ᒨᓯᓯ ᐂᑉᐸᖏᑦ 29:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᑖᒃᑯᐊᓗ ᓰᐱᐅᑉ ᐊᖑᓴᓪᓗᖓᑕ ᓴᑭᐊᖏᑦ ᑐᒃᓯᐅᑎᔭᒃᓴᕆᕙᑎᑦ ᐃᑦᔪᕐᓁᑎᑕᐅᖁᓪᓗᒋᑦ, ᒥᒥᖏᓪᓗ ᓂᕿᒃᓴᕆᔭᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᓄᑦ, ᐃᓴᐅᑎᔭᐅᓪᓗᑎᒃ ᓄᓗᕋᐅᑕᐅᓪᓗᑎᒡᓗ ᑐᓂᔭᐅᓯᒪᖕᒪᑕ, ᑐᓂᕐᕈᑎᐅᓯᒪᓪᓗᑎᒡᓗ ᑎᓕᔭᐅᓂᕐᒧᑦ, ᑕᒪᒃᑯᐊ ᓴᓂᕐᕙᒃᑕᐅᔪᒃᓴᐅᕗᑦ ᐂᕉᓂᐅᑉ ᐃᕐᓂᖏᑕᓗ ᓂᕿᒃᓴᕆᔭᕆᐊᖃᕐᒪᒋᑦ.

ᒨᓯᓯ ᐂᑉᐸᖏᑦ 29:27 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:26

“ᑖᑦᓱᒪᓕ ᑐᓂᕐᕈᑕᐅᔫᑉ ᓰᐱᐅᑉ ᐊᖑᓴᓪᓗᖓᑕ ᓴᑭᐊᖏᑦ ᐲᕐᓗᒋᑦ ᑐᓂᕐᕈᑎᒋᔭᒃᓴᕆᕙᑎᑦ ᐊᑕᓂᕐᒧᑦ ᐃᓴᐅᑎᓗᒋᑦ ᓄᓗᕋᐅᑎᒋᓗᒋᓪᓗ; ᑖᒃᑯᐊᓕ ᐃᕝᕕᑦ ᓂᕿᒃᓴᕐᑖᕆᔭᒃᓴᕆᕙᑎᑦ.

ᒨᓯᓯ ᐂᑉᐸᖏᑦ 29:28

ᑕᒪᓐᓇᓗ ᑍᒪᓐᖓᑦ ᓱᖁᓯᔪᐃᑦᑐᒥᒃ ᐂᕉᓂᒃᑯᑦ ᐃᕐᓂᖏᑕᓗ ᒪᓕᒐᕆᔭᒃᓴᕆᕚᑦ ᐃᓴᕆᐊᓕᒥᐅᑦ ᐃᓄᖏᑕ ᑐᓂᕐᕈᓯᖃᑦᑕᕐᓂᒃᓴᖓᑦ, ᑕᒪᓐᓇ ᑍᒤᑦᑐᖅ ᑐᓂᕐᕈᓯᕐᓂᖅ ᑐᓂᕐᕈᓯᕐᑎᑦᓯᔨᓄᑦ ᓂᕿᒃᓴᕆᔭᐅᔪᒃᓴᐅᕗᖅ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᓂᔭᐅᖃᑦᑕᕆᐊᓕᒃ; ᐃᓚᒌᑦᓯᐊᓕᕐᓂᕐᒧᑦ ᑐᓂᕐᕈᓯᕐᓂᐅᖕᒪᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 10:15

ᒥᒥᖅ ᑐᓂᕐᕈᑕᐅᓯᒪᔪᖅ ᓴᑭᐊᒡᓗ ᐊᐅᓪᓚᕐᑎᑕᐅᓗᓂ ᑐᓂᕐᕈᑕᐅᓯᒪᔪᖅ ᐃᓚᖃᕐᓗᓂ ᑐᓐᓄᕐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᓯᒪᔪᓂᒃ, ᐊᐅᓪᓚᕐᑎᑕᐅᓗᑎᒃ ᑐᓂᕐᕈᑎᒃᓮᑦ ᐊᑕᓂᕐᒧᑦ. ᑖᒃᑯᐊ ᑕᕝᕙ ᐃᕝᕕᑦ ᐱᑖᕆᔭᕆᐊᖃᕐᑕᑎᑦ ᕿᑐᕐᖓᕐᓄᓪᓗ, ᐊᑕᓂᖅ ᑍᒫᒃ ᐱᖁᔨᓚᐅᕐᒪᑦ.”

ᒨᓯᓯ ᐱᖓᔪᖏᑦ 7:30

ᓇᖕᒥᓂᖅ ᑎᒍᒥᐊᕐᓗᓂ ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕆᐊᕐᑐᕆᐊᖃᕐᐳᖅ ᐊᑕᓂᕐᒧᑦ ᐃᑯᐊᓚᑦᓯᕕᖕᒧᑦ; ᑐᓐᓄᖏᖕᓂᒃ ᑐᓂᕐᕈᑎᒃᓴᖃᕆᐊᖃᕐᐳᖅ, ᓴᑭᐊᖏᒡᓗ ᐱᖃᓯᐅᑎᓗᒋᒃ, ᐆᒪᔫᑉ ᓴᑭᐊᖏᑦ ᐊᐅᓪᓚᕐᑎᑕᒃᓴᐅᓗᑎᒃ ᑐᓂᕐᕈᑕᐅᓂᕐᒧᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 7:37

ᐅᑯᐊ ᑕᕝᕙ ᐱᖁᔧᑦ ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᐱᓪᓗᒋᑦ, ᓂᐊᖂᔭᓂᒃ ᑐᓂᕐᕈᓯᕐᓂᕐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓂᕐᒥᒃ, ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ ᑐᓂᕐᕈᓯᕐᓂᕐᒥᒃ, ᑎᓕᔭᐅᓂᖅ ᐱᓪᓗᒍ ᑐᓂᕐᕈᓯᕐᓂᕐᒥᒃ, ᐊᒻᒪᓗ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᓂᕐᒥᒃ,

ᒨᓯᓯ ᐱᖓᔪᖏᑦ 9:21

ᐂᕉᓂᐅᓪᓗ ᐆᒪᔫᑉ ᓴᑭᐊᖏᑦ ᒥᒥᖓᑕᓗ ᑕᓕᕐᐱᐊ ᑐᓂᕐᕈᑎᒋᕔᑦ ᐊᑕᓂᐅᑉ ᓵᖓᓂ, ᑍᒫᒃ ᑐᓂᕐᕈᑎᒋᕔᑦ ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᓯᑕᒪᖏᑦ 18:11

“ᐅᕝᕙᑦᑕᐅᖅ ᐃᓕᑦᓯ ᐱᒋᓂᐊᕐᒥᔭᓯ: ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓃᑦ ᐃᓄᐃᑦ ᑐᓂᕐᕈᑎᕕᓂᖏᑦ, ᐃᓚᖃᕐᓗᑎᒃ ᐃᓴᕆᐊᓕᒥᐅᓂᑦ ᐃᓵᒃᑕᕈᑦᔭᐅᓗᑎᒃ ᑐᓂᕐᕈᑎᕕᓂᖏᓐᓂᒃ; ᐃᓕᖕᓄᑦ ᑖᒃᑯᐊ ᑐᓂᓯᒪᕙᒃᑲ ᐃᕐᓂᑎᑦ ᐸᓂᑎᓪᓗ ᑐᓂᖃᓯᐅᑎᓪᓗᒋ ᑕᒪᒃᑯᓂᖓ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ. ᑐᒃᓯᐊᕐᓂᑯᑦ ᓴᓗᒻᒪᕐᓯᒪᔪᓕᒫᑦ ᐃᓚᒌᖕᓂᑦᓯᓐᓂ ᐱᔪᑦ ᓂᕆᖃᑕᐅᔪᓐᓇᕐᐳᑦ.

ᒨᓯᓯ ᓯᑕᒪᖏᑦ 6:20

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᐃᓵᒃᑕᕐᓂᕐᒧᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᐅᑉ ᓵᖓᓂ, ᐃᓚᖃᕐᓗᑎᒃ ᓰᐱᐅᑉ ᓴᑭᐊᖏᓐᓂᒃ ᐃᓵᒃᑕᕐᓂᕐᒧᑦ ᑐᓂᕐᕈᑕᐅᓗᑎᒃ ᓰᐱᐅᓪᓗ ᐊᖑᓴᓪᓘᑉ ᒥᒥᖓ ᑭᕕᖃᑦᑕᕐᓗᒍ ᑐᓂᕐᕈᑕᐅᓗᓂ, ᑖᒃᑯᐊ ᑕᕝᕙ ᐃᑦᔪᕐᓁᓕᔪᑦ ᑐᓂᕐᕈᓯᕐᑎᑦᓯᔨᐅᑉ ᓂᕿᒃᓴᖏᑦ, ᐱᔭᕇᕐᐸᑦ ᑕᕝᕙ ᓈᓴᕅᑎ ᕔᓂᒥᒃ ᐃᒥᕈᓐᓇᕐᓯᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 18:3

“ᖃᖓᓕᒫᕐᓕ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᑐᓂᕐᕈᓯᕐᑐᖃᓕᕐᐸᑦ ᑐᖁᑕᒃᓴᒥᒃ, ᑕᕝᕙ ᑐᓂᕐᕈᓯᕐᑎᑦᓯᔩᑦ ᑐᓂᔭᐅᔪᒃᓴᐅᕗᑦ ᑭᐊᓯᖏᖕᓂᒃ, ᐊᒡᓕᕈᖏᖕᓂᒃ, ᕿᓴᕈᐊᖓᓂᒡᓗ.

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 9:24

ᑕᕝᕙ ᓂᕿᓕᐅᕐᑎᐅᑉ ᑎᒍᓪᓗᒍ ᓂᐅ ᒥᒥᖓᓗ ᐃᓕᕚ ᓴᐅᓕᐅᑉ ᓵᖓᓄᑦ; ᓴᒧᐃᓕᓗ ᐅᖃᕐᐳᖅ, “ᑕᑯᒋᑦ, ᐅᓇ ᐃᓕᖕᓄᑦ ᖁᒥᐅᑎᒋᓚᐅᕐᑕᕗᑦ. ᓂᕆᓕᕈᒃ; ᐅᓇ ᐃᓕᖕᓄᑦ ᖁᒥᐅᑎᒋᓚᐅᕐᐸᕋ ᓂᕆᔭᐅᖁᓪᓗᒍ ᑕᒪᑐᒪᓂ ᓇᓪᓕᐅᑦᑐᒥ, ᐃᓄᐃᑦ ᕾᖁᓚᐅᕐᑕᒃᑲ ᐃᓚᒋᓗᒋᑦ.” ᑕᕝᕙ ᓴᐅᓕᐅᑉ ᓴᒧᐃᓕ ᓂᕆᖃᑎᒋᓚᐅᕐᐹ ᐅᓪᓗᒥ ᑕᕝᕙᓂ.