ᒨᓯᓯ ᐂᑉᐸᖏᑦ 35:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ, ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ, ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 35:22 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 12:4

ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ.

ᑯᕉᓂᑲ ᐂᑉᐸᖏᑦ 29:31

ᑕᕝᕙ ᕼᐃᓯᑬᐊ ᐅᖃᕐᐳᖅ, “ᒫᓐᓇ ᐃᑦᔪᕐᓁᑎᑦᓴᕇᕋᑦᓯ ᐊᑕᓂᕐᒧᑦ; ᖃᒡᓕᒋᐊᕆᑦᓯ, ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᖁᔭᓕᓂᕐᒧᑦ ᐊᑕᓂᐅᑉ ᐃᒡᓗᖓᓄᑦ.” ᑲᑎᓐᖓᔪᓪᓗ ᑐᓂᕐᕈᓯᕐᐳᑦ ᖁᔭᓕᑦᔪᑎᓂᒡᓗ ᑐᓂᕐᕈᓯᕐᓗᑎᒃ; ᐆᒻᒪᑎᒥᒍᓪᓗ ᑲᔪᖏᕐᑐᓕᒫᑦ ᐃᑯᐊᓪᓚᒃᑎᑕᒃᓴᓂᒃ ᑐᓂᕐᕈᓯᕐᐳᑦ.

ᒨᓯᓯ ᐂᑉᐸᖏᑦ 32:2

ᐂᕉᓂᐅᑉ ᐅᖃᐅᑎᕔᑦ, “ᓄᐊᑦᓯᓕᕆᑦᓯ ᓄᓕᐊᑦᓯ, ᐃᕐᓂᑦᓯ, ᐸᓂᑦᓯᓗ ᓯᐅᑎᒥᐅᑕᖏᓐᓂᒃ ᒎᓗᓂᒃ, ᑕᒪᒃᑯᐊᓗ ᐲᔭᕐᓗᒋᑦ ᐅᕙᓐᓄᐊᕈᑎᓯᒋᒃ.”

ᒨᓯᓯ ᐂᑉᐸᖏᑦ 32:3

ᑕᕝᕙ ᐃᓄᓕᒫᑦ ᓯᐅᑎᒥᐅᑕᒥᖕᓂᒃ ᒎᓗᓂᒃ ᐲᔧᕗᑦ, ᐂᕉᓂᒧᐊᕐᓗᒋᓪᓗ.

ᒨᓯᓯ ᐂᑉᐸᖏᑦ 35:21

ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ.

ᒨᓯᓯ ᐂᑉᐸᖏᑦ 35:23

ᖃᓪᓗᓈᕐᑕᑦᓯᐊᖁᑎᓕᓕᒫᓪᓗ; ᑐᖑᔪᕐᑕᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓐᓄᕌᓕᐊᕆᓯᒪᔪᓂᒡᓗ ᒎᑦᓯᐅᑉ ᒥᖅᑯᕕᓂᖏᓐᓂᑦ, ᓰᐱᐅᓪᓗ ᐊᖑᓴᓪᓗᖏᑕ ᐊᒥᖏᓐᓂᒃ ᕿᑐᒻᒪᒃᓴᕐᓯᒪᔪᓂᒃ ᐊᐅᐸᕐᑐᓂᒃ, ᐊᒥᕐᓂᒡᓗ ᕿᑐᒻᒪᒃᓴᑦᓯᐊᕐᓯᒪᔪᓂᒃ, ᑕᒪᒃᑯᐊ ᑐᓂᔭᐅᓚᐅᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:12

ᓲᕐᓗ ᓯᐅᑎᒥᐅᑕᖅ ᒎᓗ ᐅᕝᕙᓗ ᐱᐅᓴᐅᑎ ᒎᓗᑦᓯᐊᖅ, ᓯᓚᑐᔫᑉ ᐃᓂᕐᑎᕆᓂᖓ ᓯᐅᑎᒧᑦ ᓈᓚᑦᓯᐊᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 3:19

ᓯᐅᑎᒥᐅᑕᖏᑦ, ᐊᒡᒐᐅᒻᒥᐅᑍᓪᓗ, ᖁᖓᓰᓕᑍᓪᓗ;

ᐂᓮᐊᓯᐅᑉ ᐊᒡᓚᖏᑦ 60:13

ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐃᓯᑭᐊᓕᐅᑉ ᐊᒡᓚᖏᑦ 16:11

ᐱᐅᓴᐅᓯᕐᓱᓚᐅᕐᐸᒋᓪᓗ, ᐊᒡᒐᐅᒻᒥᐅᑕᓂᒡᓗ ᐊᑎᑎᓪᓗᑎᑦ, ᖁᖓᓯᕐᒥᐅᑕᓂᒡᓗ ᐅᔭᒥᒃᓗᑎᑦ.

ᒨᓯᓯ ᓯᑕᒪᖏᑦ 31:50

ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᑦᑎᓐᓂᒃ ᑐᓂᓯᔭᕐᑐᕋᑦᑕ, ᐊᖑᑎᓕᒫᑦ ᓇᓂᓚᐅᕐᑕᒥᖕᓂᒃ ᒎᓗᒥᑦ ᓴᓇᓯᒪᔪᓂᒃ; ᓂᕕᓐᖓᑖᓂᒃ, ᑕᓕᐊᕐᓂᒡᓗ, ᓇᒡᒍᐊᕐᒥᖕᓂᒡᓗ, ᓯᐅᑎᕈᑎᓂᒡᓗ, ᐅᔭᒥᖕᓂᒡᓗ, ᐅᕙᒍᑦ ᐃᓱᒪᒋᔪᓐᓁᕐᕕᐅᔪᒪᓪᓗᑕ ᐊᑕᓂᐅᑉ ᓵᖓᓂ.”

ᒫᑎᐅᓯᐅᑉ ᐊᒡᓚᖏᑦ 2:11

ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.