ᒨᓯᓯ ᐂᑉᐸᖏᑦ 28:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᒨᓯᓯ ᐂᑉᐸᖏᑦ 28:41 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᒨᓯᓯ ᐱᖓᔪᖏᑦ 10:7

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓ ᕿᒪᒃᑍᓕᓯᐅᒃ, ᑐᖁᖁᓇᓯᒃ, ᐊᑕᓂᐅᑉ ᐅᕐᓱᖅ ᒥᖑᐊᕈᑎᖓ ᐃᓕᑦᓯᓐᓃᒻᒪᑦ.” ᑖᒃᑯᐊᒡᓗ ᒨᓯᓯᐅᑉ ᐅᖃᐅᓯᕆᔭᖓ ᒪᓕᒡᓗᒍ ᑍᒤᓕᐅᕐᐳᑦ.

ᒨᓯᓯ ᐂᑉᐸᖏᑦ 40:15

ᒥᖑᐊᕐᑕᒃᓴᕆᕙᑎᑦ ᑕᕝᕙ, ᐊᑖᑕᖓᑦᑎᑐᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ. ᒥᖑᐊᕐᑕᐅᓂᕆᔭᖓᓗ ᑕᒪᓐᓇ ᐊᑑᑎᓂᐊᕐᐳᖅ ᑕᐅᕗᖓᓕᒫᖅ ᑭᖑᕚᖏᓐᓄᑦ ᑎᑭᓪᓗᒍ.”

ᒨᓯᓯ ᐂᑉᐸᖏᑦ 29:9

ᑕᑦᓯᕈᓯᕐᓗᒋᓪᓗ ᓇᓴᕐᓗᒋᓪᓗ ᓂᒥᕐᓗᒋᑦ. ᑍᒫᒃ ᑕᕝᕙ ᐂᕉᓂᒃᑯᑦ ᐃᕐᓂᕇᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᑖᒃᑯᐊᓗ ᑭᖑᕚᖏᓪᓗ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐅᕙᓐᓂᒃ ᑍᒪᓐᖓᑦ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᐃᓯᑭᐊᓕᐅᑉ ᐊᒡᓚᖏᑦ 43:26

ᐅᓪᓗᓂᒃ 7ᓂᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥᒃ ᓴᓗᒻᒪᕐᓮᔪᒃᓴᐅᕗᑦ ᐃᑦᔪᕐᓁᓕᑎᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 10:27

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᓇᖕᒪᒃᑎᑦᓯᓂᖏᑕ ᐲᕐᑕᐅᕕᒃᓴᖓ ᑐᐃᑦᓯᓐᓂᑦ, ᓇᖕᒪᐅᑕᖏᑕᓗ ᓯᖁᒥᑕᐅᓂᖏᑦ ᖁᖓᓯᑦᓯᓐᓂᑦ, ᓇᖕᒪᐅᑍᑦ ᓄᖑᑎᑕᐅᔪᒫᕐᐳᑦ ᐅᕐᓱᖅ ᒥᖑᐊᕈᑕᐅᔪᖅ ᐱᑦᔪᑎᒋᓗᒍ.

ᒨᓯᓯ ᓯᑕᒪᖏᑦ 3:3

ᑖᒃᑯᐊ ᑕᕝᕙ ᐂᕉᓂᐅᑉ ᐃᕐᓂᖏᑦ, ᐅᕐᓱᕐᑎᕐᑕᐅᓪᓗᑎᒃ ᑐᓂᕐᕈᓯᕐᑎᑦᓯᔨᓐᖑᓚᐅᕐᑐᑦ, ᐱᔨᑦᓯᕐᑐᒃᓴᐅᓪᓗᑎᒃ ᑐᓂᕐᕈᓯᕐᑎᑦᓯᔨᓐᖑᓚᐅᕐᑐᑦ.

ᒨᓯᓯ ᐂᑉᐸᖏᑦ 29:35

“ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᑎᓕᓯᔪᒃᓴᐅᕗᑎᑦ ᐂᕉᓂᒥᒃ ᐃᕐᓂᖏᓐᓂᒡᓗ; ᐱᖁᔨᓯᒪᓂᕋ ᒪᓕᒡᓗᒍ; ᐅᓪᓗᓂᒃ 7ᓂᒃ,

ᒨᓯᓯ ᐂᑉᐸᖏᑦ 29:24

ᑕᒪᒃᑯᐊᓕᒫᓪᓗ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᔭᒃᓴᕆᕙᑎᑦ, ᑖᒃᑯᐊ ᑎᒍᓯᓗᑎᒃ ᑖᒃᑯᓂᖓ ᐃᓴᐅᑎᓗᒋᑦ ᓄᓗᕋᕈᑎᒋᓗᒋᓪᓗ ᑐᓂᓯᖁᓪᓗᒋᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 28:4

ᐃᒫᒃ ᑕᕝᕙ ᐊᓐᓄᕌᓕᐅᕐᑕᐅᔪᒃᓴᐅᕗᑦ; ᓴᒡᕕᖕᒥᐅᑕᖃᕐᓗᑎᒃ ᓯᒃᑭᑕᒥᒃ, ᑭᐊᑎᒥᒍᑦ ᐊᓐᓄᕌᖃᕐᓗᑎᒃ ᑍᔭᐅᔪᒥᒃ ᐃᐹᑦᒥᒃ, ᐊᓐᓄᕌᖃᕐᓗᑎᒡᓗ ᑕᑭᔪᓂᒃ, ᓯᓚᓪᓕᕐᓂᒡᓗ ᑕᕐᓯᕐᑐᕐᓯᒪᔪᓂᒃ ᓴᓇᓐᖑᐊᕐᓯᒪᔪᓂᒃ ᐅᕕᓂᕈᖃᕐᓗᑎᒃ, ᓂᐊᖁᖓᓗ ᐃᒻᒧᓯᕐᓯᒪᓗᓂ ᓇᓴᐅᔮᕐᑐᒥᒃ, ᖃᓪᓗᓈᕐᑕᒥᒡᓗ ᑕᑦᓯᕈᑎᖃᕐᓗᑎᒃ. ᑍᒫᒃ ᑕᕝᕙ ᐊᖓᔪᐃᑦ ᐂᕉᓂ ᐊᓐᓄᕌᓕᐅᕐᑕᐅᔪᒃᓴᐅᕗᖅ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ ᐃᑦᔪᕐᓁᑦᑐᓂᒃ ᑖᑦᓱᒪᓗ ᐃᕐᓂᖏᑦ, ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐂᑉᐸᖏᑦ 28:1

“ᐊᖓᔪᐃᑦ ᐂᕉᓂ ᕾᖁᓚᐅᕈᒃ ᐃᕐᓂᖏᓪᓗ, ᓇᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ, ᑖᒃᑯᐊᓗ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓴᓂᕐᕙᒃᑕᐅᔪᒃᓴᐅᕗᑦ, ᐅᕙᓐᓄᑦ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ.

ᒨᓯᓯ ᐂᑉᐸᖏᑦ 40:13

ᑕᕝᕙ ᐂᕉᓂ ᐊᓐᓄᕌᕐᑎᑕᒃᓴᕆᕙᑦ ᐊᓐᓄᕌᓂᒃ ᐃᑦᔪᕐᓁᑦᑐᓂᒃ, ᒥᖑᐊᕐᓗᒍᓗ ᐅᕐᓱᒧᑦ, ᑕᕝᕙ ᑍᒫᒃ ᐃᑦᔪᕐᓁᑎᑕᒃᓴᕆᕙᑦ, ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒍ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐱᖓᔪᖏᑦ 16:24

ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ.

ᒨᓯᓯ ᐂᑉᐸᖏᑦ 30:35

ᑕᒪᒃᑯᐊ ᐊᑐᕐᓗᒋᑦ ᐃᓯᕐᓗᐊᕐᓂᒍᑎᒃᓴᓕᐅᕐᑐᒃᓴᐅᕗᑎᑦ, ᑲᑎᓯᒪᓗᒋᑦ ᑎᐱᑦᓯᐊᕆᒃᓴᐅᑎᑎᑐᑦ. ᑕᕆᐅᓕᕐᓗᒋᓪᓗ ᓴᓗᒪᑦᓯᐊᖏᓐᓇᖁᓪᓗᒋᑦ ᐃᑦᔪᕐᓁᖁᓪᓗᒋᓪᓗ.

ᒨᓯᓯ ᓯᑕᒪᖏᑦ 16:5

ᐅᖃᕐᓗᓂᓗ ᑰᕋᒧᑦ ᐃᓚᒋᔭᖏᓐᓄᓪᓗ, “ᖃᐅᒃᐸᑦ ᐅᓪᓛᒃᑯᑦ ᐊᑕᓂᖅ ᖃᐅᔨᑎᑦᓯᓂᐊᕐᐳᖅ ᑭᓇᒥᒃ ᐱᖃᕐᒪᖔᕐᒥ, ᑭᓇᓗ ᐃᑦᔪᕐᓁᒻᒪᖔᑦ, ᖃᓂᒋᔭᒥᓅᕐᑎᑦᓯᓂᐊᕐᐳᕐᓗ; ᑖᑦᓱᒥᖓ ᓂᕈᐊᕐᑕᒥᓂᒃ.