ᒨᓯᓯ ᐂᑉᐸᖏᑦ 35:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ.

ᒨᓯᓯ ᐂᑉᐸᖏᑦ 35:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:27

ᐃᕝᕕᑦ ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓴᕆᐊᓕᒥᐅᑦ ᒎᑎᖓ, ᑕᒪᓐᓇ ᐱᔨᖕᓄᑦ ᑕᑯᔭᐅᑎᓚᐅᕋᕕᐅᒃ ᐅᖃᕐᓗᑎᑦ, ‘ᑭᖑᕚᑎᑦ ᐊᖓᔪᖅᑳᕐᔪᐊᖑᔪᒫᕐᐳᑦ’; ᑍᒤᒻᒪᑦ ᐱᔩᑦ ᓴᐱᖏᓪᓗᓂ ᑐᒃᓯᐊᕈᓐᓇᓕᕐᐳᖅ ᑐᒃᓯᐊᕐᓂᕐᒥᒃ ᑕᒪᑐᒥᖓ ᐃᓕᖕᓄᑦ.

ᑯᕉᓂᑲ ᓯᕗᓪᓖᑦ 28:2

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᓂᑯᕕᑉᐳᖅ ᐅᖃᕐᓗᓂᓗ: “ᑐᓴᕐᓯᓐᖓ, ᖃᑕᓐᖑᑎᒃᑳ ᐃᓄᖁᑎᒃᑲᓗ; ᐆᒻᒪᒥᐅᑕᕆᓚᐅᕐᐸᕋ ᐃᒡᓗᓕᐅᕈᒪᓪᓗᖓ ᐊᑕᓂᕐᒧᑦ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᓂᖃᑦᓯᐊᖁᓪᓗᒍ, ᒎᑎᑦᑕᓗ ᐃᑎᒐᖏᑦ ᐃᑯᕐᕋᒃᓴᖃᖁᓪᓗᒋᑦ; ᐅᐸᓗᖎᔭᓚᐅᕐᐳᖓᓗ ᐃᒡᓗᓕᐅᕈᒪᓪᓗᖓ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:14

ᐅᕙᖓᓕ, ᐃᓅᖃᑎᒃᑲᓗ ᖃᓄᖅ ᐱᔪᒪᓂᑦᑎᓐᓄ ᑐᓂᓯᔪᓐᓇᕐᐱᑖ? ᐃᓘᓐᓇᑦᓯᐊᑎᒃ ᐃᓕᖕᓂᑦ ᐱᖕᒪᑕ, ᓇᖕᒥᓂᑎᓪᓗ ᑕᕝᕙ ᑐᓂᕙᕗᑦ ᐃᓕᖕᓄᑦ.

ᑯᕉᓂᑲ ᓯᕗᓪᓖᑦ 29:3

ᓱᓕᓗ, ᐱᓇᓱᐊᕐᓯᒪᒋᕗᖓ ᐃᒡᓗᒧᑦ ᐃᑦᔪᕐᓁᑦᑐᒧᑦ, ᑐᓂᓯᓯᒪᕗᖓ ᓇᖕᒥᓂᓐᓂᒃ ᒎᓗᓂᒃ ᓯᐅᓪᕕᕆᓂᒡᓗ, ᒎᑎᒪ ᐃᒡᓗᖓᓄᑦ ᑐᓂᓯᒪᓪᓚᕆᒃᑲᒪ ᑐᓂᓯᒪᕙᒃᑲ ᒎᑎᐅᑉ ᐃᒡᓗᖓᓄᑦ:

ᑯᕉᓂᑲ ᓯᕗᓪᓖᑦ 29:8

ᓇᓪᓕᐊᓪᓗ ᑕᑯᒥᓇᕐᑐᓂᒃ ᐅᔭᕋᖁᑎᓕᒃ ᑐᓂᓯᕗᖅ ᐊᑕᓂᐅᑉ ᐃᒡᓗᖓᑕ ᑮᓇᐅᔭᒃᑯᕕᖓᓄᑦ, ᔨᕼᐃᐅᓪᒧᑦ ᒌᕐᓲᓁᑎᒥᐅᑕᕐᒧᑦ ᑲᒪᒋᔭᐅᓂᐊᕐᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 29:9

ᑕᕝᕙ ᐃᓄᐃᑦ ᖁᕕᐊᓱᓕᕐᐳᑦ ᑐᓂᓯᔪᒪᑦᓯᐊᕐᓗᑎᒃ ᑐᓂᓯᒐᒥᒃ, ᐆᒻᒪᒻᒧᑦ ᑲᑦᓱᖎᕐᓯᒪᑦᓯᐊᕐᓗᑎᒃ ᑐᓂᓯᒐᒥᒃ ᐊᑕᓂᕐᒧᑦ; ᐊᖓᔪᖅᑳᕐᔪᐊᕐᑕᐅᖅ ᑍᕕᑎ ᐊᖏᔪᒥᒃ ᖁᕕᐊᓱᒻᒪᕆᓕᓚᐅᕆᕗᖅ.

ᐄᓱᕋᐅᑉ ᐊᒡᓚᖏᑦ 2:68

ᐊᐅᓪᓚᕈᑦᔭᐅᓯᒪᔪᕕᓃᑦ ᓯᕗᓕᕐᑎᐅᔪᑦ ᐃᓚᖏᑦ ᑎᑭᒻᒪᑕ, ᐊᑕᓂᐅᑉ ᑐᒃᓯᐊᕐᕕᖓᓄᑦ ᔨᕉᓴᓕᒧᑦ ᑐᓂᕐᕈᓯᓚᐅᕐᐳᑦ, ᑐᓂᕐᕈᑎᓂᒃ ᑐᓂᕐᕈᓯᕈᒪᓂᕐᒧᑦ ᐃᑲᔫᑎᒃᓴᐅᖁᓪᓗᒋᑦ ᑐᒃᓯᐊᕐᕕᐅᑉ ᐋᖅᑭᒋᐊᕐᑕᐅᑦᔪᑎᒃᓴᖓᓄᑦ ᐃᓂᕕᓂᑐᖃᖓᓄᐊᕐᑕᐅᓕᕐᑎᓪᓗᒍ.

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᒨᓯᓯ ᐂᑉᐸᖏᑦ 25:2

“ᐃᓴᕆᐊᓕᒥᐅᑦ ᐅᖃᐅᑎᓚᐅᒃᑭᑦ, ᑐᓂᕐᕈᓯᖁᓪᓗᒋᑦ ᐅᕙᓐᓄᑦ; ᐃᓄᐃᑦ ᐊᑐᓂᑦ ᓇᖕᒥᓂᖅ ᐱᔪᒪᓂᕐᒥᖕᓂᒃ ᒪᓕᒡᓗᑎᒃ, ᑐᓂᕐᕈᑎᖏᓪᓗ ᖃᓄᐃᑦᑐᑐᐃᓐᓇᐅᒐᓗᐊᕐᐸᑕ ᐃᓚᓕᐅᕐᓂᐊᕐᐸᑎᑦ ᐅᕙᖓ ᐱᑦᔪᑎᒋᓗᖓ.

ᒨᓯᓯ ᐂᑉᐸᖏᑦ 35:20

ᑕᕝᕙ ᐃᓴᕆᐊᓕᒥᐅᑦ ᐃᓄᓕᒫᖏᑦ ᒨᓯᓯᒥᑦ ᕿᒪᕉᑎᕗᑦ.

ᒨᓯᓯ ᐂᑉᐸᖏᑦ 35:22

ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ, ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ, ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 35:26

ᐊᕐᓁᓪᓗ ᑕᒪᕐᒥᒃ ᓄᕕᕐᓵᒃᓴᓕᐅᕈᓐᓇᕐᑐᑦ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᑦ ᒎᑦᓯᐅᑉ ᒥᖅᑯᖏᓐᓂᒃ ᓄᕕᕐᓵᒃᓴᓕᐅᓚᐅᕐᐳᑦ.

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 35:5

ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᓯ, ᑭᓇᒃᑯᓕᒫᑦ ᑐᓂᓯᔪᒪᔪᑦ ᑐᓂᕐᕈᓯᕐᑐᒃᓴᐅᕗᑦ; ᒪᑯᐊ ᑕᕝᕙ ᑐᓂᔭᐅᔪᓐᓇᕐᐳᑦ ᒎᓗᐃᑦ, ᓯᐅᓪᕕᕇᑦ, ᐅᕝᕙᓗ ᑲᓐᓄᔧᑦ,

ᒨᓯᓯ ᐂᑉᐸᖏᑦ 36:2

ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᒫᑎᐅᓯᐅᑉ ᐊᒡᓚᖏᑦ 12:34

ᐃᓕᑦᓯ ᖁᒡᓗᒋᐊᖑᔪᓯ ᖃᓄᖅ ᐱᐅᔪᓂᒃ ᐅᖃᕈᓐᓇᕐᐱᓰ? ᐱᐅᖏᑦᑑᑎᓪᓗᓯ, ᐆᒻᒪᑎᐅᑉ ᑕᑕᑦᔪᑎᖓᓂᒃ ᐃᓄᒃ ᐅᖃᐅᓯᖃᓲᖑᕘᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:7

ᐃᓄᐃᑦ ᐊᑐᓂᑦ ᐃᓱᒪᒥᖕᓂᒃ ᑐᓂᓯᓕᑦ, ᑐᓂᓯᔪᒪᑦᓯᐊᖏᓪᓗᑎᒃ ᑐᓂᓯᔪᒃᓴᐅᓐᖏᓚᑦ ᐱᖁᔭᐅᑐᐃᓐᓇᕐᓂᕐᒧᓪᓘᓐᓃᑦ, ᖁᕕᐊᓱᒡᓗᓂ ᑐᓂᓯᔪᖅ ᒎᑎᐅᑉ ᓇᒡᓕᒋᖕᒪᒍ.

ᐃᓗᐊᕐᓮᔩᑦ ᐊᒡᓚᖏᑦ 5:12

ᑐᐸᓕᕆᑦ, ᑐᐸᓕᕆᑦ, ᑎᐴᕋ ᑐᐸᓕᕆᑦ, ᑐᐸᓕᕆᑦ, ᐃᓐᖏᓕᕐᓗᑎᓪᓗ. ᒪᑭᓕᕆᑦ ᐸᕌᒃ, ᐅᓇᑕᕐᓂᕐᒧᑦ ᑎᒍᓯᒪᔭᑎᑦ ᐊᐅᓪᓚᕈᑎᓕᒃᑭᑦ, ᐃᕝᕕᑦ ᐊᐱᓄᐊᒻ ᐃᕐᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 5:3

ᓈᓚᒋᑦᓯ ᐊᖓᔪᖅᑳᕐᔪᐊᖑᔪᓯ; ᑐᓵᒋᑦᓯᓗ ᐊᖓᔪᖅᑳᕐᔪᐊᑉ ᐃᕐᓂᖏᑦ; ᐊᑕᓂᕐᒧᑦ ᐃᓐᖏᕐᓂᐊᕋᒪ, ᑐᓴᕐᓂᔮᕐᓂᐊᕋᒪ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 5:9

ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ ᐊᑕᓂᖅ ᓂᕐᑐᕐᑕᐅᓕ!