ᒨᓯᓯ ᐂᑉᐸᖏᑦ 27:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑎᕆᖅᑯᖏᑕᓗ ᖄᖏᑎᒍᑦ ᓯᑕᒪᑎᒍᑦ ᓇᒡᔪᓕᐅᕐᑕᒃᓴᕆᕙᑦ; ᑖᒃᑯᐊᓕ ᑐᓂᕐᕈᓯᕐᕕᐅᑉ ᐊᓪᑕᕆᐅᑉ ᐃᓚᒋᔭᒃᓴᕆᕔᑦ ᐃᓕᐅᕋᕐᓯᒪᖏᓪᓗᑎᒃ, ᑖᓐᓇᓗ ᓯᓚᑉᐱᐊᕐᑕᒃᓴᕆᕙᑦ ᐊᑕᖏᕐᓗᒍ ᑲᓐᓄᔭᒥᒃ.

ᒨᓯᓯ ᐂᑉᐸᖏᑦ 27:2 ပူးပေါင်းရင်းမြစ်များ

ᐃᓐᖏᕈᑎᑦ 118:27

ᐊᑕᓂᖅ ᒎᑎᐅᕗᖅ, ᑖᑦᓱᒪ ᖃᐅᒪᔪᒥᒃ ᑕᑯᑎᑉᐹᑎᒍᑦ: ᓇᓪᓕᐅᓐᓂᕐᓯᐅᕆᐊᕐᑐᕐᑐᑦ ᓇᐹᕐᑑᑉ ᐊᕙᓚᖓᔪᖏᓐᓂᒃ ᑎᒍᓯᓗᓯ ᐃᓚᒋᓕᕐᓯᐅᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᑎᑭᓪᓗᒋᑦ.

ᐊᑕᓃᑦ ᓯᕗᓪᓖᑦ 1:50

ᐊᑐᓁᔭ, ᓯᕘᕋᔪᐊᓘᓕᕐᐳᖅ ᓲᓗᒨᓂᒥᒃ, ᑐᐱᕐᔪᐊᒧᐊᕐᓗᓂᓗ ᑐᓂᕐᕈᓯᕐᕕᐅᑉ ᑎᕆᖅᑯᖏᓐᓂᒃ ᑎᒍᒥᐊᓕᕐᐳᖅ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒨᓯᓯ ᐂᑉᐸᖏᑦ 29:12

ᐸᖕᓂᐅᓪᓗ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒃᑎᕐᑕᒃᓴᕆᕙᑎᑦ ᐊᒡᒐᖕᓄᑦ, ᐊᐅᓪᓕ ᐊᒥᐊᒃᑯᖓ ᑯᕕᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᑭᒡᓕᖓᓄᑦ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐊᑕᓃᑦ ᓯᕗᓪᓖᑦ 8:64

ᑕᕝᕙᓂ ᐅᓪᓗᒥ ᑕᒪᓐᓇ ᑲᑎᒪᕕᐊᓘᑉ ᕿᑎᖓ ᐃᑦᔪᕐᓁᓕᑎᑉᐹᑦ, ᑐᒃᓯᐊᕐᕕᔪᐊᑉ ᓯᕗᕋᖓᓃᑦᑐᖅ, ᐱᔭᕇᕐᒪᓪᓗ ᑐᓂᕐᕈᓯᕐᐳᑦ ᐆᑕᒃᓴᓂᒃ ᓂᐊᖂᔭᒃᓴᓂᒃ ᐆᒪᔪᓂᒡᓗ ᖁᐃᒃᓯᑦᓯᐊᕆᓯᒪᔪᓂᒃ ᑐᓂᕐᕈᑕᐅᑎᓪᓗᒋᑦ ᑐᒃᓯᐊᕐᓂᕐᒧᑦ. ᑍᒤᓕᐅᕈᑎᒋᕚ ᑖᓐᓇ ᑐᓂᕐᕈᓯᕐᕕᒃ ᑲᓐᓄᔭᖅ ᐱᑦᔪᑎᒋᓪᓗᒍ, ᒥᑭᓗᐊᕐᓂᖓᓄᑦ ᑐᓂᕐᕈᑎᒃᓴᐅᔪᓄᑦ.

ᐊᑕᓃᑦ ᓯᕗᓪᓖᑦ 2:28

ᔪᐊᐱ ᑕᒪᑐᒥᖓ ᑐᓴᕋᒥ ᐃᑲᔪᕐᑐᐃᓚᐅᕋᒥ ᐊᑐᓁᔭᒥᒃ ᐋᑉᓴᓚᒻᒥᒃ ᐃᑲᔪᕐᑐᐃᓚᐅᖏᒃᑲᓗᐊᕐᓗᓂ. ᕿᒪᒃᓯᕗᖅ ᑲᑎᒪᕕᖕᒧᑦ ᐊᑕᓂᐅᑉ ᑐᐱᕐᔪᐊᖓᓄᑦ, ᑐᓂᕐᕈᓯᕐᕕᐅᑉ ᑎᕆᖅᑯᐊᑕ ᓇᒡᔪᓐᖑᐊᖏᓐᓂᒃ ᑎᒍᒥᐊᓕᕐᓗᓂ.

ᒨᓯᓯ ᐱᖓᔪᖏᑦ 16:18

ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 4:25

ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:18

ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ.

ᒨᓯᓯ ᐂᑉᐸᖏᑦ 27:3

ᐊᓪᓕᕋᒃᓴᓕᐅᕐᑐᒃᓴᐅᒋᕗᑎᑦ ᑐᓐᓄᕕᓃᑦ ᐊᕐᔭᓕᓂᖏᓐᓄᑦ ᐊᓪᓕᕋᒃᓴᒥᒃ, ᑖᒃᑯᓄᖓᓗ ᖃᓗᓯᑦᔪᑎᒃᓴᒥᒃ ᓴᓇᔪᒃᓴᐅᕗᑎᑦ, ᐴᒍᑕᓂᒡᓗ, ᓂᒃᓯᒐᐅᑎᓂᒡᓗ, ᐃᑯᒪᓂᒡᓗ ᐊᒡᔭᕐᓯᑦᔪᑎᒃᓴᓂᒃ; ᑕᒪᒃᑯᐊᓕᒫᓪᓗ ᑲᓐᓄᔭᐅᔪᒃᓴᐅᕗᑦ.

ᒨᓯᓯ ᓯᑕᒪᖏᑦ 3:31

ᑖᒃᑯᐊ ᐱᔭᒃᓴᖏᑕ ᐃᓚᖏᑦ ᐃᒃᓯᕐᕕᒃ ᐊᖏᕈᑎᑕᓕᒃ ᑲᒪᒋᓗᒍ, ᐊᒻᒪᓗ ᓵ, ᓇᓂᕈᐊᓪᓗ ᐃᓂᖓ, ᑐᓂᕐᕈᓯᕐᕖᓪᓗ, ᑐᓂᕐᕈᓯᕐᑎᑦᓯᔨᐅᓪᓗ ᐱᓕᕆᑦᔪᑎᖏᓐᓂᒃ ᐃᑦᔪᕐᓁᑦᑐᕕᖕᒦᑎᓪᓗᒍ, ᑕᓗᕐᔪᐊᕐᓗ ᐃᑦᔪᕐᓁᑦᑐᕕᒧᑦ ᑖᓗᑕᖅ, ᐱᔭᒃᓮᓪᓗ ᑕᒪᑐᒧᖓ ᑐᕌᖓᔪᓕᒫᑦ.

ᐊᑕᓃᑦ ᐂᑉᐸᖏᑦ 16:14

ᑐᓂᕐᕈᓯᕐᕕᒃ ᑲᓐᓄᔭ ᐊᑕᓂᕐᒧᑦ ᐊᑐᕐᑐᒃᓴᓕᐊᕆᓯᒪᔪᖅ ᑐᒃᓯᐊᕐᕕᒃᔪᐊᑉ ᑐᓂᕐᕈᓯᕐᕕᐅᓪᓗ ᓄᑖᑉ ᐊᑯᓐᓂᖓᓃᑐᖅ ᐂᕼᐊᓯᐅᑉ ᓄᒃᑎᕐᐹ ᑐᓂᕐᕈᓯᕐᕕᐅᑉ ᓄᑖᑉ ᑲᖏᐊᓄᐊᕐᓗᒍ.

ᑯᕉᓂᑲ ᐂᑉᐸᖏᑦ 4:1

ᓴᓇᓚᐅᕆᕗᖅ ᑐᓂᕐᕈᓯᕐᕕᖕᒥᒃ ᑲᓐᓄᔭᒥᒃ, ᑕᑭᓂᖃᕐᑐᒥᒃ 30ᓂᒃ ᐃᑎᒐᖕᓂᒃ, ᓴᓂᒧᓪᓗ 30ᓂᒃ, ᐳᕐᑐᓂᖃᕐᓗᓂᓗ ᐃᑎᒐᖕᓂᒃ 15ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 43:15

ᑐᓂᕐᕈᓯᕐᕕᐅᑉ ᖄᖓ ᑐᓂᕐᕈᑎᒃᓴᓂᒃ ᐃᑯᐊᓚᑦᓯᕕᒃ 7ᓂᒃ ᐃᑎᒐᖕᓂᒃ ᓇᑎᖓᓂᑦ ᐳᕐᑐᓂᖃᕆᐊᖃᕐᐳᖅ; ᑎᕆᖅᑯᖏᑎᒍᑦ ᓯᑕᒪᓂᒃ ᓇᒡᔪᓐᖑᐊᖃᕐᓗᓂ ᐳᕐᑐᓂᖓᓂᑦ ᐊᑭᑦᔪᑎᓯᒪᔪᓂᒃ.

ᓴᑲᕅᐊᐅᑉ ᐊᒡᓚᖏᑦ 9:15

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐃᓄᖁᑎᓂ ᓴᐳᑎᔪᒫᕐᐰᑦ; ᑖᒃᑯᐊ ᐊᑭᕋᒥᖕᓂᒃ ᓄᖒᑦᓯᓗᑎᒃ ᓵᓚᖃᕈᒫᕐᐳᑦ, ᐅᔭᖅᑲᓄᑦ ᐃᓪᓘᕐᐸᒡᓗᒋᑦ; ᐃᒥᕈᒫᕐᐳᑦ, ᓂᓪᓕᐊᓗᑎᒡᓗ ᐋᖓᔮᕐᑐᑎᑐᑦ, ᑕᑕᑦᓱᒫᕐᐳᑦ ᐅᐊᓴᕐᕕᒃᑎᑐᑦ, ᑯᕕᓗᑎᒡᓗ ᐆᒪᔪᓂᒃ ᑐᓂᕐᕈᓯᕐᕕᐅᑉ ᑎᕆᖅᑯᖏᑎᑐᑦ.

ᒨᓯᓯ ᐂᑉᐸᖏᑦ 38:30

ᑕᒪᒃᑯᓄᖓᓗ ᑐᐱᐅᑉ ᐃᑎᕐᑕᕐᕕᖓᑕ ᑐᓐᖓᕕᒃᓴᖏᓐᓂᒃ ᓴᓇᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓᓄᑦ, ᑐᓂᕐᕈᓯᕐᕕᒡᓗ ᑲᓐᓄᔭᖅ ᓴᒡᕙᓯᒡᕕᒋᔭᖏᓪᓗ ᑲᓐᓄᔭᐅᒋᓪᓗᑎᒃ, ᑐᓂᕐᕈᓯᕐᕕᐅᓪᓗ ᓱᓇᑐᐃᓐᓇᒃᓴᓕᒫᖏᓐᓄᑦ ᐊᑐᓚᐅᕆᕔᑦ.