ᒨᓯᓯ ᐂᑉᐸᖏᑦ 29:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ “ᑐᓂᕐᕈᓯᕐᕕᒥ ᐃᒤᑦᑐᓂᒃ ᑕᕝᕙ ᑐᓂᕐᕈᓯᕐᑐᒃᓴᐅᕗᑎᑦ; ᓰᐱᐅᑉ ᓄᕐᕋᖏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒃ ᐊᕐᕌᒍᓖᖕᓂᒃ ᑐᓂᕐᕈᓯᖃᑦᑕᕐᑐᒃᓴᐅᕗᑎᑦ ᖃᐅᑕᒫᑦ ᑍᒫᓐᖓᓕᒫᖅ.

ᒨᓯᓯ ᐂᑉᐸᖏᑦ 29:38 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 22:7

ᐂᓴᑭᓕ ᐅᖃᕐᐳᖅ, ᐊᑖᑕᒥᓄᑦ ᐂᑉᕋᕼᐋᒻᒧᑦ, “ᐊᑖᑕᒃ!” ᑖᑦᓱᒪ ᑭᐅᕚ, “ᓱᕙ ᐃᕐᓃᒃ.” ᐂᓴᑭᓗ ᐅᖃᕐᐳᖅ, “ᑕᑯᒋᑦ, ᐃᑯᒪ ᕿᔪᐃᓪᓗ ᐃᑯᐊᓚᑦᔪᑎᒃᓮᓪᓗ; ᓇᐅᒡᓕ ᑍᒪ ᓄᕐᕋᐅᔭᖅ ᑐᓂᕐᕈᑎᒃᓴᖅ?”

ᑯᕉᓂᑲ ᓯᕗᓪᓖᑦ 16:40

ᑐᓂᕐᕈᓯᖃᑦᑍᓐᓇᖁᓪᓗᒋᑦ ᐆᑕᒃᓴᓂᒃ ᐊᑕᓂᕐᒧᑦ ᑐᓂᕐᕈᓯᕐᕕᖕᒥ ᐅᓪᓛᒃᑯᑦ ᐅᓐᓄᒃᑯᓪᓗ, ᐊᑕᓂᐅᑉ ᐱᖁᔭᖏᑦ ᑎᑎᕋᕐᓯᒪᔪᑦ ᒪᓕᒡᓗᒋᑦ ᐱᖁᔨᓂᕆᓚᐅᕐᑕᖏᑦ ᐃᓴᕆᐊᓕᒥᐅᓕᒫᓄᑦ;

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 29:7

ᐅᒃᑯᐊᖏᓪᓗ ᒪᑐᓚᐅᕐᒪᒋᑦ ᓱᓪᓗᑯᑖᖓᓃᑦᑐᑦ, ᓇᓂᕈᐊᖏᓪᓗ ᖃᒥᓪᓗᒋᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᕈᓐᓃᕐᓗᑎᒃ ᑐᓂᕐᕈᓯᖃᑦᑕᕈᓐᓃᕐᓗᑎᒡᓗ ᐃᑯᐊᓚᑎᑕᒃᓴᓂᒃ ᐃᑦᔪᕐᓁᑦᑐᕕᖕᒥ ᐃᓴᕆᐊᓕᒥᐅᑦ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 31:3

ᐊᖓᔪᖅᑳᕐᔪᐊᕐᓗ ᑐᓂᓯᕗᖅ ᐱᖁᑎᒥᑕ ᐃᓚᖏᓐᓂᒃ ᐃᑯᐊᓪᓚᒋᐊᓕᖕᓄᑦ ᑐᓂᕐᕈᑎᒃᓴᐅᖁᓪᓗᒋᑦ: ᐅᓪᓛᒧᑦ ᐅᓐᓄᖕᒧᓪᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ, ᑐᓂᕐᕈᑎᒃᓮᓪᓗ ᐃᑯᐊᓚᑎᑕᒃᓮᑦ ᓴᐸᑎᒧᑦ, ᑕᖅᑭᓂᕋᑖᕐᑐᒧᓪᓗ, ᓇᓪᓕᐅᓐᓂᕐᓯᐅᕐᓂᕐᓄᓪᓗ ᓇᓗᓁᕐᑕᐅᓯᒪᔪᓄᑦ, ᑎᑎᕋᕐᑕᐅᓯᒪᔪᑦ ᐊᑕᓂᐅᑉ ᐱᖁᔭᖏᓐᓂ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐄᓱᕋᐅᑉ ᐊᒡᓚᖏᑦ 3:3

ᑖᒃᑯᐊ ᐊᐅᓚᕈᑦᔭᐅᓯᒪᔪᕕᓃᑦ ᐅᑎᓚᐅᕐᑐᑦ ᐃᓄᖕᓂᒃ ᓄᓇᖃᕐᑐᓂ ᑲᑉᐱᐊᓱᒃᑲᓗᐊᕐᓱᑎᒃ, ᑐᓂᕐᕈᓯᕐᕕᖕᒥᒃ ᓴᓇᒋᐊᓯᐊᓚᐅᕐᐳᑦ ᐃᓂᑐᖃᖓᓂ, ᑐᓂᕐᕈᓯᕆᐊᓪᓚᖃᑦᑕᓕᓚᐅᕆᕗᑦ ᐃᑯᐊᓪᓔᓪᓗᑎ ᑐᓂᕐᕈᑎᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 3:5

ᑭᖑᓂᖓᒍᓪᓗ ᑐᓂᕐᕈᓯᖃᑦᑕᓕᓚᐅᕆᕗᑦ ᑐᓂᕐᕈᓯᕈᑎᓪᓚᕆᖕᓂᒃ ᐃᑯᐊᓚᑎᑕᐅᓪᓗᑎᒃ, ᑐᓂᕐᕈᑏᓪᓗ ᑕᖅᑭᓂᕋᑖᒧᑦ ᓇᓪᓕᐅᓐᓂᕐᓯᐅᕈᑎᒧᑦ ᑐᓂᕐᕈᑎᒃᓮᑦ ᐊᓯᖏᓪᓗ ᓇᓪᓕᐅᓐᓂᑐᐃᓐᓁᑦ ᐊᑕᓂᕐᒧᑦ ᐃᑦᔪᕐᓁᑎᑕᐅᓯᒪᔪᑦ ᐊᑐᕐᑕᐅᖃᑦᑕᓚᐅᕆᕗᑦ, ᐃᓄᓕᒫᓪᓗ ᐃᓱᒪᕐᓱᕐᓗᑎᒃ ᑐᓂᕐᕈᓯᖃᑦᑕᓚᐅᕐᐳᑦ ᐊᑕᓂᕐᒧᑦ ᐱᔪᒪᓂᑎᒃ ᒪᓕᒃᓗᒍ.

ᒨᓯᓯ ᐂᑉᐸᖏᑦ 40:29

ᑕᕝᕙᓂᓗ ᐃᑎᕐᑕᕐᕕᐅᑉ ᑖᓗᑕᖓᑕ ᓯᕗᕌᓂ ᐃᑯᐊᓚᑎᑕᒃᓴᓄᑦ ᑐᓂᕐᕈᓯᕐᕕᒃ ᐋᖅᑭᒃᐹ. ᑕᕝᕙᓂᓗ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᐳᖅ ᓂᕿᒃᓴᓂᒡᓗ ᑐᓂᕐᕈᓯᕆᓪᓗᓂ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᐃᓯᑭᐊᓕᐅᑉ ᐊᒡᓚᖏᑦ 46:13

“ᖃᐅᑕᒫᑦ ᓄᕐᕋᐅᔭᕐᒥᒃ ᐊᑕᐅᓯᕐᒥᒃ ᐊᕐᕌᒍᓕᖕᒥᒃ ᐊᑐᐃᓐᓇᕈᐃᔪᒃᓴᐅᕗᖅ ᖃᓄᐃᓗᑕᖃᖏᑦᑐᒥᒃ ᐃᑯᐊᓚᑎᑕᐅᓗᓂ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ; ᖃᐅᑕᒫᑦᓯᐊᖅ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ ᐅᓪᓛᑕᒫᑦ.

ᐃᓯᑭᐊᓕᐅᑉ ᐊᒡᓚᖏᑦ 46:15

ᑍᒫᒃ ᓄᕐᕋᐅᔧᑦ, ᓂᐊᖂᔭᒃᓮᓪᓗ, ᐸᐅᕐᖎᓪᓗ ᐅᕐᓱᖏᑦ ᐊᑕᓂᕐᒧᑦ ᐊᑐᐃᓐᓇᕈᕐᑕᐅᖃᑦᑕᕐᑐᒃᓴᐅᕗᑦ, ᐅᓪᓛᑕᒫᑦᓯᐊᖅ, ᐃᑯᐊᓚᑎᑕᐅᓗᑎᒃ ᑐᓂᕐᕈᑎᒃᓴᐅᖁᓪᓗᒋᑦ.”

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᒨᓯᓯ ᐱᖓᔪᖏᑦ 3:5

ᐂᕉᓂᐅᓪᓗ ᐃᕐᓂᖏᑕ ᐃᑯᐊᓚᑎᑕᒃᓴᕆᕚᑦ ᑐᓂᕐᕈᓯᕐᕕᖕᒥ ᑐᓂᕐᕈᑏᑦ ᐃᑯᐊᓚᑎᑕᐅᔪᑦ ᖄᖏᓐᓂ ᕿᔪᐃᑦ ᖄᖏᓐᓃᑦᑐᓂ, ᑐᓂᕐᕈᑏᑦ ᑍᒤᑦᑐᑦ ᑐᓂᕐᕈᑎᐅᖕᒪᑕ ᐃᑯᒪᒃᑯᑦ, ᑎᐱᖓᓗ ᐊᑕᓂᐅᑉ ᒪᒪᕆᕙ.

ᒨᓯᓯ ᐱᖓᔪᖏᑦ 6:9

“ᐂᕉᓂ ᐃᕐᓂᖏᓪᓗ ᐃᒫᒃ ᐱᖁᒃᑭᑦ: ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ: ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᓂᕐᕈᓯᕐᕕᐅᑉ ᖄᖓᓃᑦᓴᕆᐊᖃᕐᐳᑦ ᐅᓐᓄᐊᖅ ᓈᓗᒍ ᐅᓪᓛᖅ ᑎᑭᓪᓗᒍ, ᑐᓂᕐᕈᓯᕐᕕᒡᓕ ᐃᑯᒪᕾᓐᓇᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 9:17

ᓂᐊᖂᔭᕐᓗ ᑐᓂᕐᕈᑎᒃᓴᖅ ᑕᒪᐅᓐᖓᕆᕚ ᐊᒡᒐᖕᒥᓄᑦ ᑎᒍᓯᓪᓗᓂ ᑖᓐᓇ ᐃᑯᐊᓪᓚᒃᐹ ᑐᓂᕐᕈᓯᕐᕕᖕᒥ, ᐅᓪᓛᒥ ᑐᓂᕐᕈᑎᒋᔭᐅᔪᒧᑦ ᐃᓚᓕᐅᑎᓪᓗᒍ.

ᒨᓯᓯ ᓯᑕᒪᖏᑦ 29:6

ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.