ᒨᓯᓯ ᐂᑉᐸᖏᑦ 25:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᑲᒪᑦᓯᐊᕐᓗᑎᑦ ᐃᒫᖎᓚᑦᔪᑎᒋᔭᓐᓂᒃ ᓴᓇᔪᒃᓴᐅᕗᑎᑦ, ᐃᓕᖕᓄᑦ ᑕᑯᑎᑦᔪᑎᒋᓚᐅᕐᑕᓐᓂᒃ ᖃᖅᑲᒥ ᒪᓕᒡᓗᑎᑦ.”

ᒨᓯᓯ ᐂᑉᐸᖏᑦ 25:40 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 28:11

ᑍᕕᑎᐅᓪᓗ ᐃᕐᓂᓂ ᓲᓗᒨᓂ ᑐᓂᕚ ᐆᒃᑑᑎᒃᓴᓂᒃ ᑐᒃᓯᐊᕐᕕᒡᔪᐊᒃᓴᐅᑉ ᐊᕙᑖᓄᑦ, ᐃᒡᓗᒃᓴᖏᓐᓄᑦ ᑮᓇᐅᔭᖃᐅᑎᒃᓴᖏᓐᓄᑦ, ᑲᑎᒪᕕᒃᓴᓄᑦ ᖁᕝᕙᓯᖕᓂᕐᓴᓄᑦ, ᑲᑎᒪᕕᒃᓴᓄᓪᓗ ᐊᒃᐸᓯᖕᓂᕐᓴᓄᑦ, ᓂᑲᒍᓱᖕᓂᐅᓪᓗ ᐃᒃᓯᕙᐅᑕᖓᑕ ᐃᓂᒃᓴᖓᓄᑦ;

ᑯᕉᓂᑲ ᓯᕗᓪᓖᑦ 28:19

ᐊᑕᓂᐅᑉ ᖃᐅᔨᑎᓚᐅᕐᐹᖓ ᑎᑎᕋᕐᓯᒪᔪᑎᒍᑦ ᑖᒃᑯᐊᓕᒫᑦ ᐊᒡᒐᖕᒥᓄᑦ ᑎᑎᕋᓚᐅᕐᒪᒋᑦ ᐅᕙᓐᓄᑦ, ᓴᓇᔭᐅᔭᕆᐊᖃᓛᕐᒪᑕ ᐸᕐᓇᒃᑕᐅᓯᒪᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 4:7

ᖁᓕᓂᒃ ᓇᓂᕈᐊᖃᕐᕕᖕᓂᒃ ᓴᓇᒋᕗᖅ ᒎᓗᓂᒃ ᓴᓇᔭᐅᔭᕆᐊᖃᕐᓂᖏᑦ ᒪᓕᒡᓗᒋᑦ, ᑐᒃᓯᐊᕐᕕᒡᔪᐊᒧᓪᓗ ᐃᓕᓪᓗᒋᑦ, ᑕᓪᓕᒪᑦ ᐅᓪᓗᓪᓗᐊᑉ ᓇᓛᓄᐊᕐᐰᑦ ᑕᓪᓕᒪᓪᓗ ᐅᓐᓄᐊᓪᓗᐊᑉ ᓇᓛᓄᐊᕐᓗᒋᑦ.

ᒨᓯᓯ ᐂᑉᐸᖏᑦ 25:39

ᒎᓗᐃᓐᓇᐅᔪᒥᒃ 75ᐸᐅᒥᒃ ᐅᖁᒤᓐᓂᖃᕐᓗᓂ ᓇᓂᕈᐊᖃᕐᕕᓕᐅᕐᑐᒃᓴᐅᕗᑎᑦ, ᐊᓯᖏᓪᓗ ᐃᓚᒋᔭᕆᐊᓕᖏᑦ ᐱᖃᓯᐅᑎᑎᓪᓗᒋᑦ.

ᒨᓯᓯ ᐂᑉᐸᖏᑦ 25:9

ᑐᐱᕐᒥᒃ ᓴᓇᔪᒃᓴᐅᕗᑎᑦ ᐃᓕᖕᓄᑦ ᓇᓗᓁᕐᓂᐊᕐᑕᓐᓂᒃ, ᐃᓗᓕᒃᓴᓕᒫᖏᓪᓗ ᐋᖅᑭᒃᓯᒪᓂᒃᓴᖓᓗ, ᐃᓱᒪᒋᓯᒪᔭᒃᑲ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 26:30

ᑐᐱᕐᓗ ᓇᑉᐸᕐᑎᑕᒃᓴᕆᕙᑦ ᑕᕝᕙᓂ ᖃᖅᑲᒥ ᐃᓕᖕᓄᑦ ᐃᒤᓕᐅᕆᐊᖃᕐᓂᖓᓂᒃ ᖃᐅᔨᑎᑦᓯᑦᔪᑎᒋᓯᒪᔭᕋ ᒪᓕᒡᓗᒍ.

ᒨᓯᓯ ᐂᑉᐸᖏᑦ 27:8

ᑖᓐᓇᓗ ᑐᓂᕐᕈᓯᕐᕕᒃ ᐊᓪᑕᕆ ᓴᓇᓯᒪᔪᒃᓴᐅᕗᖅ ᓵᑦᑐᔮᓂᑦ ᐃᓗᐊ ᐃᓗᓕᖃᖏᓪᓗᒍ, ᐃᓕᖕᓄᑦ ᑕᑯᑎᑦᓯᓯᒪᓂᕋ ᖃᖅᑲᒥ ᒪᓕᒡᓗᒍ ᓴᓇᔭᒃᓴᕆᕙᑦ.”

ᒨᓯᓯ ᐂᑉᐸᖏᑦ 31:11

ᒥᖑᐊᕐᓯᒍᑎᒃᓴᕐᓗ ᐅᕐᓱᖅ, ᑎᐱᑦᓯᐊᕆᒃᑐᖅ ᐃᓯᕐᓗᐊᕐᓂᑎᑦᓯᒍᑎᒃᓴᖅ ᐃᑦᔪᕐᓁᑦᑐᕕᖕᒥ ᐊᑐᕐᑕᐅᔪᒃᓴᖅ. ᑕᒪᒃᑯᐊᓕᒫᑦ ᓴᓇᔭᐅᔪᓐᓇᖁᓪᓗᒋᑦ, ᐃᓕᖕᓄᑦ ᐱᖁᔨᑦᔪᑎᒋᓯᒪᔭᕋ ᒪᓕᑦᓯᐊᕐᓗᒍ ᓴᓇᔪᒃᓴᐅᕗᑦ ᑖᒃᑯᓄᖓ.”

ᒨᓯᓯ ᐂᑉᐸᖏᑦ 36:2

ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ.

ᒨᓯᓯ ᓯᑕᒪᖏᑦ 8:4

ᑖᓐᓇᓕ ᓇᓂᕈᐊᖃᕐᕕᒃ ᓴᓇᓯᒪᓚᐅᕐᐳᖅ ᒎᓗᒥᒃ ᑲᓱᐊᕐᓯᒪᔪᒥᒃ: ᓇᐸᔪᖓᓂᑦ ᐊᕙᓚᖓᔪᖏᓐᓄᑦ ᒎᓗ ᑲᓱᐊᕐᓯᒪᔪᖅ ᒪᓕᒡᓗᒍ ᓴᓇᓯᒪᔭᕆᐊᖃᕐᓂᖓ ᐊᑕᓂᐅᑉ ᒨᓯᓯᒧᑦ ᐅᖃᐅᓯᕆᓚᐅᕐᑕᖓ, ᑍᒫᒃ ᓴᓇᔭᐅᑎᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:44

“ᓯᕗᓕᕕᓂᕗᑦ ᐊᖏᖃᑎᒌᒍᑎᒥᒃ ᐱᖁᔭᕐᑕᓕᖕᒥᒃ ᑐᐱᕐᒥᒃ ᐱᓯᒪᓚᐅᕐᐳᑦ ᐃᓄᖃᖏᑦᑐᒥ. ᑖᓐᓇ ᓴᓇᔭᐅᓯᒪᓚᐅᕐᐳᖅ ᒎᑎᐅᑉ ᓴᓇᔭᐅᖁᔨᓂᖓᑐᑦ ᒨᓯᓯᒧᑦ, ᒪᓕᒡᓯᒪᓪᓗᓂ ᒨᓯᓯᐅᑉ ᑕᑯᑎᑕᐅᑦᔪᑎᒋᓚᐅᕐᑕᖓᓂᒃ.

ᐄᑉᕈᐃᓄᑦ 8:5

ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.”

ᔮᓱᐊᑉ ᐊᒡᓚᖏᑦ 22:28

ᐃᓱᒪᓚᐅᕋᑦᑕ ᑍᒤᑦᑐᖃᕋᔭᕐᐸᑦ ᑕᕝᕙ ᑭᖑᕚᕗᑦ ᐅᖃᕈᓐᓇᖁᓪᓗᒋᑦ, ‘ᑕᑯᒋᑦ! ᓯᕗᓕᕗᑦ ᑐᓂᕐᕈᓯᕐᕕᓕᐅᓚᐅᕐᐳᑦ ᐊᑕᓂᐅᑉ ᑐᓂᕐᕈᓯᕐᕕᖓᑕ ᐊᑦᔨᖓᓂᒃ, ᓴᓇᔭᐅᓚᐅᓐᖏᓚᕐᓕ ᐃᑯᐊᓚᑦᓯᓂᕐᒧᑦ ᑐᓂᕐᕈᓯᕐᕕᐅᖅᑯᓪᓗᒍ ᐅᕝᕙᓘᓐᓃᑦ ᑐᓂᕐᕈᓯᕐᓂᕐᒧᑦ, ᓇᓗᓁᒃᑯᑕᒃᓴᐅᖁᓪᓗᒍᓕ ᐅᕙᑦᑎᓐᓄᑦ ᐃᓕᑦᓯᓐᓄᓪᓗ.’