ᒨᓯᓯ ᐂᑉᐸᖏᑦ 35:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐊᕐᓁᓪᓗ ᑕᒪᕐᒥᒃ ᐱᓇᓱᐊᕈᓐᓇᑦᓯᐊᕐᑐᑦ ᖃᓪᓗᓈᕐᑕᑦᓯᐊᕙᖕᓂᒃ ᐃᕙᓗᒃᓴᔭᓂᒃ ᑐᓂᕐᕈᓯᕐᐳᑦ ᐃᕙᓗᒃᓴᓂᒡᓗ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ, ᑕᒪᒃᑯᓂᖓ ᓴᓇᓯᒪᔭᒥᖕᓂᒃ.

ᒨᓯᓯ ᐂᑉᐸᖏᑦ 35:25 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:7

ᐊᑕᓂᐅᓪᓗ ᐃᒡᓗᖓᓂᑦ ᐃᓚᖓᓂ ᐃᒡᓗᕈᓰᑦ ᐲᔭᕐᑕᐅᑎᑉᐰᑦ ᑮᓇᐅᔭᓕᐅᕈᑎᒋᓪᓗᒍ ᐊᖑᓐᓂᐊᕐᑎᓄᑦ ᐃᓂᒋᔭᐅᖃᑦᑕᕐᑐᕕᓃᑦ, ᑕᕝᕙᓂᓗ ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᑐᕐᓯᐅᑎᓂᒃ ᐊᑐᕐᑕᐅᖃᑦᑕᕐᑐᓂᒃ ᐊᕐᓁᑦ ᐊᓐᓄᕌᓕᐅᕐᕕᖏᑦ ᐲᔭᕆᕔᑦ.

ᑯᕉᓂᑲ ᓯᕗᓪᓖᑦ 28:21

ᑕᑯᒋᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐊᒡᒍᕐᓯᒪᔭᕇᕐᐳᑦ ᐱᔨᑦᓯᕐᓂᓕᒫᓄᑦ ᒎᑎᐅᑉ ᐃᒡᓗᖓᓂ; ᓴᓇᔩᑦ ᐃᓕᖕᓂᒃ ᐃᑲᔪᕈᒪᑦᓯᐊᕐᑐᑦ ᐱᔪᓐᓇᑦᓯᐊᕐᑐᓪᓗ ᐃᑲᔪᕐᓂᐊᕐᐹᑎᑦ ᓴᓇᔭᕆᐊᓕᓕᒫᓄᑦ ᖃᓄᐃᑦᑐᑐᐃᓐᓇᑦᓯᐊᓄᑦ; ᐊᖓᔪᖅᑳᑦ ᐃᓄᓕᒫᓪᓗ ᐱᖁᔨᓂᓕᒫᕐᓂᒃ ᓈᓚᑦᓯᐊᕈᒫᕐᐳᑦ.”

ᒨᓯᓯ ᐂᑉᐸᖏᑦ 28:3

ᓴᓇᑦᓯᐊᕈᓐᓇᕐᑐᓕᒫᓂᒃ ᕾᖁᔨᔪᒃᓴᐅᕗᑎᑦ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᓐᓄᑦ, ᑖᒃᑯᐊᓗ ᐅᖃᐅᑎᔭᒃᓴᕆᕙᑎᑦ ᐂᕉᓂᒥᒃ ᐊᓐᓄᕌᒃᓴᓕᐅᖁᓗᒋᑦ, ᑖᓐᓇ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒍ ᑐᓂᔭᐅᓗᓂ ᐅᕙᓐᓄᑦ.

ᒨᓯᓯ ᐂᑉᐸᖏᑦ 31:6

ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.

ᒨᓯᓯ ᐂᑉᐸᖏᑦ 35:24

ᑐᓂᔭᐅᔪᓐᓇᕐᑐᓕᒫᓂᒡᓗ ᓯᐅᓪᕕᕆᓂᒃ ᑲᓐᓄᔭᓂᒡᓘᓐᓃᑦ ᑐᓂᓯᓚᐅᕐᐳᑦ ᐊᑕᓂᕐᒧᑦ, ᕿᔪᖕᓂᒡᓗ ᑎᓴᒃᑕᓂᒃ ᐱᖁᑎᓖᑦ ᐊᑬᑦᓯᐊᓂᒃ ᐊᑎᓕᖕᓂᒃ ᖃᓄᑐᐃᓐᓇᖅ ᐊᑐᕐᑕᐅᔪᓐᓇᕋᔭᕐᑐᓂᒃ ᐱᓇᓱᐊᕈᑕᐅᔪᓐᓇᕋᔭᕐᑐᓂᒡᓗ ᑕᒤᓐᓂᒃ ᑐᓂᓯᓚᐅᕐᐳᑦ.

ᒨᓯᓯ ᐂᑉᐸᖏᑦ 35:26

ᐊᕐᓁᓪᓗ ᑕᒪᕐᒥᒃ ᓄᕕᕐᓵᒃᓴᓕᐅᕈᓐᓇᕐᑐᑦ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᑦ ᒎᑦᓯᐅᑉ ᒥᖅᑯᖏᓐᓂᒃ ᓄᕕᕐᓵᒃᓴᓕᐅᓚᐅᕐᐳᑦ.

ᒨᓯᓯ ᐂᑉᐸᖏᑦ 36:1

“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:1

ᐊᕐᓇᖅ ᓯᓚᑐᔪᖅ ᐃᒡᓗᓕᐅᕐᐳᖅ, ᓯᓔᑦᑑᓪᓕ ᐃᒡᓗᓕᐊᓂ ᐊᒡᒐᖕᒥᓄᑦ ᓯᖁᑦᑎᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 9:39

ᐲᑦᑐᕉᓯ ᐸᕐᓇᒃᑲᒥ ᑖᒃᑯᐊᒃ ᐃᓚᒋᓪᓗᒋᒃ ᐊᐅᓪᓚᕐᐳᑦ. ᑕᕝᕗᖓ ᑎᑭᒻᒪᑕ ᐋᑉᐹᑦ ᐃᒡᓘᑉ ᖁᓛᓃᑦᑐᒧᑦ. ᐅᐃᒡᒐᕐᓃᑦ ᑕᕝᕙᓃᑦᑐᑦ ᕿᐊᕗᑦ, ᐅᕕᓂᕈᕐᓂᒃ ᐊᓐᓄᕌᓂᒡᓗ ᐊᓯᖏᓐᓂᒃ, ᑑᑲᓯᐅᑉ ᐃᓅᓪᓗᓂ ᓴᓇᖃᑦᑕᕐᑕᕕᓂᖏᓐᓂᒃ ᐲᑦᑐᕉᓯᒧᑦ ᑕᑯᔭᐅᑎᑦᓯᕗᑦ.

ᕉᒪᒥᐅᓄᑦ 16:12

ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ.

ᕉᒪᒥᐅᓄᑦ 16:6

ᑕᕝᕙᐅᕗᑏᕐᐸᕋ ᒥᐊᕆ, ᐱᓇᓱᐊᕐᓯᒪᔪᖅ ᐊᒃᓱᕈᕐᓗᓂ ᐃᓕᑦᓯᓐᓂ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.