ᒨᓯᓯ ᐂᑉᐸᖏᑦ 31:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑖᓐᓇ ᓇᓗᓁᒃᑯᑕᐅᓂᐊᕐᒪᑦ ᐃᓱᖃᖏᑦᑐᒧᑦ ᐅᕙᓐᓄᑦ ᐃᓴᕆᐊᓕᒥᐅᓪᓗ ᐃᓄᖏᓐᓄᑦ, ᐅᕙᖓ ᐊᑕᓂᐅᔪᖓ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕋᒪ ᐅᓪᓗᓂᒃ ᐱᖓᓲᔪᕐᑐᓂᒃ, ᐅᓪᓗᓪᓕ 7ᖓᓐᓂ ᓴᓇᔭᓕᒫᓐᓂᑦ ᓄᖅᑲᓚᐅᕐᐳᖓ, ᑭᖑᓂᖓᒍᓪᓗ ᑕᕾᑦᓯᐊᓚᐅᕐᐳᖓ.”

ᒨᓯᓯ ᐂᑉᐸᖏᑦ 31:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:31

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᔫᐱᐅᑉ ᐊᒡᓚᖏᑦ 38:7

ᑍᑦᓱᒪᓂ ᐅᓪᓘᑉ ᖃᐅᓕᕐᓂᖓᓂ ᐅᓪᓗᕆᐊᑦ ᐃᓐᖏᖃᑎᒌᓚᐅᕐᒪᑕ, ᒎᑎᐅᓪᓗ ᕿᑐᕐᖓᓕᒫᖏᑦ ᖁᕕᐊᓱᖕᓂᕐᒧᑦ ᕾᒐᓛᓚᐅᕐᐳᑦ.

ᐃᓐᖏᕈᑎᑦ 104:31

ᐊᑕᓂᐅᑉ ᓂᕐᑐᕐᓇᕐᓂᖓ ᐃᓱᖃᖏᑦᑐᒧᑦ ᑍᒤᓕᖓᓕ, ᐊᑕᓂᐅᑉ ᐱᓂᐊᕐᓂᓂ ᖁᕕᐊᒋᓕᒋᑦ.

ᒨᓯᓯ ᐂᑉᐸᖏᑦ 20:11

ᐅᓪᓗᓂᒃ ᐱᖓᓲᔪᕐᑐᓂᒃ ᐊᑕᓂᐅᑉ ᓄᓇᕐᔪᐊᖅ ᕿᓚᒡᓗ ᓴᓇᓚᐅᕐᒪᒍ, ᐃᒪᕐᔪᐊᕐᓗ ᐃᒪᕐᒥᐅᑕᓕᒫᓪᓗ, ᐅᓪᓗᓪᓕ 7ᖓᓐᓂ ᑕᕾᕐᓯᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᓴᐸᑎ ᐅᓪᓗᓄᑦ ᐊᑦᔨᐅᑎᓐᓇᒍ ᓇᓗᓁᓚᐅᕐᐹ ᐃᑦᔪᕐᓁᑎᓪᓗᒍᓗ.

ᒨᓯᓯ ᐂᑉᐸᖏᑦ 31:13

ᐃᓴᕆᐊᓕᒥᐅᑦ ᐃᓄᖏᓐᓄᑦ ᐅᖃᖁᓪᓗᒍ, “ᓴᐸᑎ ᐃᒃᐱᒋᑦᓯᐊᕐᓯᐅᒃ, ᑖᓐᓇ ᐅᓪᓗᕆᒐᒃᑯ ᑕᕾᕐᓯᕐᕕᒐ, ᑖᓐᓇ ᓇᓗᓁᒃᑯᑕᐅᖕᒪᑦ ᐅᕙᓐᓄᑦ ᐃᓕᑦᓯᓐᓄᓪᓗ, ᑭᖑᕚᑦᓯᓐᓂᓪᓗ ᑍᒪᓐᖓᑦ ᑲᒪᒋᔭᐅᑦᓯᐊᕐᑐᒃᓴᐅᒋᕗᖅ, ᖃᐅᔨᓕᖁᓪᓗᓯ ᐅᕙᖓ, ᐊᑕᓂᐅᔪᖓ, ᐃᑦᔪᕐᓁᑎᑦᓯᒐᒪ ᐃᓕᑦᓯᓐᓂᒃ.

ᒨᓯᓯ ᐂᑉᐸᖏᑦ 31:16

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑦ ᐅᓪᓗᒥᒃ ᓴᐸᑎᒥᒃ ᑲᒪᑦᓯᐊᕐᑐᒃᓴᐅᕗᑦ, ᑭᖑᕚᕇᖑᔪᓕᒫᓪᓗ ᑲᒪᑦᓯᐊᕐᑐᒃᓴᐅᕗᑦ ᓴᐸᑎᒥᒃ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:12

ᓴᐸᑎᖁᑎᓐᓂᒡᓗ ᑐᓂᓚᐅᕐᐸᒃᑲ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᒃᓯᒪᓂᑦᑎᓐᓂᒃ, ᖃᐅᔨᖁᓪᓗᒋᑦ ᐅᕙᖓ ᐊᑕᓂᖅ ᐃᑦᔪᕐᓁᑎᑦᓯᓯᒪᓂᓐᓂᒃ ᑖᒃᑯᓂᖓ.

ᐃᓯᑭᐊᓕᐅᑉ ᐊᒡᓚᖏᑦ 20:20

ᓴᐸᑎᖁᑎᒃᑲ ᐃᑦᔪᕐᓁᑎᓯᒋᒃ ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ ᐅᕙᓐᓄᓪᓗ, ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ.’

ᐄᑉᕈᐃᓄᑦ 4:10

ᓇᓪᓕᐊᑦ ᒎᑎᐅᑉ ᑕᕾᕐᓯᕐᕕᐅᖁᔭᖓᓄᑦ ᐃᑎᕐᑐᖅ ᑕᕾᕐᓯᕐᓂᐊᕐᐳᖅ ᐱᓇᓱᐊᕐᓂᕐᒥᓂᑦ ᒎᑎᑦᑕᐅᖅ ᑕᕾᕐᓯᓚᐅᕐᒪᑦ ᐱᓇᓱᐊᕐᓂᕐᒥᓂᑦ.