ᒨᓯᓯ ᐂᑉᐸᖏᑦ 30:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒃᓱᐃᑦᑐᑦ ᐅᓄᕐᓂᕐᓴᓂᒃ ᑐᓂᓯᔭᕆᐊᖃᕐᓂᐊᓐᖏᓚᑦ, ᐊᒃᓱᔪᓪᓗ ᐅᓄᖏᓐᓂᕐᓴᓂᒃ ᑐᓂᓯᔭᕆᐊᖃᕐᓂᐊᕐᒥᓇᑎᒃ, ᐊᑭᓕᐅᑕᐅᔭᕆᐊᖃᕐᑐᓂᒃ ᐃᓅᓯᕐᒥᖕᓄᑦ ᐊᑕᓂᕐᒧᑦ ᐊᑭᓖᓕᕈᑎᒃ.

ᒨᓯᓯ ᐂᑉᐸᖏᑦ 30:15 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 21:3

ᑍᒤᒻᒪᑦ ᑍᕕᑎᐅᑉ ᒋᐱᐅᓁᑎᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕗᖔ ᐃᓕᑦᓯᓐᓄᑦ? ᖃᓄᕐᓗ ᐋᖅᑮᒋᐊᕈᓐᓇᕐᐳᖓ ᐱᑦᓯᐊᕐᑕᐅᖏᓐᓂᕆᓯᒪᔭᑦᓯᓐᓂᒃ, ᐊᑕᓂᐅᑉ ᐃᓄᖁᑎᖏᓐᓂᒃ ᓮᒻᒪᕐᑎᑦᓯᔪᓐᓇᖁᓪᓗᓯ.”

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᒨᓯᓯ ᐂᑉᐸᖏᑦ 30:12

“ᐃᓴᕆᐊᓕᒥᐅᑦ ᐃᓄᖏᑦ ᓈᓴᓕᕈᕕᒋᑦ, ᐃᓄᐃᑦ ᐊᑐᓂᑦ ᐃᓘᓐᓇᑎᒃ ᐊᑭᓖᔪᒃᓴᐅᕗᑦ ᐊᑕᓂᕐᒧᑦ ᐃᓅᓯᑎᒃ ᐱᑦᔪᑎᒋᓗᒋᑦ, ᖃᓄᐃᓕᓇᕐᑐᒧᑦ ᑎᑭᑕᐅᖁᓇᒋᑦ ᓈᓴᕐᑕᐅᓕᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 30:14

ᓈᓴᕐᑕᐅᔪᑦ ᐊᑐᓂᑦ, 20ᓂᒃ ᐊᕐᕌᒍᓕᖕᓂᑦ ᐱᒋᐊᕐᓗᑎᒃ ᐅᖓᑖᓄᑦ, ᑐᓂᓯᔪᒃᓴᐅᕗᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 30:16

ᑕᒪᒃᑯᐊ ᑐᓂᕐᕈᑎᐅᔪᑦ ᑮᓇᐅᔭᑦ ᐃᓅᓯᑎᒃ ᐱᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑲᑎᕐᓱᕐᑕᒃᓴᕆᕙᑎᑦ ᐊᑭᓕᐅᑎᒋᓗᒋᓪᓗ ᑐᐱᐅᑉ ᓇᔪᒐᕐᒪ ᐱᓇᓱᐊᕐᑕᐅᑦᔪᑎᒃᓴᖓᓄᑦ; ᑕᒪᓐᓇᓗ ᑖᒃᓰᔭᕈᑎᐅᔪᖅ ᐃᓅᓯᖏᓐᓄᑦ ᐊᑭᓕᐅᑎᒃᓴᐅᓂᐊᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖏᓐᓂᒡᓗ ᓴᐳᑦᔨᓯᒪᑦᔪᑎᒃᓴᓐᓄᑦ ᐃᖅᑲᐅᒪᑦᔪᑎᒃᓴᕆᓂᐊᕐᐸᕋ.”

ᒨᓯᓯ ᐂᑉᐸᖏᑦ 38:26

ᑖᒃᑯᐊ ᐃᓄᐃᑦ ᐅᓄᕐᓂᖏᑦ ᐊᑐᓂᑦ ᓈᓴᕐᑕᐅᓯᒪᔪᑦ ᐊᑦᔨᒌᒥᒃ ᐊᑭᓖᑎᑕᐅᔪᑦ ᒪᓕᒡᓗᒋᑦ ᑍᒫᒃ ᐊᑐᓂᑦ ᐊᑭᓕᐅᑎᒋᔭᐅᖁᔭᐅᔪᒥᒃ ᒪᓕᒡᓗᑎᒃ ᐊᑭᓖᓚᐅᕐᒪᑕ, ᐅᖁᒤᓐᓂᕐᓯᐅᑎᑦ ᐊᑐᕐᑕᐅᒐᔪᒃᐸᒃᑐᑦ ᒪᓕᒡᓗᒋᑦ. ᐊᖑᑎᑦ ᐊᕐᕌᒍᓖᑦ 20ᓂᒃ ᐱᒋᐊᕐᓗᒋᑦ ᐅᖓᑖᓄᑦ ᐊᕐᕌᒍᓖᑦ ᑎᑭᓪᓗᒋᑦ ᓈᓴᕐᑕᐅᓯᒪᔪᑦ ᐅᓄᕐᓂᖃᓚᐅᕐᐳᑦ 603,550ᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:2

ᐊᒃᓗᐃᑦᑐᖅ ᐊᒃᓗᔪᕐᓗ ᐊᑕᐅᓯᕐᒥᒃ ᐊᑦᔨᒌᒍᑎᖃᕐᐴᒃ, ᐊᑕᓂᐅᑉ ᐱᓐᖑᕐᑎᓯᒪᔧᓐᓇᕆᖕᒪᒋᒃ.

ᐃᓯᑭᐊᓕᐅᑉ ᐊᒡᓚᖏᑦ 45:16

“ᐃᓄᓕᒫᑦ ᓄᓇᓕᖕᓂ ᑍᒫᒃ ᑐᓂᕐᕈᓯᖃᑦᑕᕐᑐᒃᓴᐅᕗᑦ ᐊᖓᔪᖅᑳᓄᑦ ᐃᓴᕆᐊᓕᒥᐅᓂ ᐊᐅᓚᑦᓯᔨᓄᑦ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.

ᒨᓯᓯ ᓯᑕᒪᖏᑦ 31:50

ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᑦᑎᓐᓂᒃ ᑐᓂᓯᔭᕐᑐᕋᑦᑕ, ᐊᖑᑎᓕᒫᑦ ᓇᓂᓚᐅᕐᑕᒥᖕᓂᒃ ᒎᓗᒥᑦ ᓴᓇᓯᒪᔪᓂᒃ; ᓂᕕᓐᖓᑖᓂᒃ, ᑕᓕᐊᕐᓂᒡᓗ, ᓇᒡᒍᐊᕐᒥᖕᓂᒡᓗ, ᓯᐅᑎᕈᑎᓂᒡᓗ, ᐅᔭᒥᖕᓂᒡᓗ, ᐅᕙᒍᑦ ᐃᓱᒪᒋᔪᓐᓁᕐᕕᐅᔪᒪᓪᓗᑕ ᐊᑕᓂᐅᑉ ᓵᖓᓂ.”

ᐃᐱᓯᒥᐅᓄᑦ 6:9

ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.