ᒨᓯᓯ ᐂᑉᐸᖏᑦ 28:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᒃᑯᐊᒡᓗ ᐅᔭᑦᓯᐅᑎᖓᖕᓄᑦ ᐃᓕᔭᒃᓴᕆᕙᑎᑦ ᑭᐊᑎᒧᑦ ᐃᐹᑦᓯᒥᒃ ᐊᑎᓕᖕᒧᑦ ᐃᓚᓕᐅᑎᓯᒪᖁᓪᓗᒋᒃ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᒃ. ᐂᕉᓂᓗ ᐊᒡᔭᕐᓯᖃᑦᑕᖁᓪᓗᒍ ᑭᖑᕚᕇᖑᔪᑦ ᐊᑎᖏᓐᓂᒃ ᐊᑕᓂᐅᑉ ᓵᖓᓂ ᑖᒃᑯᐊ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ.

ᒨᓯᓯ ᐂᑉᐸᖏᑦ 28:12 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 28:29

“ᐂᕉᓂ ᐃᑦᔪᕐᓁᑦᑐᕕᖕᒧᑦ ᐃᑎᓕᕈᓂ, ᐃᓴᕆᐊᓕᒥᐅᑦ ᑭᖑᕚᕇᖏᑕ ᐊᑎᖏᓐᓂᒃ ᓴᒡᕕᖕᒥᐅᑕᕐᒥ ᐊᑐᕐᑕᖓᓂᒃ ᑎᑎᕋᕐᓯᒪᔪᓂᒃ ᐃᑎᕈᑦᔨᖃᑦᑕᖁᓪᓗᒍ, ᑍᒤᑉᐸᑦ, ᑕᕝᕙ ᐅᕙᖓ ᐊᑕᓂᖅ, ᐃᓄᖁᑎᒃᑲ ᑍᒪᓐᖓᑦ ᐃᖅᑲᐅᒪᖃᑦᑕᕐᓂᐊᕐᐸᒃᑲ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᒨᓯᓯ ᓯᑕᒪᖏᑦ 31:54

ᒨᓯᓯᐅᑉ ᐃᓕᓯᕆᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᒎᓗᐃᑦ ᐱᓚᐅᕐᐰᑦ ᐅᓇᑕᕐᑐᒃᓴᓄᑦ 1000ᓄᑦ ᐊᖓᔪᖅᑳᓂᑦ 100ᓄᓪᓗ ᐊᖓᔪᖅᑳᓂᑦ, ᐃᓕᓪᓗᒋᓪᓗ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᓴᕆᐊᓕᒥᐅᓂᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᐱᖓᔪᖏᑦ 24:7

ᓂᐊᖂᔭᑦ ᑖᒃᑯᐊ ᑐᑭᓕᕇᑦ ᐃᓕᓯᕝᕕᒋᔭᕆᐊᖃᕐᐸᓯ ᐃᓯᕐᓗᐊᕐᓂᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᓇᓗᓁᒃᑯᑕᐅᖁᓪᓗᒍ ᐃᖅᑲᐅᒪᑦᔪᑎᒃᓴᒥᒃ ᑖᒃᑯᐊ ᐃᑯᐊᓪᓔᓂᒃᑯᑦ ᑐᓂᕐᕈᑕᐅᓯᒪᓂᖏᓐᓂᒃ ᐊᑕᓂᕐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 1:54

ᓂᑲᒍᓱᖕᓂᓂ ᓯᕗᓪᓕᕕᓂᑦᑎᓐᓄᑦ ᑲᔪᓯᑎᑉᐹ, ᐃᓄᖁᑎᓂᓗ ᐃᓴᕆᐊᓕᒥᐅᑦ ᐃᑲᔪᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᐃᓐᖏᕈᑎᑦ 89:19

ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.

ᒨᓯᓯ ᐂᑉᐸᖏᑦ 28:7

ᐅᔭᑦᓯᐅᑎᖃᕐᑐᒃᓴᐅᕗᕐᓗ ᐃᒡᓗᒃᑐᑦ, ᓴᒡᕕᖕᒥᐅᑕᐅᑉ ᓯᓈᓄᑦ ᐊᑕᓗᑎᒃ, ᐊᑕᑦᔪᑎᒃᓴᐅᖁᓪᓗᒋᒃ ᐊᕙᒻᒧᑦ ᐊᑐᓂᑦ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:24

ᖁᔭᓕᓪᓗᓂᓗ, ᐊᕕᒃᐹ, ᐅᖃᕐᓗᓂᓗ, “ᐅᓇ ᑕᕝᕙ ᑎᒥᒐ, ᑐᓂᔭᐅᔪᖅ ᐃᓕᑦᓯᓐᓄᑦ. ᑍᒤᓕᐅᖃᑦᑕᕆᑦᓯ ᐃᖅᑲᐅᒪᔭᐅᓂᒃᓴᓐᓄᑦ.”

ᒨᓯᓯ ᐂᑉᐸᖏᑦ 28:11

ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ ᑎᓕᓯᔪᒃᓴᐅᕗᑎᑦ ᐃᓴᕆᐊᓕᐅᑉ ᑭᖑᕚᖏᑦ ᑎᑎᕋᕐᑕᐅᖁᓪᓗᒋᑦ ᐅᔭᕋᒃᑯᑦ, ᐃᑎᕐᓴᓕᐅᕐᓯᒪᔪᓪᓗ ᐅᔭᕋᒃᑯᑦ ᖄᓕᕐᓗᒋᑦ ᒎᓗᓂᒃ.

ᒨᓯᓯ ᑕᓪᓕᒪᖏᑦ 33:12

ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᐅᑉ ᓇᒡᓕᒋᔭᖏᑦ ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ; ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ, ᑖᒃᑯᓇᓂᓗ ᐃᓂᖃᕐᓗᓂ.”

ᔫᐱᐅᑉ ᐊᒡᓚᖏᑦ 31:36

ᖁᓚᕐᓇᖏᑦᑐᒥᒃ ᐃᕐᓱᓕᕋᔭᕐᐸᒃᑲ; ᓂᐊᖁᓐᓄᑦ ᕿᓚᒡᓗᒋᑦ ᓂᐊᖂᓯᔭᐅᑎᒋᓕᕋᔭᕐᐸᒃᑲ,