ᒨᓯᓯ ᐂᑉᐸᖏᑦ 28:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᐂᕉᓂᐅᑉ ᐊᑐᕆᐊᖃᕐᐹ ᖃᐅᖓᓂ ᐃᓕᓯᒪᓗᒍ, ᑍᒤᑉᐸᑦ ᑕᕝᕙ ᐅᕙᖓ ᐊᑕᓂᐅᔪᖓ, ᑐᓂᕐᕈᑎᒋᔭᓕᒫᖏᑦ ᐃᓚᓕᐅᕐᓂᐊᕐᐸᒃᑲ ᐃᓴᕆᐊᓕᒥᐅᑦ ᐃᑦᔪᕐᓁᑎᓯᒪᔭᖏᑦ ᐅᕙᓐᓄᑦ, ᐊᒡᓛᑦ ᐃᓄᐃᑦ ᑐᓂᕐᕈᓯᕐᓂᕐᒥᒍᑦ ᑕᒻᒪᕋᓗᐊᕐᐸᑕ.

ᒨᓯᓯ ᐂᑉᐸᖏᑦ 28:38 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 28:37

ᓂᐊᑯᕐᒧᑦ ᐃᒻᒧᑎᐅᑉ ᓇᓴᐅᔮᕐᑑᑉ ᓯᕗᕌᓃᑦᑐᒧᑦ ᐃᓕᔭᒃᓴᕆᕙᑦ ᑐᖑᔪᕐᑐᒥᒃ ᕿᓚᕈᑎᖃᕐᓗᒍ ᓂᐊᑰᑉ ᓯᕗᕌᓃᖁᓪᓗᒍ.

ᒨᓯᓯ ᐂᑉᐸᖏᑦ 28:43

ᑕᒪᒃᑯᐊᓗ ᐂᕉᓂᐅᑉ ᐃᕐᓂᖏᑕᓗ ᑍᒪᓐᖓᑦ ᐊᑐᕐᑕᒃᓴᕆᕔᑦ ᑐᐱᖁᑎᓐᓄᑦ ᓇᔪᒐᓐᓄᑦ ᐃᑎᕐᓂᐊᑐᐊᕈᑎᒃ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᓂᐊᑐᐊᕈᑎᒃ ᑐᓂᕐᕈᓯᕐᑎᑦᓯᓂᕐᒥᒃ ᑕᕝᕙᓂ ᐃᑦᔪᕐᓁᕐᑐᕕᖕᒥ; ᑐᖁᑕᐅᔪᒃᓴᐅᖁᓇᒋᑦ ᑲᓐᖑᓇᕐᓂᕐᒥᖕᓂᒃ ᓴᖅᑭᑎᑦᓯᓂᕐᒥᖕᓄᑦ. ᑕᒪᓐᓇᓗ ᓱᖁᓯᔪᐃᑦᑑᓗᓂ ᒪᓕᒐᕆᔭᐅᓂᐊᕐᐳᖅ ᐂᕉᓂᒧᑦ ᑭᖑᕚᓕᒫᖏᓐᓄᓪᓗ.”

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 60:7

ᑭᑕᕆᒥᐅᑦ ᓰᐱᖁᑎᓕᒫᖏᑦ ᐃᓕᑦᓯᓐᓄᑦ ᑲᑎᑕᐅᔪᒫᕐᐳᑦ, ᓂᐰᐅᑎᐅᑉ ᓰᐱᖁᑎᖏᑕ ᐊᖑᓴᓪᓗᖏᑦ ᐱᓇᓲᑎᒋᓕᕈᒫᕐᐸᓯ; ᑐᓂᕐᕈᓯᐅᑎᒃᓴᐅᔪᓐᓇᕐᓗᑎᒡᓗ ᑐᓂᕐᕈᓯᕐᕕᖁᑎᓐᓂ ᐃᓚᓕᐅᕈᒫᕐᐸᒃᑲ, ᑐᒃᓯᐊᕐᕕᒡᔪᐊᖁᑎᒐᓗ ᐱᐅᔪᕐᔪᐊᖅ ᐱᓐᓇᕐᓇᕐᓯᑎᑦᓱᒫᕐᐸᕋ.

ᒨᓯᓯ ᐱᖓᔪᖏᑦ 1:4

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ.

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 22:16

ᐱᑎᑕᐅᔭᕆᐊᖃᖏᑦᑐᓂᒃ ᓂᕆᑎᑦᓯᖃᑦᑕᕐᐸᑕ ᑍᒤᑦᑐᓂᒡᓗ ᐸᓯᔭᒃᓴᐅᓕᕐᑎᓯᖁᓇᒋᑦ ᓱᒋᐊᕐᑕᐅᔭᕆᐊᖃᓕᕐᓗᑎᒃ. ᐅᕙᖓ ᐊᑕᓂᐅᒐᒪ ᐃᑦᔪᕐᓁᑎᑦᓯᔪᖅ.”

ᒨᓯᓯ ᐱᖓᔪᖏᑦ 22:27

“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 22:9

“ᑐᓂᕐᕈᓯᕐᑎᑦᓯᔨᓕᒫᑦ ᓈᓚᑦᓯᐊᕆᐊᖃᕐᐳᑦ ᐊᑐᕐᑕᐅᖁᔭᓐᓂᒃ, ᐸᓯᔭᒃᓴᐅᓕᖁᓇᒋᑦ ᑐᖁᖁᓇᒋᓪᓗ ᓇᕐᕈᓇᕐᓯᑎᑦᓯᓂᕐᒧᑦ ᒪᓕᒐᒃᓴᐅᑎᑕᓐᓂᒃ ᐃᑦᔪᕐᓁᑦᑐᓂᒃ. ᐅᕙᖓ ᐊᑕᓂᐅᒐᒪ, ᑖᒃᑯᐊ ᐃᑦᔪᕐᓁᑦᑐᓐᖑᕐᑎᓯᒪᒐᒃᑭᑦ.

ᒨᓯᓯ ᐱᖓᔪᖏᑦ 23:11

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᑎᒋᔭᕆᐊᖃᕐᐹ ᐊᑕᓂᕐᒧᑦ, ᐃᓚᓕᐅᕐᑕᐅᖁᓪᓗᒍ ᐱᑦᔪᑎᒋᓪᓗᑎᑦ. ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᑎᒋᔭᒃᓴᕆᕚ ᐅᓪᓗᒥ ᓴᐸᑎᐅᑉ ᑭᖑᓂᑦᓯᐊᖓᓂ.

ᒨᓯᓯ ᓯᑕᒪᖏᑦ 18:1

ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ: “ᐃᕝᕕᑦ ᐃᕐᓂᑎᓪᓗ ᑭᖑᕚᖑᖃᑎᑎᓪᓗ ᐸᓯᔭᒃᓴᐅᕗᓯ ᐃᑦᔪᕐᓁᑦᑐᕕᐅᑉ ᓇᓛᓄᑦ ᐱᐅᖏᑦᑐᓕᑦᔪᑕᐅᔪᓂᒃ, ᐃᕝᕕᓪᓗ ᐃᕐᓂᑎᓪᓗ ᐸᓯᔭᒃᓴᐅᕗᓯ ᑐᓂᕐᕈᓯᕐᑎᑦᓯᔨᐅᓂᑦᓯᓐᓄᑦ ᐱᐅᖏᑦᑐᓕᓂᕐᓂᒃ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;