ᒨᓯᓯ ᐂᑉᐸᖏᑦ 34:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᒨᓯᓯ ᐂᑉᐸᖏᑦ 34:15 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 5:25

ᐱᐅᖏᑦᑐᓕᓚᐅᕐᐳᓪᓕ ᓯᕗᓕᖏᑕ ᒎᑎᖓᓄᑦ, ᐊᓯᓐᓂᐊᓚᐅᕐᒪᑕ ᓄᓇᓖᑦ ᒎᑎᓐᖑᐊᖏᓐᓄᑦ, ᒎᑎᐅᑉ ᐊᓯᕈᓚᐅᕐᑕᖏᓐᓄᑦ ᓯᕗᓂᖓᓂ.

ᐄᓱᕋᐅᑉ ᐊᒡᓚᖏᑦ 6:9

ᖃᐅᑕᒫᑦ ᐱᓐᖏᓮᓐᓇᕐᑍᓕᓗᓯ ᓱᓇᑐᐃᓐᓇᑦᓯᐊᒥᒃ ᐱᔭᕆᐊᖃᑐᐊᕐᐸᑕ ᐃᑲᔪᕐᑕᐅᔭᕆᐊᖃᕐᐳᑦ; ᐃᒻᒧᒃᓯᐅᒊᑦ ᐊᖑᓴᓪᓗᖏᑕ ᐅᕕᒃᑲᖏᓐᓂᒃ, ᓰᐲᑦ ᐊᖑᓴᓪᓗᖏᓐᓂᒃ, ᓰᐱᐅᑉ ᓄᕐᕋᐅᔭᖏᓐᓂᒃ ᐃᑭᓪᓗᒋᑦ ᑐᓂᕐᕈᑎᒃᓴᖏᓐᓂᒃ ᒎᑎᒧᑦ ᕿᓚᖕᒦᑦᑐᒧᑦ, ᐅᕝᕙᓗ ᓂᐊᖂᔭᒃᓴᓂᒃ, ᑕᕆᐅᓂᒃ, ᕔᓂᓂᒃ, ᐅᕝᕙᓗ ᓇᐹᕐᑑᑉ ᐅᕐᓱᖓᓂᒃ, ᑐᓂᕐᕈᓯᕐᑎᑦᓯᔩᑦ ᔨᕉᓴᓕᒦᑦᑐᑦ ᐱᔪᒪᔭᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 9:12

ᐅᖃᐅᑦᔭᐅᓚᐅᕐᐳᒍᑦ ᐂᑉᐸᕐᑖᓚᐅᕐᓯᒪᖁᔭᐅᓇᑕ ᕿᑐᕐᖓᕗᓪᓗ ᑖᒃᑯᓇᖓ ᐃᓄᖕᓂᑦ, ᐊᒻᒪᓗ ᑖᒃᑯᓂᖓ ᐂᑉᐸᕐᑖᕐᑎᑦᓯᖁᔭᐅᓇᑕ ᕿᑐᕐᖓᑦᑎᓐᓂᒡᓗ; ᐃᓅᖃᑎᒋᓇᓱᐊᕐᑕᐅᖁᓇᒋᓪᓗ ᐱᕙᓪᓕᕐᑎᑕᐅᖁᓇᒋᓪᓗ, ᓲᖑᔫᔪᓐᓇᖁᓪᓗᑕ ᓄᓇᐅᑉ ᐱᐅᓂᖓ ᓂᕿᖏᓪᓗ ᓂᕿᒋᑦᓯᐊᕐᓗᒋᑦ ᐱᔪᓐᓇᖁᓪᓗᑕ, ᑭᖑᕚᑦᑎᓐᓄᓪᓗ ᑭᖑᕐᖑᑎᔭᐅᖁᑐᐊᕈᑦᑎᒍ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 106:28

ᐃᒻᒥᖕᓂᒃᑕᐅᖅ ᐃᓚᓕᐅᑎᓚᐅᕐᐳᑦ ᐰᓕ-ᐱᐅᕆᒧᑦ, ᓂᕆᓪᓗᑎᒡᓗ ᑐᓂᕐᕈᑕᐅᓯᒪᔪᓂᒃ ᑐᖁᖓᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 73:27

ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᒨᓯᓯ ᐂᑉᐸᖏᑦ 23:32

ᑖᒃᑯᓂᖓ ᓱᓇᑐᐃᓐᓇᕐᒧᑦ ᐊᖏᖃᑎᒌᒍᑎᖃᕆᐊᖃᓐᖏᓚᓯ ᐅᕝᕙᓗ ᒎᑎᖏᓐᓄᑦ.

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᒨᓯᓯ ᐂᑉᐸᖏᑦ 34:10

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ.

ᒨᓯᓯ ᐂᑉᐸᖏᑦ 34:12

ᐃᓅᖃᑎᒌᓂᒃ ᑕᒫᓂ ᐅᐸᖕᓂᐊᕐᑕᑦᓯᓐᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᑍᒤᒐᓱᐊᑐᐊᕈᑦᓯ ᓯᓔᕐᕆᔭᐅᑐᐃᓐᓇᕆᐊᖃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 3:9

ᐃᓴᕆᐊᓕᒥᐅᑉ ᓈᒻᒪᖏᑦᑐᓕᓂᖓ ᔫᑕᐅᑉ ᓱᕙᓪᓕᕈᑎᒋᓚᐅᖏᒻᒪᒍ. ᓄᓇ ᓇᕐᕈᓇᕐᓯᑎᓚᐅᕐᐹ ᐊᓯᓐᓂᐊᕈᑎᖃᕐᓗᓂᓗ ᐅᔭᕋᖕᒥᒃ ᕿᔪᖕᒥᒡᓗ.

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 9:1

ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᒨᓯᓯ ᐱᖓᔪᖏᑦ 17:7

ᑐᓂᕐᕈᓯᖃᑦᑕᕆᐊᖃᕈᓐᓃᕐᒪᑕ ᒎᑎᓐᖑᐊᓄᑦ ᒎᑦᓯᓐᖑᐊᓕᐊᕆᓯᒪᔪᓄᑦ ᓴᑍᕆᓄᑦ ᐃᒃᓕᒎᕐᓂᒃᑯᑦ ᐊᓯᓐᓂᐊᕐᕕᒋᕙᒃᑕᒥᖕᓄᑦ. ᑕᒪᓐᓇ ᐱᖁᔭᖅ ᑍᒤᓕᖕᒊᓐᓇᕐᓂᐊᕐᐳᖅ ᑍᒪᓐᖓᓕᒫᖅ ᑭᖑᕚᒃᓴᖏᓐᓄᓪᓗ.

ᒨᓯᓯ ᓯᑕᒪᖏᑦ 15:39

ᓂᒡᔭᖃᕐᓂᐊᕐᐳᓯᓗ, ᑕᑯᔭᕌᖓᑦᓯᐅᒃ ᐃᖅᑲᐅᒪᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒡᓗᒋᓪᓗ, ᐆᒻᒪᑎᑦᓯ ᐃᔨᓯᓗ ᐃᒃᓕᒎᕐᓂᖏᓐᓄᑦ ᐊᓯᓐᓂᐊᕈᒪᓂᕐᒧᓪᓗ ᐊᐅᓚᑕᐅᖁᓇᒋᑦ.

ᒨᓯᓯ ᓯᑕᒪᖏᑦ 25:1

ᐃᓴᕆᐊᓕᒥᐅᑦ ᓄᖅᑲᖓᓚᐅᕐᐳᑦ ᓯᑎᒻᒥ, ᐃᓄᐃᓪᓗ ᓄᓕᐊᒐᕐᓂᒃ ᐱᖃᑎᖃᖃᑦᑕᓕᓚᐅᕐᐳᑦ ᒧᐊᐱᒥᐅᑦ ᐊᕐᓇᖏᓐᓂᒃ.

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:27

ᐅᒃᐱᖏᑦᑐᒥᑦ ᓂᕆᔭᕐᑐᖁᔭᐅᒍᕕᑦ ᓂᕆᔭᕐᑐᕈᒪᒍᕕᓪᓗ ᑕᕝᕗᖓ, ᓂᖀᑦ ᐊᑐᐃᓐᓇᕈᕐᑕᓕᒫᖏᑦ ᓂᕆᒃᑭᑦ ᐊᐱᖅᑯᑎᒋᖏᓪᓗᒋᓪᓗ ᓇᑭᑦ ᐱᖕᒪᖔᑕ ᐃᓱᒫᓗᖁᓇᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:10

ᐃᓱᒪᒥᒍᑦ ᓴᓐᖐᓐᓂᕐᓴᐅᑉ ᑕᑯᒍᓂᑎᑦ ᖃᐅᔨᑎᑕᐅᓯᒪᓂᕋᕐᑕᐅᔪᑎᑦ ᓂᕆᑎᓪᓗᑎᑦ ᒎᑎᓐᖑᐊᖃᕐᕕᖕᒥ ᑐᒃᓯᐊᕐᕕᖕᒥ, ᑲᔪᖏᕐᓴᕐᑕᐅᒐᔭᓐᖏᓛᖅ? ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖁᓪᓗᒍ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:4

ᑍᒤᒻᒪᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓂᕿᒥᒃ ᓂᕆᖃᑦᑕᕐᓂᖅ ᐱᑦᔪᑎᒋᓪᓗᒍ; ᖃᐅᔨᒪᒐᑦᑕ ᒎᑎᓐᖑᐊᑦ ᓱᓇᐅᖏᑦᓯᐊᕐᒪᑕ ᓯᓚᕐᔪᐊᕐᒥ, ᒎᑎᑕᖃᖏᒻᒪᓪᓗ ᒎᑎᑑᔪᑉ ᐊᓯᐊᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:7

ᑕᒪᕐᒥᒡᓕ ᑕᒪᑐᒥᖓ ᖃᐅᔨᒪᔪᐃᓐᓇᐅᓐᖏᓚᑦ. ᐃᓚᖏᑦ ᓱᓕ ᒎᑎᓐᖑᐊᖃᓕᒪᖕᒪᑕ ᓂᕿᒥᒡᓗ ᑍᒤᑦᑐᓄᑦ ᑐᓂᕐᕈᑕᐅᓇᓱᒋᔭᒥᖕᓂᒃ ᓂᕆᕙᖕᒪᑕ, ᐃᓱᒪᖏᓪᓗ ᓴᓐᖐᑦᑑᖕᒪᑕ, ᓇᕐᕈᓇᕐᑎᑕᐅᓇᓱᒋᕗᑦ.

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 31:18

ᑕᒪᓐᓇ ᓇᓪᓕᐅᑎᒃᐸᑦ ᓱᓕᓗᖓ ᐊᓚᕈᒫᕐᐸᒃᑲ, ᐱᐅᖏᑦᑐᓂᖏᑦ ᒎᑎᓐᖑᐊᓄᑦ ᐊᓯᓐᓄᑦ ᓵᓐᖓᓕᕐᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 32:37

ᑕᕝᕙ ᐊᑕᓂᖅ ᐅᖃᕈᒫᕐᐳᖅ, ‘ᓇᐅᒡᓕ ᒎᑎᖏᑦ, ᕾᕐᑐᖏᑦ ᑕᑎᒋᓚᐅᕐᑕᖏᑦ?

ᒨᓯᓯ ᑕᓪᓕᒪᖏᑦ 32:38

ᓂᕆᑎᖃᑦᑕᓚᐅᕐᐱᓯᐅᒃ ᖁᐃᓂᔪᓂᒃ ᑐᓂᕐᕈᓯᕐᕕᒋᓪᓗᒋᑦ, ᕔᓂᒥᒡᓗ ᐃᒥᕐᑎᖃᑦᑕᕐᓗᒋᑦ ᑐᓂᕐᕈᑎᑦᓯᓐᓄᑦ? ᒫᓐᓇ ᒪᑭᓪᓗᑎᒃ ᑖᒃᑯᓇᓐᖓᑦ ᐃᑲᔪᕐᑕᐅᓕᕆᑦᓯ; ᓴᐳᑦᔨᔨᒋᓕᕐᓯᐅᒃ!

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 7:3

ᑖᒃᑯᓇᓐᖓᓪᓗ ᓄᓕᐊᓂᒃᑐᒃᓴᐅᓐᖏᓚᓯ, ᕿᑐᕐᖓᓯᓗ ᑖᒃᑯᓇᓐᖓᑦ ᐂᑉᐸᕐᑖᕐᑎᑕᒃᓴᕆᓐᖏᓚᓯ,

ᔮᓱᐊᑉ ᐊᒡᓚᖏᑦ 23:12

ᑲᔪᓯᑦᓯᐊᖏᒃᑯᑦᓯ, ᐃᓅᖃᑎᒌᑦᔪᐊᓄᓪᓗ ᐊᒥᐊᒃᑰᔪᓄᑦ ᐃᓚᓕᐅᑎᓗᓯ ᐂᑉᐸᕐᑖᕐᑐᕈᑦᓯ, ᐂᑉᐸᕐᑖᕐᕆᔭᐅᓗᓯ ᐃᓕᑦᓯᓗ ᐊᒥᐊᒃᑰᔪᓂᑦ ᐊᕐᓇᓂᒃ ᐂᑉᐸᕐᑖᕐᓂᐊᕈᑦᓯ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 2:17

ᓱᓕᓕ ᓈᓚᓚᐅᓐᖏᓚᑦ ᐃᓱᐊᕐᓮᔨᓂᒃ; ᐊᓯᓐᓂᐊᕐᑐᑎᑐᑦ ᒎᑎᐅᑉ ᐊᓯᖏᓐᓂᒃ ᒎᑎᖃᓕᓚᐅᕐᒪᑕ ᑐᒃᓯᐊᖃᑦᑕᓕᕐᓗᑎᒡᓗ ᑖᒃᑯᓄᖓ; ᑭᖑᓂᖓᒍᑦ ᓯᕗᓕᕕᓂᖏᑦᑕ ᐃᓕᖅᑯᓯᖏᓐᓂᒃ ᐱᐅᓯᖃᕈᓐᓃᓚᐅᕐᐳᑦ, ᐊᑕᓂᐅᑉ ᐱᖁᔭᖏᓐᓂᒃ ᓈᓚᑦᓯᐊᓚᐅᕐᑐᑎᑐᑦ, ᑖᒃᑯᐊᓕ ᑍᒤᑦᑐᓐᓃᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:6

ᐃᓅᖃᑎᑐᖃᕆᓐᖏᑕᒥᖕᓂᒡᓗ ᓄᓕᐊᓂᒃᐳᑦ ᐅᐃᓂᒡᓗᑎᒡᓗ ᑖᒃᑯᓇᖓᑦ ᒎᑎᓐᖑᐊᖏᓐᓂᒡᓗ ᐱᔨᑦᓯᓕᕐᓗᑎᒃ.