ᒨᓯᓯ ᐂᑉᐸᖏᑦ 38:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᒃᑯᐊ ᐃᓄᐃᑦ ᐅᓄᕐᓂᖏᑦ ᐊᑐᓂᑦ ᓈᓴᕐᑕᐅᓯᒪᔪᑦ ᐊᑦᔨᒌᒥᒃ ᐊᑭᓖᑎᑕᐅᔪᑦ ᒪᓕᒡᓗᒋᑦ ᑍᒫᒃ ᐊᑐᓂᑦ ᐊᑭᓕᐅᑎᒋᔭᐅᖁᔭᐅᔪᒥᒃ ᒪᓕᒡᓗᑎᒃ ᐊᑭᓖᓚᐅᕐᒪᑕ, ᐅᖁᒤᓐᓂᕐᓯᐅᑎᑦ ᐊᑐᕐᑕᐅᒐᔪᒃᐸᒃᑐᑦ ᒪᓕᒡᓗᒋᑦ. ᐊᖑᑎᑦ ᐊᕐᕌᒍᓖᑦ 20ᓂᒃ ᐱᒋᐊᕐᓗᒋᑦ ᐅᖓᑖᓄᑦ ᐊᕐᕌᒍᓖᑦ ᑎᑭᓪᓗᒋᑦ ᓈᓴᕐᑕᐅᓯᒪᔪᑦ ᐅᓄᕐᓂᖃᓚᐅᕐᐳᑦ 603,550ᓂᒃ.

ᒨᓯᓯ ᐂᑉᐸᖏᑦ 38:26 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 12:37

ᐃᓴᕆᐊᓕᒥᐅᑦ ᐊᐅᓪᓚᕐᐳᑦ ᐱᓱᒃᓗᑎᒃ ᓄᓇᒥᑦ ᕌᒥᓯᓯᒥᑦ ᓱᑰᑎᒧᑦ ᑎᑭᓪᓗᑎᒃ, ᐊᖑᑎᓪᓗ ᐅᓄᕐᓂᖃᓚᐅᕐᐳᑦ 600,000ᓂᒃ ᐊᕐᓁᑦ ᓄᑕᖅᑲᓪᓗ ᐱᖃᓯᐅᑎᓇᒋᑦ.

ᒨᓯᓯ ᐂᑉᐸᖏᑦ 30:12

“ᐃᓴᕆᐊᓕᒥᐅᑦ ᐃᓄᖏᑦ ᓈᓴᓕᕈᕕᒋᑦ, ᐃᓄᐃᑦ ᐊᑐᓂᑦ ᐃᓘᓐᓇᑎᒃ ᐊᑭᓖᔪᒃᓴᐅᕗᑦ ᐊᑕᓂᕐᒧᑦ ᐃᓅᓯᑎᒃ ᐱᑦᔪᑎᒋᓗᒋᑦ, ᖃᓄᐃᓕᓇᕐᑐᒧᑦ ᑎᑭᑕᐅᖁᓇᒋᑦ ᓈᓴᕐᑕᐅᓕᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 30:13

ᐊᑐᓂᑦ ᑕᕝᕙ ᓈᓴᕐᑕᐅᔪᑦ ᐃᒤᑦᑐᓂᒃ ᑐᓂᓯᔪᒃᓴᐅᕗᑦ: ᑮᓇᐅᔭᓂᒃ ᐅᖁᒤᓐᓂᕐᓯᐅᑎᓪᓚᕆᖕᒧᑦ ᐊᑐᕐᑕᐅᒐᔪᒃᑐᒧᑦ ᐆᒃᑐᕋᕐᑕᐅᓯᒪᔪᓂᒃ ᒪᓕᒡᓗᑎᒃ. ᑕᒪᒃᑯᐊ ᑕᕝᕙ ᐃᓅᑉ ᐊᑐᓂᑦ ᑐᓂᔭᕆᐊᖃᕐᐰᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 38:27

ᓯᐅᓪᕕᕇᓪᓕ, ᐅᖁᒤᓐᓂᖃᓚᐅᕐᐳᑦ 3,400ᓂᒃ ᑭᓗᒍᕌᓂᒃ 100ᓄᑦ ᑐᓐᖓᕕᒃᓴᓄᑦ ᐊᑐᕐᑕᐅᓚᐅᕐᑐᑦ ᑐᐱᕐᒧᑦ ᐃᑦᔪᕐᓁᑦᑐᒧᑦ ᑖᓗᑕᕆᔭᖏᓐᓄᓪᓗ, ᑐᓐᖓᕕᒡᓗ ᐊᑕᐅᓯᖅ ᐊᑐᓂᑦ ᐅᖁᒤᓐᓂᖃᕐᐳᖅ 34ᓂᒃ ᑭᓗᒍᕌᓂᒃ.

ᒨᓯᓯ ᓯᑕᒪᖏᑦ 1:2

“ᓈᓴᓚᐅᒃᑭᑦ ᑲᑎᕙᒃᑐᓕᒫᑦ ᐃᓴᕆᐊᓕᐅᑉ ᕿᑐᕐᖓᖏᑦ, ᐃᓚᒌᑦ ᐃᒡᓗᒥᐅᖃᑎᒌᑦ ᒪᓕᒡᓗᒋᑦ, ᐊᑖᑕᖏᑕᓗ ᓯᕗᓕᖏᑦ ᒪᓕᒡᓗᒋᑦ, ᐊᑎᖏᑕ ᐅᓄᕐᓂᖏᑦ ᒪᓕᒡᓗᒋᑦ, ᐊᖑᑎᓕᒫᑦ,

ᒨᓯᓯ ᓯᑕᒪᖏᑦ 1:3

ᐊᕐᕌᒍᖃᕐᑐᑦ ᐊᕙᑎᓂᒃ ᐊᖓᔪᒋᔭᖏᓪᓗ ᑕᒪᕐᒥᒃ, ᐃᓴᕆᐊᓕᒥᐅᓂ ᐅᓇᑕᖃᑕᐅᔪᓐᓇᕐᑐᓕᒫᑦ. ᐃᕝᕕᓪᓗ ᐂᕉᓂᓗ ᓈᓴᕐᓯᒃᑯᒃ ᐅᓇᑕᕐᑐᒃᓴᐅᖃᑎᒌᑦ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 1:46

ᑲᑎᓪᓗᒋᑦ ᓈᓴᕐᑕᐅᔪᑦ 603,550ᐅᓚᐅᕐᐳᑦ.

ᒨᓯᓯ ᓯᑕᒪᖏᑦ 2:32

ᑖᒃᑯᐊ ᑕᕝᕙ ᐃᓴᕆᐊᓕᒥᐅᑦ, ᓈᓴᕐᑕᐅᓚᐅᕐᑐᑦ ᐃᓚᒌᑦ ᒪᓕᒡᓗᒋᑦ. ᑕᖕᒫᕐᓯᒪᕕᖕᒦᑦᑐᓕᒫᑦ, ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, 603,550ᓂᒃ ᑲᑎᓪᓗᒋᑦ ᐅᓄᕐᓂᖃᓚᐅᕐᐳᑦ.

ᒨᓯᓯ ᓯᑕᒪᖏᑦ 26:2

“ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᓈᓴᓕᕐᓯᒋᒃ ᐃᓴᕆᐊᓕᒥᐅᑦ ᐅᓇᑕᕆᐊᕈᓐᓇᕐᑐᑦ.”

ᒨᓯᓯ ᓯᑕᒪᖏᑦ 26:51

ᑖᒃᑯᐊᓕᒫᑦ ᐃᓴᕆᐊᓕᒥᐅᓂᑦ ᓈᓴᕐᑕᐅᔪᑦ ᑲᑎᓪᓗᒋᑦ: 601,730ᓂᒃ ᐅᓄᕐᓂᖃᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 17:24

ᔩᓱᓯ ᐃᓕᓐᓂᐊᕐᑎᖏᓪᓗ ᑲᐲᕐᓂᐊᒧᑦ ᑎᑭᒻᒪᑕ, ᑐᒃᓯᐊᕐᕕᒃᔪᐊᕐᒥ ᑖᒃᓯᑎᒍᑦ ᐊᑭᓕᕐᓱᐃᑎᑦᓯᔨ, ᐲᑦᑐᕉᓯᒧᐊᕐᐳᖅ ᐊᐱᕆᓪᓗᒍ, “ᐅᓇ ᐃᓕᓮᔨᓯ ᑐᒃᓯᐊᕐᕕᒃᔪᐊᑉ ᑖᒃᓯᖏᓐᓂᒃ ᐊᑭᓖᕙᓐᖏᑦᑑᖅ?”