ᒨᓯᓯ ᐂᑉᐸᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᒨᓯᓯ ᑭᐅᕗᖅ ᐅᖃᕐᓗᓂᓗ, “ᑕᑯᒋᑦ ᑍᒃᑯᐊ ᐅᕙᓐᓂᒃ ᐅᒃᐱᕈᓱᖕᓂᐊᓐᖏᓚᑦ, ᓂᐱᒐᓗ ᓈᓚᒍᒪᑦᔮᓐᖏᓛᑦ, ᐅᖃᕋᔭᕐᐳᓪᓕ, ‘ᐊᑕᓂᖅ ᓴᖅᑭᓚᐅᓐᖏᓚᖅ ᐃᓕᖕᓄᑦ.’”

ᒨᓯᓯ ᐂᑉᐸᖏᑦ 4:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:3

ᓇᓗᓁᒃᑯᑕᕐᒥᒃ ᐊᑐᓛᕐᑐᒥᒃ ᐅᓪᓗᖅ ᓇᓪᓕᐊᑎᒃᐸᑦ ᐅᖃᕐᓗᓂ, “ᐅᓇ ᑕᕝᕙ ᓇᓗᓁᒃᑯᑕᐅᓛᕐᑐᖅ ᐊᑕᓂᐅᑉ ᐅᖃᕐᓂᖓᓄᑦ: ‘ᑕᑯᒋᑦ, ᑐᓂᕐᕈᓯᕐᕕᒃ ᓯᖁᒥᑕᐅᔪᒫᕐᐳᖅ, ᐊᕐᔭᓕᓃᓪᓗ ᐃᓗᐊᓃᑦᑐᑦ ᓈᕕᓪᓗᑎᒃ ᒪᓂᖅᑲᒧᑦ.’”

ᒨᓯᓯ ᐂᑉᐸᖏᑦ 2:14

ᑖᑦᓱᒪᓗ ᑭᐅᕚ, “ᑭᐊ ᐅᕙᑦᑎᓐᓄᑦ ᐊᖓᔪᖅᑳᓐᖑᕐᑎᑉᐹᑏᑦ ᐃᖅᑲᕐᑐᐃᖁᓪᓗᑎᑦ, ᑐᖁᓐᓂᐊᓕᕆᕕᖔ ᑍᑦᓱᑐᓇᖅ ᐄᑦᔨᑉᑎᒥᐅᑕᕐᑐᑦ ᑐᖁᓚᐅᕐᑕᕐᑐᑦ?” ᒨᓯᓯᓗ ᓯᕘᕋᓕᕐᐳᖅ ᐃᓱᒪᓕᕐᓗᓂᓗ, “ᐃᓄᖕᓂᑦ ᖃᐅᔨᔭᐅᓐᓂᕐᐳᖓ ᖃᓄᐃᓕᐅᕐᓂᕆᓚᐅᕐᑕᓐᓂᒃ.”

ᒨᓯᓯ ᐂᑉᐸᖏᑦ 3:15

ᒎᑎᓗ ᐅᖃᕆᕗᖅ ᒨᓯᓯᒧᑦ, “ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐅᕙᖓ ᐊᑕᓂᖅ ᓯᕗᓪᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓᑕ ᑎᓕᕚᑎᑦ ᑍᒃᑯᓄᖓ ᑍᒪᓐᓇ ᐊᑎᕾᓐᓇᕐᓂᐊᕐᐳᖓ ᐃᓱᖃᖏᑦᑐᒧᑦ, ᑍᒫᒃ ᑕᕝᕙ ᑭᖑᕚᑦᓯ ᑍᖃᑦᑕᕆᐊᖃᓛᕐᐹᖓ.

ᒨᓯᓯ ᐂᑉᐸᖏᑦ 3:16

ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 4:10

ᒨᓯᓯᓕ ᐅᖃᕐᐳᖅ ᐊᑕᓂᕐᒧᑦ, “ᑕᑯᒋᑦ ᐊᑕᓃᖅ, ᐅᖃᓪᓚᑦᓯᐊᕈᓐᓇᖏᑦᑐᖓ, ᐊᒡᓛᓪᓗ ᐃᓕᖕᓄᑦ ᐅᖃᓪᓚᒡᕕᐅᓂᕐᒪ ᑭᖑᓂᖓᓂ ᓱᓕ ᐅᖃᓪᓚᒍᓐᓇᑦᓯᐊᓐᖏᓚᖓ, ᐅᖃᕈᓐᓁᓪᓕᖅᑲᑦᑕᓲᖑᒐᒪ ᐅᖃᕋᓗ ᐃᖃᓕᕐᐸᒃᓗᓂ.”

ᒨᓯᓯ ᐂᑉᐸᖏᑦ 4:30

ᐂᕉᓂᓗ ᐅᓂᒃᑳᕐᐳᖅ ᑕᒤᓐᓂᒃ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᒨᓯᓯᒧᑦ, ᓇᓗᓁᒃᑯᑕᕐᓂᒡᓗ ᐱᓇᓱᐊᕐᓗᓂ ᐃᓄᐃᑦ ᓵᖏᓐᓂ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᒨᓯᓯ ᐂᑉᐸᖏᑦ 6:12

ᒨᓯᓯᓕ ᐅᖃᕐᐳᖅ ᐊᑕᓂᕐᒧᑦ, “ᑕᑯᒋᑦ, ᐃᓴᕆᐊᓕᒥᐅᓄᑦ ᓈᓚᒃᑕᐅᓯᒪᓐᖏᓚᖓ; ᖃᓄᕐᓕ ᑕᕝᕙ ᐰᕉᒧᑦ ᓈᓚᒃᑕᐅᔪᓐᓇᕋᔭᕐᐳᖔ? ᐅᖃᓪᓚᑦᓯᐊᕈᓐᓇᖏᑦᑑᒐᒪ.”

ᒨᓯᓯ ᐂᑉᐸᖏᑦ 6:30

ᒨᓯᓯᓕ ᐊᑕᓂᕐᒧᑦ ᑭᐅᕗᖅ, “ᖃᐅᔨᒪᕗᑎᑦ ᐅᖃᕈᓐᓇᑦᓯᐊᖏᓐᓂᓐᓂᒃ, ᐊᖓᔪᖅᑳᕐᔪᐊᖅ ᐅᖃᐅᓯᕆᔭᓐᓂᒃ ᓈᓚᒃᑲᔭᕋᓗᐊᕐᒫᑦ?”

ᔨᕆᒤᐊᐅᑉ ᐊᒡᓚᖏᑦ 1:6

ᑕᕝᕙ ᑭᐅᕙᕋ, “ᑕᑯᒋᑦ ᐊᑕᓃᖅ ᒎᑏ! ᖃᓄᖅ ᐅᖃᓪᓚᒋᐊᒃᓴᖅ ᓇᓗᔪᖓ, ᐅᕕᒃᑲᐅᓗᐊᕋᒪ.”

ᐃᓯᑭᐊᓕᐅᑉ ᐊᒡᓚᖏᑦ 3:14

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᒧᑦ ᓂᓐᖓᐅᒪᓇᕐᑐᒧᑦ ᐊᓂᕐᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᕐᐹᖓ;

ᐋᐴᓯᑕᓖᑦ ᐱᓂᐊᕐᓂᖏᑦ 7:25

ᐃᓅᖃᑎᓂ ᑐᑭᓯᓂᐊᕋᓱᒋᓚᐅᕐᐰᑦ ᒎᑎᒧᑦ ᐊᑐᕐᑕᐅᓗᓂ ᐃᓄᖁᑎᓂ ᓴᐳᑎᔪᒫᕐᒪᒋᑦ, ᐃᓅᖃᑎᖏᑦ ᑐᑭᓯᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 6:17

ᒋᑎᐅᓂᐅᑉ ᐅᖃᐅᑎᕚ, “ᖁᕕᐊᒋᒍᕕᖓ, ᓇᓗᓁᒃᑯᑕᕐᒥᒃ ᑐᓂᓯᕕᒋᓚᐅᓐᖓ ᐃᕝᕕᓪᓚᕆᐅᖕᒪᖔᕐᐱᑦ ᐊᑕᓃᖅ.