᕐᓂᓪᓗ ᐃᓄᖁᑎᖕᓂᓪᓗ ᐲᔭᕐᑕᐅᓂᐊᕐᐳᑦ; ᑰᖕᒥ ᑭᓯᐊᓂ ᐱᑕᓕᑑᓕᕐᓗᓂ.”

ᒨᓯᓯ ᐂᑉᐸᖏᑦ 8:15

ᐰᕉᓕ ᖃᐅᔨᓕᕋᒥ ᓈᕌᔩᑦ ᑐᖁᓂᖏᓐᓂᒃ, ᐆᒻᒪᑎᓂ ᓯᑎᔫᑎᓕᓚᐅᕆᕚ, ᑖᒃᑯᓂᖓᓗ ᓈᓚᒍᓐᓃᕆᓪᓗᓂ; ᓲᕐᓗ ᐊᑕᓂᐅᑉ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᓂᐅᒃ.

ᒨᓯᓯ ᐂᑉᐸᖏᑦ 14:17

ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᓯᑎᔫᑎᓐᓂᐊᕐᐸᒃᑲ ᒪᓕᒃᓴᕐᓂᐊᕐᐳᓪᓗ ᑖᒃᑯᓂᖓ. ᐅᐱᒋᔭᐅᑦᔪᑎᑖᕐᓂᐊᕐᐳᖓᓗ ᓵᓚᖃᕐᓂᓐᓂᒃ ᐊᖓᔪᖅᑳᕐᔪᐊᒥᒃ, ᐅᓇᑕᕐᑐᒃᓴᖁᑎᖏᓐᓂᒡᓗ, ᕿᒧᒃᓯᐅᑎᖁᑎᖏᓐᓃᑦᑐᓕᒫᓂᒃ.