ᒨᓯᓯ ᐂᑉᐸᖏᑦ 28:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ “ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᔪᒃᓴᐅᕗᑎᑦ ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ ᑕᕝᕘᓇᓗ ᑎᑎᕋᕐᕕᒋᓯᒪᓗᒍ ᓲᕐᓗ ᐊᑎᓕᐅᕈᑎᑐᑦ ᓇᕿᑦᔪᑎᑐᑦ ‘ᐊᑕᓂᕐᒧᑦ ᐃᑦᔪᕐᓁᑦᑎᑕᐅᓯᒪᔪᖅ.’

ᒨᓯᓯ ᐂᑉᐸᖏᑦ 28:36 ပူးပေါင်းရင်းမြစ်များ

ᓴᑲᕅᐊᐅᑉ ᐊᒡᓚᖏᑦ 14:20

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᕿᒻᒥᕐᔪᐊᑦ ᓯᕙᓂᐅᑎᖏᓐᓂ ᑎᑎᕋᕐᓯᒪᔪᒫᕐᐳᑦ ᐃᒫᒃ, “ᐊᑕᓂᖅ ᐃᑦᔪᕐᓁᐳᖅ.” ᓂᕿᓕᐅᕈᑎᓕᒫᓪᓗ ᐊᑕᓂᐅᑉ ᐃᒡᓗᖓᓃᑐᑦ ᐅᐊᓴᕐᕖᑦ ᑐᓂᕐᕈᓯᕐᕕᐅᑉ ᓵᖓᓃᑦᑐᑦ ᐃᑦᔪᕐᓁᖃᑕᐅᔪᒫᕐᐳᑦ.

ᒨᓯᓯ ᐱᖓᔪᖏᑦ 8:9

ᓇᓴᕐᑎᑉᐹᓗ ᓂᐊᖁᐊᓄᑦ ᐃᒻᒧᓯᐅᑎᓯᒪᔪᒥᒃ ᒎᓗᒥᒃ ᓯᕗᒥᐅᑕᖃᕐᑐᒥᒃ ᒎᑎᐅᑉ ᐊᖓᔪᖅᑳᖁᑎᖓᓂᒃ ᓇᓗᓁᒃᑯᑕᕐᒥᒃ ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:30

ᖃᐅᕐᒥᐅᑕᒃᓴᒥᒃ ᑕᑯᒥᓇᕐᑐᒥᒃ ᓴᓇᒋᕗᑦ, ᐃᑦᔪᕐᓁᑦᑐᒥᒃ ᓇᓗᓁᒃᑯᑕᐅᔪᒃᓴᒥᒃ ᑐᓂᓯᒪᓂᕐᒧᑦ, ᒎᓗᒥᒃ ᐊᓯᐊᓂᒃ ᐃᓚᖃᖏᑦᑐᒥᒃ, ᑕᕝᕘᓇᓗ ᑎᑎᕋᕐᕕᒋᓯᒪᓪᓗᒍ “ᐊᑕᓂᕐᒧᑦ ᑐᓂᔭᐅᓯᒪᔪᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 43:12

ᐅᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ; ᖃᖅᑲᐅᑉ ᖄᖓᑕ ᖃᓂᒋᔭᓕᒫᖓ ᐃᑦᔪᕐᓁᑦᑑᓂᕐᐸᐅᔪᒃᓴᐅᕗᖅ. ᑕᑯᒋᑦ, ᑕᒪᓐᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ.”

ᐃᓐᖏᕈᑎᑦ 93:5

ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐂᑉᐸᖏᑦ 28:11

ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ ᑎᓕᓯᔪᒃᓴᐅᕗᑎᑦ ᐃᓴᕆᐊᓕᐅᑉ ᑭᖑᕚᖏᑦ ᑎᑎᕋᕐᑕᐅᖁᓪᓗᒋᑦ ᐅᔭᕋᒃᑯᑦ, ᐃᑎᕐᓴᓕᐅᕐᓯᒪᔪᓪᓗ ᐅᔭᕋᒃᑯᑦ ᖄᓕᕐᓗᒋᑦ ᒎᓗᓂᒃ.

ᒨᓯᓯ ᐂᑉᐸᖏᑦ 28:9

ᐅᔭᕌᖕᓂᒡᓗ ᐱᐅᓂᕐᐹᓂᒃ ᒪᕐᕉᖕᓂᒃ ᐱᔪᒃᓴᐅᕗᑎᑦ, ᑕᕝᕘᓇᓗ ᐃᓴᕆᐊᓕᐅᑉ ᑭᖑᕚᖏᑦ ᑎᑎᕋᕐᓗᒋᑦ.

ᒨᓯᓯ ᐂᑉᐸᖏᑦ 28:35

ᐂᕉᓂᐅᓪᓗ ᓄᐃᔭᒐᖅ ᐊᑐᒐᒃᓴᕆᕚ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᓕᑐᐊᕈᓂ, ᐊᑕᓂᐅᑉ ᓵᖓᓄᑦ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᑕᕝᕙᓐᖓᓪᓗ ᐊᓂᓕᑐᐊᕈᓂ ᑐᓴᕐᓴᐅᑎᑦᓯᔪᓐᓇᖁᓪᓗᒍ ᐊᐅᓚᓂᕐᒥᓄᑦ, ᑐᖁᑕᐅᖁᓇᒍ.

ᒨᓯᓯ ᐂᑉᐸᖏᑦ 28:37

ᓂᐊᑯᕐᒧᑦ ᐃᒻᒧᑎᐅᑉ ᓇᓴᐅᔮᕐᑑᑉ ᓯᕗᕌᓃᑦᑐᒧᑦ ᐃᓕᔭᒃᓴᕆᕙᑦ ᑐᖑᔪᕐᑐᒥᒃ ᕿᓚᕈᑎᖃᕐᓗᒍ ᓂᐊᑰᑉ ᓯᕗᕌᓃᖁᓪᓗᒍ.

ᒨᓯᓯ ᐂᑉᐸᖏᑦ 29:6

ᓇᓴᕐᓗᒍᓗ ᓂᐊᖁᖓᓄᑦ ᓂᒥᐅᑎᓯᒪᔪᒥᒃ, ᑕᕝᕗᖓᓗ ᕿᓚᒡᓗᒍ ᖃᐅᕈᑎᒃᓴᖓ ᓇᓗᓁᒃᑯᑕᖅ ᐃᑦᔪᕐᓁᑎᑕᐅᓂᕐᒧᑦ ᑎᑎᕋᕐᕕᒋᓯᒪᓗᓂ ‘ᐊᑕᓂᕐᒧᑦ ᑐᓂᕐᕈᑕᐅᓯᒪᔪᖅ.’

ᒨᓯᓯ ᐂᑉᐸᖏᑦ 39:31

ᓂᐊᑯᕐᒧᑦ ᐃᒻᒧᑎ ᓇᓴᐅᔮᕐᑑᑉ ᓯᕗᕌᓃᑦᑐᒧᑦ ᐃᓕᕚᑦ ᑐᖑᔪᕐᑐᒥᒃ ᕿᓚᕈᑎᖃᕐᑎᓪᓗᒍ ᓂᐊᖂᑉ ᓯᕗᕌᓃᖁᓪᓗᒍ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 39:27

ᐅᕕᓂᕈᕐᒥᒃᑕᐅᖅ ᓴᓇᒋᕗᑦ ᐂᕉᓂᒧᑦ ᐃᕐᓂᖏᓐᓄᓪᓗ ᐱᒋᔭᐅᓂᐊᕐᑐᓂᒃ.

ᑯᕉᓂᑲ ᓯᕗᓪᓖᑦ 23:13

ᐊᒪᕌᒥᐅᑉ ᐃᕐᓂᖏᒃ: ᐂᕉᓂ ᒨᓯᓯᓗ. ᐂᕉᓂ ᓴᓂᕐᕙᒃᑕᐅᓯᒪᓚᐅᕐᐳᖅ ᐃᑦᔪᕐᓁᓐᓂᕐᐹᓂᒃ ᐱᓇᓱᐊᕐᑎᐅᖁᓪᓗᒍ, ᐂᕉᓂᓗ ᐃᕐᓂᖏᓪᓗ ᐃᓱᖃᖏᑦᑐᒧᑦ ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᔨᐅᖁᓪᓗᒋᑦ ᐊᑕᓂᐅᑉ ᓵᖓᓂ, ᑖᓐᓇᓗ ᐱᔨᑦᓯᕐᓗᒍ ᓮᒻᒪᕐᑎᑦᓯᖃᑦᑕᕐᓗᑎᒡᓗ ᐃᓄᖕᓂᒃ ᑖᑦᓱᒪ ᐊᑎᖓᓂ ᐃᓱᖃᖏᑦᑐᒧᑦ.