ᒨᓯᓯ ᐂᑉᐸᖏᑦ 27:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᓪᓕᕋᒃᓴᓕᐅᕐᑐᒃᓴᐅᒋᕗᑎᑦ ᑐᓐᓄᕕᓃᑦ ᐊᕐᔭᓕᓂᖏᓐᓄᑦ ᐊᓪᓕᕋᒃᓴᒥᒃ, ᑖᒃᑯᓄᖓᓗ ᖃᓗᓯᑦᔪᑎᒃᓴᒥᒃ ᓴᓇᔪᒃᓴᐅᕗᑎᑦ, ᐴᒍᑕᓂᒡᓗ, ᓂᒃᓯᒐᐅᑎᓂᒡᓗ, ᐃᑯᒪᓂᒡᓗ ᐊᒡᔭᕐᓯᑦᔪᑎᒃᓴᓂᒃ; ᑕᒪᒃᑯᐊᓕᒫᓪᓗ ᑲᓐᓄᔭᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 27:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 7:40

ᕼᐅᕋᒻ ᓴᓇᓚᐅᕆᕗᖅ ᐅᒃᑯᓯᖕᓂᒃ, ᐳᐊᕐᕆᑎᓂᒃ ᐴᒍᑕᓂᒡᓗ. ᕼᐅᕋᒻ ᐱᔭᕇᓚᐅᕐᐳᖅ ᑕᒤᓐᓂᒃ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᓐᓂᒃ ᐊᑕᓂᐅᑉ ᐃᒡᓗᖓᓄᑦ:

ᐊᑕᓃᑦ ᓯᕗᓪᓖᑦ 7:45

ᕼᐅᕋᒻ ᓴᓇᓚᐅᕆᕗᖅ ᐅᒃᑯᓯᖕᓂᒃ, ᐳᐊᕐᕆᑎᓂᒃ, ᐴᒍᑕᕐᓂᒡᓗ, ᓴᓇᔭᒃᓴᓕᒫᓂᒃ ᐱᔭᕇᕐᓗᓂᒋᑦ ᐊᖓᔪᖅᑳᕐᔪᐊᕐᒧᑉ ᓲᓗᒨᓂᒧᑦ, ᐊᑕᓂᐅᑉ ᐃᒡᓗᖓᓂ, ᐅᑯᐊ ᑕᕝᕙ ᓴᓇᔭᕕᓂᖏᑦ. ᒪᕐᕉᒃ ᓇᐸᔪᕐᔪᐊᒃ, ᓇᐸᔪᐊᓘᓪᓗ ᖁᓕᖏᓐᓂ ᓴᓇᓐᖑᐊᕐᓯᒪᔪᑦ, ᕿᓚᐅᓐᖑᔭᓐᖑᐊᑦ ᐱᕐᕋᕐᓯᒪᓐᖑᐊᕐᑐᑦ ᖁᓕᖏᓐᓃᑦᑐᒃ, 400ᓂᒃ ᐅᓄᕐᓂᖃᕐᑐᑦ ᐹᒥᒍᕌᓐᖑᐊᑦ, ᒪᕐᕈᐃᓕᖃᖓᔪᑦ 100ᓂᒃ ᐅᓄᕐᓂᓖᑦ ᓇᓗᓁᒃᑯᑍᑦ ᖁᓛᓂ ᐃᓕᓯᒪᓂᐊᕐᑐᑦ. ᖁᓕᑦ ᑬᓪᓗᐊᕉᑏᑦ, ᖁᓕᑦ ᖃᑦᑍᑦ, ᖃᑦᑖᓗᒡᓗ, 12ᓗ ᐊᖑᓴᓪᓗᓐᖑᐊᑦ ᖃᑦᑖᓘᑉ ᑐᓐᖓᕕᖏᑦ ᐅᒃᑯᓰᑦ, ᐳᐊᕐᕆᑏᑦ, ᐅᕐᕙᕖᓪᓗ, ᑖᒃᑯᐊᓕᒫᑦ ᑐᕌᖓᔪᐃᓐᓁᑦ ᐊᑕᓂᐅᑉ ᐃᒡᓗᖓᓄᑦ ᕼᐅᕋᒻ ᓴᓇᔭᖏᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ ᕿᓪᓕᕐᓴᕐᓯᒪᔪᐃᓐᓇᐅᕗᑦ ᑲᓐᓄᔧᑦ.

ᐊᑕᓃᑦ ᓯᕗᓪᓖᑦ 7:50

ᐃᕐᖑᓰᓪᓗ, ᖁᓪᓕᕐᒥᒡᓗ ᖃᒥᑦᓯᑦᔪᑏᑦ, ᐴᒍᑍᓪᓗ, ᑎᐱᑦᓯᐊᕆᒃᓴᐅᑏᓪᓗ ᐊᓪᓕᕋᖏᑦ, ᐊᓪᓕᕋᐅᔧᓪᓗ ᕿᔪᒃᓴᓄᑦ ᐴᕆᔭᐅᕙᒃᑐᑦ; ᕿᕕᕐᑕᔫᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ, ᐃᓗᓪᓕᕐᐹᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ ᒎᓗᓪᓚᕆᐅᔪᑦ, ᓱᓇᒃᑯᑎᓕᒫᖏᑦ ᑐᒃᓯᐊᕐᕕᒡᔪᐊᓪᓗ ᐃᓗᓪᓚᕆᖓᑕ ᐅᒃᑯᐊᖏᑕ ᑎᒍᓕᖏᑦ ᒎᓗᓪᓚᕆᐅᕗᑦ.

ᐊᑕᓃᑦ ᐂᑉᐸᖏᑦ 25:14

ᑎᒍᓯᓚᐅᕆᕗᑦ ᐳᐊᕐᕆᑎᐅᔭᓂᒃ, ᐊᕐᔭᒃᑯᕕᖕᓂᒃ ᑐᓂᕐᕈᓯᕐᕕᐅᑉ ᐊᕐᔭᓕᓃᔭᕐᕕᖏᓐᓂᒃ ᖃᐅᒻᒪᖁᑏᓪᓗ ᓇᐸᕕᖏᓐᓂᒃ, ᐴᒍᑕᕐᓂᒡᓗ ᐊᐅᒥᒃ ᑲᑎᕐᓱᐃᑦᔪᑎᐅᕙᒃᑐᓂᒃ, ᑎᐱᑦᓯᐊᕆᒃᑐᒥᒡᓗ ᐳᔫᕐᑎᑦᓯᕕᐅᖃᑦᑕᕐᑐᑦ, ᐅᓄᕐᑐᓪᓗ ᑲᓐᓄᔭᒥᑦ ᓴᓇᓯᒪᔪᓕᒫᑦ ᑐᒃᓯᐊᕐᕕᒡᔪᐊᕐᒦᑦᑐᑦ ᐊᐅᓪᓚᕈᑎᕔᑦ.

ᐊᑕᓃᑦ ᐂᑉᐸᖏᑦ 25:15

ᓱᓇᑐᐃᓐᓁᑦ ᒎᓘᐃᑦ ᓯᐅᓪᕕᕇᓪᓗ, ᐴᒍᑍᑦ ᓵᑦᑐᔮᓪᓗ ᐊᐅᒫᓗᖕᓂᒃ ᐆᓇᕐᑐᓂᒃ ᐊᒡᔭᕐᓯᑦᔪᑕᐅᕙᒃᑐᑦ.

ᑯᕉᓂᑲ ᓯᕗᓪᓖᑦ 28:17

ᒎᓗᐃᓪᓗ ᐃᓚᓯᒪᖏᑦᑐᑦ ᑲᐴᖅᑲᐅᑎᓕᐅᕐᑐᓄᑦ ᐊᑐᕐᑐᒃᓴᑦ, ᒎᓗᓄᓪᓗ ᐴᒍᑕᕐᓄᑦ, ᐃᒥᐅᑎᓄᓪᓗ; ᒎᓗᓄᓪᓗ ᐴᒍᑕᐅᔭᓄᑦ ᐊᑐᕐᑐᒃᓴᑦ ᐅᖁᒤᓐᓃᑦ ᒪᓕᒡᓗᒋᑦ, ᓯᐅᓪᕕᕆᓂᒡᓗ ᐴᒍᑕᕐᓄᑦ ᐊᑐᕐᑐᒃᓴᑦ ᐊᖏᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 4:11

ᕼᐅᕋᒻ ᓴᓇᒋᕗᖅ ᖃᑦᑕᕐᓂᒃ, ᐳᐊᕐᕆᑎᓂᒃ, ᐴᒍᑕᕐᓂᒡᓗ. ᑕᕝᕙ ᕼᐅᕋᐅᑉ ᐱᔭᒃᓴᓂ ᐱᔭᕇᕐᐰᑦ ᑎᓕᓯᑦᔪᑕᐅᓯᒪᔪᑦ ᒎᑎᐅᑉ ᐃᒡᓗᖓᓂ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ:

ᑯᕉᓂᑲ ᐂᑉᐸᖏᑦ 4:16

ᖃᑦᑍᑦ, ᐳᐊᕐᕆᑏᑦ, ᑲᑭᐊᓪᓗ, ᐊᓯᓕᒫᖏᓪᓗ ᐊᑐᕐᑕᐅᔪᒃᓴᑦ ᓴᓇᓯᒪᔪᑦ ᕼᐅᕋᒪᐱᐅᑉ ᓴᓇᕔᑦ ᑲᓐᓄᔭᐅᓪᓗᑎᒃ ᕿᓪᓚᕆᒃᓴᕐᓯᒪᔪᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ ᓴᓇᔭᐅᖁᔭᐅᓯᒪᔪ ᐊᑕᓂᐅᑉ ᐃᒡᓗᖓᓄᑦ.

ᒨᓯᓯ ᐂᑉᐸᖏᑦ 24:6

ᒨᓯᓯᐅᓪᓗ ᐆᒪᔪᑦ ᐊᐅᖏᑕ ᐃᓚᖏᑦ ᐴᖅᑲᕐᐰᑦ ᐴᒍᑕᕐᓄᑦ, ᐃᓚᖏᓪᓗ ᑐᓂᕐᕈᓯᕐᕕᖕᒧᑦ ᓯᕐᐸᕐᓴᐅᑎᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 27:19

ᓱᓇᑐᐃᓐᓇᓕᒫᑦ ᐊᑐᕐᑕᐅᔪᑦ ᑐᐱᕐᒥ, ᑐᐱᐅᓪᓗ ᓄᖃᕐᕕᖏᑦ ᑕᒪᕐᒥᒃ, ᐃᑦᔪᕐᓁᑦᑐᕕᐅᓪᓗ ᐱᑐᒡᕕᓕᒫᖏᑦ ᑲᓐᓄᔭᐅᔪᒃᓴᐅᕗᑦ.”

ᒨᓯᓯ ᐂᑉᐸᖏᑦ 27:2

ᑎᕆᖅᑯᖏᑕᓗ ᖄᖏᑎᒍᑦ ᓯᑕᒪᑎᒍᑦ ᓇᒡᔪᓕᐅᕐᑕᒃᓴᕆᕙᑦ; ᑖᒃᑯᐊᓕ ᑐᓂᕐᕈᓯᕐᕕᐅᑉ ᐊᓪᑕᕆᐅᑉ ᐃᓚᒋᔭᒃᓴᕆᕔᑦ ᐃᓕᐅᕋᕐᓯᒪᖏᓪᓗᑎᒃ, ᑖᓐᓇᓗ ᓯᓚᑉᐱᐊᕐᑕᒃᓴᕆᕙᑦ ᐊᑕᖏᕐᓗᒍ ᑲᓐᓄᔭᒥᒃ.

ᒨᓯᓯ ᐂᑉᐸᖏᑦ 27:4

ᑐᓂᕐᕈᓯᕐᕕᐅᑦᑕᐅᖅ ᕿᔪᖃᕐᕕᒃᓴᖓᓂᒃ ᓄᓗᐊᓐᖑᐊᓕᐊᕆᓯᒪᔪᒥᒃ ᓴᓇᔪᒃᓴᐅᕗᑎᑦ ᑲᓐᓄᔭᒥᒃ; ᑖᓐᓇᓗ ᑎᕆᖅᑯᖏᑎᒍᑦ ᓯᑕᒪᓂᒃ ᓂᒃᓯᒡᕕᓕᐅᕐᑕᒃᓴᕆᕙᑦ ᓄᕐᓗᓂᒃ.

ᒨᓯᓯ ᐂᑉᐸᖏᑦ 38:3

ᑐᓂᕐᕈᓯᕐᕕᖕᒧᑦ ᐊᓪᓕᕋᒃᓴᓕᐅᕆᕗᖅ ᑐᓐᓄᕕᓃᑦ ᐊᕐᔭᓕᓂᖏᓐᓄᑦ ᐊᓪᓕᕋᒃᓴᒥᒃ: ᑖᒃᑯᓄᖓᓗ ᖃᓗᓯᑦᔪᑎᒃᓴᒥᒃ ᓴᓇᒋᕗᖅ, ᐴᒍᑕᓂᒡᓗ, ᓂᒃᓯᒐᐅᑎᓂᒡᓗ, ᐃᑯᒪᓂᒡᓗ ᐊᒡᔭᕐᓯᑦᔪᑎᒃᓴᓂᒃ; ᑕᒪᒃᑯᐊᓗ ᑲᓐᓄᔭᐅᕗᑦ.

ᒨᓯᓯ ᐱᖓᔪᖏᑦ 16:12

ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ.

ᒨᓯᓯ ᓯᑕᒪᖏᑦ 4:14

ᖄᖓᓄᓗ ᐃᓕᓗᒋᑦ ᓱᓇᒃᑯᑖᑦ ᑕᕝᕙᓂ ᐱᔨᑦᓯᕐᑐᒧᑦ ᐊᑐᕐᑕᐅᓲᑦ ᐊᓪᓕᕅᓪᓗ ᐃᑯᒪᔪᒃᑯᕖᑦ, ᓂᕿᒥᒡᓗ ᑲᐳᒻᒥᑖᕈᑏᑦ, ᖃᓗᕋᐅᑏᓪᓗ, ᐅᐊᓴᕐᕖᓪᓗ, ᑐᓂᕐᕈᓯᕐᕕᖕᒥᓗ ᓱᓇᑐᐃᓐᓁᑦ ᐊᑐᕐᑕᐅᓲᑦ ᐅᓕᒃᑕᐅᔭᕆᐊᖃᕐᐳᑦ ᐆᒪᔪᐃᑦ ᐹᑦᔪᕆ ᐊᒥᖏᓐᓂᒃ ᐊᑭᕋᐅᑎᖏᓪᓗ ᐃᓕᓗᒋᑦ.