27 ᓯᓇᕐᔪᐊᑕᓗ ᐊᑖᒍᑦ ᒪᕐᕉᖕᓂᒃ ᒎᓘᖕᓂᒃ ᓄᕐᓗᓕᐅᕐᐳᖅ ᐊᒡᔭᕐᑕᐅᕕᒃᓴᖏᓐᓂᒃ, ᐃᒡᓗᐊᓂᓗ ᒪᕐᕉᖕᓂᒃᑕᐅᖅ ᒎᓘᖕᓂᒃ ᓄᕐᓗᓕᐅᕆᓪᓗᒍ, ᐊᑭᕋᐅᑎᒋᔭᐅᔪᓄᑦ ᕿᔪᑯᑖᖕᓄᑦ ᑲᐅᒻᒥᔭᐅᓪᓗᑎᒃ ᐊᒡᔭᕐᑕᐅᕕᒃᓴᐅᖁᓪᓗᒋᑦ.
ᓯᓇᕐᔪᐊᑕ ᑭᒡᓕᖓᓃᑦᑐᒃᓴᐅᕗᑦ ᐊᖕᒪᓗᕐᑐᑦ ᓱᓪᓗᓖᑦ, ᑕᑭᔪᑯᑖᖕᓄᑦ ᑲᐅᑎᑦᓯᕕᐅᓗᑎᒃ ᐊᑭᕋᐅᓯᕐᕕᒃᓴᐅᖁᓪᓗᒋᑦ ᑖᑦᓱᒧᖓ ᓵᒧᑦ.
ᖄᖓᒍᑦ ᓯᓚᑉᐱᐊᕆᕚ, ᓯᓚᑎᓕᒫᖓ ᒎᓗᓪᓚᕆᖕᒥᒃ ᐊᓯᐊᓂᒃ ᐃᓚᓯᒪᖏᑦᑐᒥᒃ, ᖄᖓᓗ ᓴᓂᕋᖏᓪᓗ ᓯᓇᕐᔪᓕᐅᕐᓗᒋᑦ ᒎᓗᒥᒃ.
ᕿᔪᑯᑖᒡᓗ ᐊᑭᕋᐅᑎᒃᓴᖏᑦ ᓴᓇᒋᕚᒃ ᕿᔪᖕᒥᑦ ᑎᓯᔪᒥᑦ ᐊᑬᓯᐊᒥᒃ ᐊᑎᓕᖕᒥᑦ ᓯᓚᑉᐱᐊᕐᓗᒋᓪᓗ ᒎᓗᒥᒃ.