ᒨᓯᓯ ᐂᑉᐸᖏᑦ 35:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᕐᓁᓪᓗ ᑕᒪᕐᒥᒃ ᓄᕕᕐᓵᒃᓴᓕᐅᕈᓐᓇᕐᑐᑦ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᑦ ᒎᑦᓯᐅᑉ ᒥᖅᑯᖏᓐᓂᒃ ᓄᕕᕐᓵᒃᓴᓕᐅᓚᐅᕐᐳᑦ.

ᒨᓯᓯ ᐂᑉᐸᖏᑦ 35:26 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:7

ᐊᑕᓂᐅᓪᓗ ᐃᒡᓗᖓᓂᑦ ᐃᓚᖓᓂ ᐃᒡᓗᕈᓰᑦ ᐲᔭᕐᑕᐅᑎᑉᐰᑦ ᑮᓇᐅᔭᓕᐅᕈᑎᒋᓪᓗᒍ ᐊᖑᓐᓂᐊᕐᑎᓄᑦ ᐃᓂᒋᔭᐅᖃᑦᑕᕐᑐᕕᓃᑦ, ᑕᕝᕙᓂᓗ ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᑐᕐᓯᐅᑎᓂᒃ ᐊᑐᕐᑕᐅᖃᑦᑕᕐᑐᓂᒃ ᐊᕐᓁᑦ ᐊᓐᓄᕌᓕᐅᕐᕕᖏᑦ ᐲᔭᕆᕔᑦ.

ᒨᓯᓯ ᐂᑉᐸᖏᑦ 35:21

ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ.

ᒨᓯᓯ ᐂᑉᐸᖏᑦ 35:25

ᐊᕐᓁᓪᓗ ᑕᒪᕐᒥᒃ ᐱᓇᓱᐊᕈᓐᓇᑦᓯᐊᕐᑐᑦ ᖃᓪᓗᓈᕐᑕᑦᓯᐊᕙᖕᓂᒃ ᐃᕙᓗᒃᓴᔭᓂᒃ ᑐᓂᕐᕈᓯᕐᐳᑦ ᐃᕙᓗᒃᓴᓂᒡᓗ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ, ᑕᒪᒃᑯᓂᖓ ᓴᓇᓯᒪᔭᒥᖕᓂᒃ.

ᒨᓯᓯ ᐂᑉᐸᖏᑦ 35:27

ᐊᖓᔪᖅᑳᖑᔪᓪᓕ ᑐᓂᓯᕗᑦ ᐅᔭᕋᖕᓂᒃ ᐱᐅᔫᑎᐊᓗᖕᓂᒃ ᐅᓂᒃᓯᓂᒃ ᐊᑎᓕᖕᓂᒃ ᐊᓯᖏᓐᓂᒡᓗ ᐅᔭᕋᖕᓂᒃ ᐊᑐᕐᑐᒃᓴᓂᒃ

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 36:2

ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ.

ᒨᓯᓯ ᐂᑉᐸᖏᑦ 36:8

ᑖᒃᑯᓇᓐᖓᑦ ᐊᖑᑎᓂᑦ ᓴᓇᑦᓯᐊᕈᓐᓇᕐᓂᕐᐹᓄᑦ ᓴᓇᔭᐅᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓ ᑐᐱᖅ. ᓴᓇᓚᐅᕐᐳᑦ ᑐᐱᒃᓴᓂᒃ ᖁᒻᒧᑦ 10ᓂᒃ ᓴᓇᓯᒪᓪᓗᑎᒃ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᖑᔪᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔭᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:19

ᓇᖕᒥᓂᖅ ᐃᕙᓗᒃᓴᒥᓂᒃ ᓴᓇᕙᒡᓗᓂ, ᓇᖕᒥᓂᕐᓗ ᐊᓐᓄᕌᒃᓴᒥᓂᒃ ᓄᕕᕐᓴᕐᐸᒡᓗᓂ.