5 ᓱᓪᓗᖏᑎᒍᓪᓗ ᑲᐅᑎᓪᓗᒋᒃ ᑍᒫᒃ ᐊᑭᕋᐅᑎᓕᐅᕐᐹ ᐃᒃᓯᕐᕕᐅᑉ ᓴᓂᕌᒍᑦ.
ᑖᒃᑯᐊᒃ ᐊᑭᕋᐅᑎᖏᒃᑕ ᐃᓱᖏᒃ ᑕᑯᔭᐅᔪᓐᓇᕐᐴᒃ ᑕᑭᔫᖕᒪᑎᒃ ᐃᑦᔪᕐᓁᓐᓂᕐᐹᑉ ᐃᓗᐊᑕ ᑐᑭᐊᓂᑦ, ᓯᓚᑖᓂᑦ ᑕᑯᔭᐅᔪᓐᓇᓐᖏᓛᒃ; ᑖᒃᑯᐊᒡᓗ ᐊᑭᕋᐅᑏᒃ ᓱᓕ ᐅᓪᓗᒥ ᑍᑲᓃᑉᐳᒃ.
ᑕᑭᔪᑯᑖᖕᓂᒃ ᕿᔫᖕᓂᒃ ᓴᓇᒋᕗᖅ ᑎᓴᒃᑖᖕᓂᒃ ᐊᑬᑦᓯᐊᒥᒃ ᐊᑎᓕᖕᒥᑦ, ᑖᒃᑯᐊᒡᓗ ᓯᓚᑉᐱᐊᕐᐹᒃ ᒎᓗᒥᒃ,
ᒪᑐᓕᐅᕐᐹᓗ ᓂᑲᒍᓱᖕᓂᐅᑉ ᐃᒃᓯᕙᐅᑕᖓᓂᒃ ᑍᔭᐅᔪᒥᒃ ᒎᓗᐃᓐᓇᐅᓪᓗᒍ, ᑕᑭᓂᖃᕐᓗᒍ 110ᓂᒃ ᓯᓐᑎᒦᑕᓂᒃ, ᓯᓕᖕᓂᖃᕐᓗᒍᓗ 66ᓂᒃ ᓯᓐᑎᒦᑕᓂᒃ.
ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.
ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.
