ᒨᓯᓯ ᐂᑉᐸᖏᑦ 32:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᒨᓯᓯ ᐂᑉᐸᖏᑦ 32:6 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 32:5

ᑕᕝᕙ ᐂᕉᓂ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᖑᓴᓪᓗᓐᖑᐊᑉ ᒎᓘᑉ ᓯᕗᕌᓂ ᐅᖃᕐᓗᓂᓗ, “ᖃᐅᒃᐸᑦ ᓇᓪᓕᐅᓐᓂᕐᓯᐅᕐᓂᐊᕐᐳᒍᑦ ᐊᑕᓂᖅ ᓂᕐᑐᕐᑕᐅᖁᓪᓗᒍ.”

ᐂᒨᓯᐅᑉ ᐊᒡᓚᖏᑦ 2:8

ᑐᓂᕐᕈᓯᕐᕕᓕᒫᓪᓗ ᑭᒡᓕᖏᓐᓂ ᓇᓚᖃᑦᑕᕐᒪᑕ ᐊᑭᓕᐅᑕᐅᓯᒪᔪᑦ ᐊᓐᓄᕌᑦ ᖄᖏᓐᓂ; ᒎᑎᖏᑦᑕᓗ ᐃᒡᓗᖓᓂ ᕔᓂᑐᖃᑦᑕᕐᒪᑕ ᐊᑭᓖᔭᕆᐊᓖᑦ ᐊᑭᓕᐅᑎᕕᓂᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:7

ᒎᑎᓐᖑᐊᖃᖁᓇᑕᓗ ᑍᒃᑯᑎᑐᓇᖅ; ᑎᑎᕋᕐᓯᒪᔪᖃᕐᒪᑦ, “ᐃᓄᐃᑦ ᐃᖏᑉᐳᑦ ᓂᕆᓪᓗᑎᒃ ᐃᒥᕐᓗᑎᒃᓗ, ᓂᑯᕕᓐᓇᒥᒡᓗ ᓈᒻᒪᖏᑦᑐᓂᒃ ᐱᓇᓱᐊᓕᕐᐳᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:10

ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.