ᒨᓯᓯ ᐂᑉᐸᖏᑦ 31:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᓴᐸᑎ ᓇᓪᓕᐅᑎᕗᖅ ᓱᓇᓕᒫᓂᑦ ᑕᕾᕐᓯᕐᕕᒃᓴᖅ, ᐃᑦᔪᕐᓁᑦᑐᖅ ᐊᑕᓂᕐᒧᑦ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 31:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 2:2

ᐅᓪᓗᐃᑦ 7ᖓᓐᓂ ᒎᑎᐅᑉ ᐱᓇᓱᐊᕐᑕᓂ ᐱᔭᕇᕋᒥᒋᑦ, ᑕᕾᕐᓯᕐᐳᖅ ᓴᓇᔭᓕᒫᒥᓂᑦ ᐱᓇᓱᐊᓚᐅᕐᑕᒥᓂᑦ.

ᒨᓯᓯ ᐂᑉᐸᖏᑦ 16:23

ᒨᓯᓯᐅᓪᓕ ᐅᖃᐅᑎᕔᑦ, “ᐊᑕᓂᐅᑉ ᐱᑯᓯᒪᖕᒪᑎᒍᑦ ᖃᐅᒃᐸᑦ ᑕᕾᕐᓯᕐᕕᐅᓂᐊᕐᒪᑦ ᑭᓱᓕᕆᕕᐅᖏᑦᓯᐊᕐᓗᓂ, ᑖᓐᓇ ᐊᑕᓂᐅᑉ ᓴᐸᑎᖁᑎᒋᖕᒪᒍ ᐃᑦᔪᕐᓁᑦᑐᖅ; ᑕᕝᕙᓂ ᐅᓪᓗᒥ ᐆᑎᕆᒋᑦᓯ ᐆᑦᑕᕆᐊᖃᕐᑕᑦᓯᓐᓂᒃ ᐆᔪᓕᐅᕐᓗᓯᓗ ᐆᔪᓕᐅᕆᐊᖃᕐᑕᑦᓯᓐᓂᒃ, ᐊᒥᐊᒃᑯᒋᔭᓯᓗ ᖃᐅᒃᐸᒧᑦ ᖁᒥᐅᑎᒋᓗᒋᑦ.”

ᒨᓯᓯ ᐂᑉᐸᖏᑦ 16:26

ᐅᓪᓗᓂᒃ ᐱᖓᓲᔪᕐᑐᓂᒃ ᑕᒪᒃᑯᓂᖓ ᑲᑎᑦᓯᔪᒃᓴᐅᕗᓯ; ᐅᓪᓗᓪᓕ 7ᖓᓂ ᓴᐸᑎ ᓇᓪᓕᐅᑎᕗᖅ, ᑕᕝᕙᓂ ᐅᓪᓗᒥ ᑕᒪᒃᑯᓂᖓ ᓴᖅᑭᑦᑐᖃᕐᓂᐊᓐᖏᓚᖅ.”

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 31:14

ᓴᐸᑎ ᐃᒃᐱᒋᑦᓯᐊᒐᒃᓴᕆᕙᓯ, ᑖᓐᓇ ᐅᓪᓗᖅ ᐃᑦᔪᕐᓁᑦᑑᖕᒪᑦ ᐃᓕᑦᓯᓐᓄᑦ; ᓇᓪᓕᐊᑦ ᑖᑦᓱᒥᖓ ᐅᓪᓗᒥᒃ ᐃᒃᐱᒍᓱᖏᑦᑐᖅ, ᑕᕝᕙᓂᓗ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 31:16

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑦ ᐅᓪᓗᒥᒃ ᓴᐸᑎᒥᒃ ᑲᒪᑦᓯᐊᕐᑐᒃᓴᐅᕗᑦ, ᑭᖑᕚᕇᖑᔪᓕᒫᓪᓗ ᑲᒪᑦᓯᐊᕐᑐᒃᓴᐅᕗᑦ ᓴᐸᑎᒥᒃ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᖕᓂᕐᒧᑦ.

ᒨᓯᓯ ᐂᑉᐸᖏᑦ 31:17

ᑖᓐᓇ ᓇᓗᓁᒃᑯᑕᐅᓂᐊᕐᒪᑦ ᐃᓱᖃᖏᑦᑐᒧᑦ ᐅᕙᓐᓄᑦ ᐃᓴᕆᐊᓕᒥᐅᓪᓗ ᐃᓄᖏᓐᓄᑦ, ᐅᕙᖓ ᐊᑕᓂᐅᔪᖓ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕋᒪ ᐅᓪᓗᓂᒃ ᐱᖓᓲᔪᕐᑐᓂᒃ, ᐅᓪᓗᓪᓕ 7ᖓᓐᓂ ᓴᓇᔭᓕᒫᓐᓂᑦ ᓄᖅᑲᓚᐅᕐᐳᖓ, ᑭᖑᓂᖓᒍᓪᓗ ᑕᕾᑦᓯᐊᓚᐅᕐᐳᖓ.”

ᒨᓯᓯ ᐂᑉᐸᖏᑦ 34:21

“ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐂᑉᐸᖏᑦ 35:3

ᐃᑯᒪᒥᒡᓘᓐᓃᑦ ᐃᑭᑦᓯᔪᒃᓴᐅᓐᖏᓚᓯ ᓴᐸᑎᐅᑉ ᐅᓪᓗᖓᓂ ᓇᓂᓕᒫᖅ ᐊᖏᕐᕋᑦᓯᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 46:1

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᑦ ᐃᑎᕐᑕᕐᕕᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᒪᑐᓯᒤᓐᓇᕐᑐᒃᓴᐅᕗᖅ ᐅᓪᓗᑦ ᐱᖓᓲᔪᕐᑐᑦ ᐱᓇᓱᐊᕐᕕᐅᕙᒃᑐᑦ ᐊᑐᕐᑎᓪᓗᒋᑦ; ᓴᐸᑎᐅᓕᕌᖓᓪᓕ ᐅᒃᑯᐃᓐᖔᕐᑐᒃᓴᐅᕗᖅ ᑕᖅᑭᓂᕋᑖᒥᓗ ᓇᓪᓕᐅᓐᓂᕐᓯᐅᕐᓃᑦ ᐊᑐᓕᕌᖓᑕ.

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᒨᓯᓯ ᐱᖓᔪᖏᑦ 23:32

ᐅᓪᓗᖅ ᑖᓐᓇ ᓴᐸᑎᐅᖕᒪᑦ ᑕᕾᕐᓯᕕᒃ ᐃᓕᑦᓯ ᐱᓪᓗᓯ. ᑕᕝᕙᓂ ᓂᕆᔭᕆᐊᖃᓐᖏᓚᓯ. ᐅᓪᓗᐃᑦ 9ᖓᓂᑦ ᐅᓐᓄᒃᑐᒥᑦ ᐱᒋᐊᕐᓗᒍ ᑖᓐᓇ ᐅᓪᓗᖅ ᐅᓐᓄᖓᓄᑦ ᐃᓱᖃᕐᓗᒍ, ᓴᐸᑎ ᑖᓐᓇ ᑲᒪᒋᓯᐊᕐᑕᒃᓴᕆᕙᓯ.”

ᓘᑲᓯᐅᑉ ᐊᒡᓚᖏᑦ 13:14

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᐅᓚᑦᓯᔨᖓᑦ ᔩᓱᓯᒧᑦ ᓂᓐᖓᒃᐳᖅ ᓴᐸᑎᒥ ᐋᖅᑭᒃᓯᖕᒪᑦ, ᐃᓄᐃᑦ ᐅᖃᐅᑎᕔᑦ, “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᕕᒃᓴᕐᑕᖃᕐᐳᖅ; ᐅᓪᓗᓂ ᑖᒃᑯᓇᓂ ᕾᒋᑦᓯ ᐋᖅᑭᒃᑕᐅᔭᕐᑐᕐᓗᓯ, ᓴᐸᑎᒥᐅᖏᑦᑐᖅ.”

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᒨᓯᓯ ᑕᓪᓕᒪᖏᑦ 5:12

“‘ᐅᓪᓗᖅ ᓴᐸᑎᐅᔪᖅ ᑲᒪᒋᑦᓯᐊᕈᒃ, ᐃᑦᔪᕐᓁᑎᓪᓗᒍᓗ, ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ.

ᐄᑉᕈᐃᓄᑦ 4:9

ᑍᒤᒻᒪᑦ, ᓱᓕ ᑕᕾᕐᓯᕐᕕᒃᓴᕐᑕᖃᕐᐳᖅ ᓴᐸᑎᑎᑐᑦ ᒎᑎᐅᑉ ᐃᓄᖁᑎᖏᓐᓄᑦ.