ᒨᓯᓯ ᐂᑉᐸᖏᑦ 25:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓇᓂᕈᐊᖃᕐᕕᒃ ᑖᓐᓇ 7ᓂᒃ ᑲᑎᓪᓗᒋᑦ ᓇᓂᕈᐊᖃᕐᕕᖃᕐᑐᒃᓴᐅᕗᖅ; ᐃᓕᓯᒪᔭᐅᔪᒃᓴᐅᕗᕐᓗ ᑕᑉᐹᓂ ᓯᕗᕌᓂ ᖃᐅᒪᑎᑦᓯᖁᓪᓗᒍ.

ᒨᓯᓯ ᐂᑉᐸᖏᑦ 25:37 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᑯᕉᓂᑲ ᐂᑉᐸᖏᑦ 4:20

ᓇᓂᕈᐊᑦ ᐃᓂᖏᓪᓗ ᒎᓗᓪᓚᕆᐅᕗᑦ ᐃᑯᒪᔪᒃᓮᑦ ᐃᓂᓕᐅᕐᑕᐅᓯᒪᕗᑦ ᐃᑦᔪᕐᓁᑦᑐᕕᐅᑉ ᐃᓗᐊᓂ, ᑖᒃᑯᐊ ᓇᓗᓁᕐᑕᐅᓯᒪᕗᑦ.

ᐃᓐᖏᕈᑎᑦ 119:105

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᒨᓯᓯ ᐂᑉᐸᖏᑦ 25:38

ᐃᑯᒪᖏᓐᓄᑦ ᖃᒥᑦᓯᑦᔪᑎᖓ ᐊᓪᓕᕋᖓᓗ ᒎᓗᓪᓚᕆᐅᔪᒃᓴᐅᕘᒃ.

ᒨᓯᓯ ᐂᑉᐸᖏᑦ 27:21

ᑐᐱᕐᒥ ᑲᑎᒪᓕᕐᑎᓪᓗᓯ, ᑖᑦᓱᒪ ᐃᑦᔪᕐᓁᓐᓂᕐᐹᑉ ᐱᖁᔭᓂᒃ ᑎᑎᕋᕐᕕᒋᓯᒪᔪᕐᑕᓕᐅᑉ ᓯᓚᑖᓂ, ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᓇᓂᕈᐊᑦ ᐋᖅᑭᒃᑕᒃᓴᕆᕔᑦ ᐃᑯᐊᓪᓚᒡᓗᒋᓪᓗ ᐊᑕᓂᐅᑉ ᓵᖓᓂ. ᐃᑯᒪᓕᖁᓪᓗᒋᑦ ᐅᓐᓄᒥᑦ ᐅᓪᓛᒧᑦ ᑎᑭᓪᓗᒋᑦ. ᑕᒪᓐᓇᓗ ᐱᖁᔨᑦᔪᑎᒋᔭᕋ ᑍᒪᓐᖓᑦ ᐊᑐᕐᑕᐅᖏᓐᓇᕆᐊᖃᕐᐳᖅ ᐃᓴᕆᐊᓕᒥᐅᓄᑦ ᑭᖑᕚᖏᓐᓄᓪᓗ.”

ᒨᓯᓯ ᐂᑉᐸᖏᑦ 30:8

ᑍᒫᑦᓮᓐᓇᕐᑕᐅᖅ ᐅᓐᓄᒃᑯᑦ ᓇᓂᕈᐊᑦ ᐃᑯᐊᓪᓚᒋᐊᕐᑐᓕᕈᓂᒋᑦ, ᐃᓯᕐᓗᐊᕐᓂᑎᑕᒃᓮᑦ ᐃᑯᐊᓪᓚᒐᒃᓴᕆᕔᑦ, ᑕᒪᓐᓇᓗ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᖅ ᑲᔪᓯᑎᑕᐅᔪᒃᓴᐅᕗᖅ ᐊᑕᓂᐅᑉ ᓵᖓᓂ ᑭᖑᕚᕇᖑᕙᖕᓂᐊᕐᑐᓕᒫᓄᑦ.

ᒨᓯᓯ ᐂᑉᐸᖏᑦ 37:23

ᓇᓂᕈᐊᖃᕐᕕᒃ ᑖᓐᓇ 7ᓂᒃ ᑲᑎᓪᓗᒋᑦ ᓇᓂᕈᐊᖃᕐᕕᖃᕐᓗᒍ ᓴᓇᕚ, ᐃᑯᒪᖏᓐᓄᓪᓗ ᖃᒥᑦᓯᑦᔪᑎᖓ ᐊᓪᓕᕋᖓᓗ ᒎᓗᓪᓚᕆᐅᓪᓗᑎᒃ.

ᒨᓯᓯ ᐂᑉᐸᖏᑦ 40:24

ᓇᓂᕈᐊᒃᑯᕕᒡᓗ ᑐᐱᕐᒧᐊᕈᑎᕚ, ᐋᖅᑭᒡᓗᒍᓗ ᑐᐱᐅᑉ ᐅᓪᓗᓪᓗᐊᖓᑕ ᓇᓛᓄᑦ, ᓵᑉ ᐃᓂᖓᑕ ᐊᑭᓪᓗᐊᖓᓄᑦ.

ᒨᓯᓯ ᐂᑉᐸᖏᑦ 40:25

ᑕᕝᕙᓂᓗ ᐊᑕᓂᐅᑉ ᓇᔪᒐᖓᓂ ᓇᓂᕈᐊᑦ ᐃᑭᑉᐰᑦ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᓴᑲᕅᐊᐅᑉ ᐊᒡᓚᖏᑦ 4:2

ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?” ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ.

ᒨᓯᓯ ᓯᑕᒪᖏᑦ 4:9

“ᖃᓪᓗᓈᕐᑕᒥᒃ ᑐᖑᔪᕐᑐᒥᒃ ᐱᔭᕆᐊᖃᕐᐳᑦ ᓇᓂᕈᐊᒃᑯᕖᓪᓗ ᖃᐅᒻᒪᖅᑯᑎᖃᕐᕖᑦ ᐅᓕᒡᓗᒋᑦ, ᖃᐅᒻᒪᖅᑯᑏᑦ ᐊᑕᓗᑎᒃ, ᒪᓂᖓᑕᓗ ᐋᖅᑭᒋᐊᕈᑎᖏᑦ ᐱᖃᓯᐅᑎᓗᒋᑦ, ᐊᓪᓕᕋᖏᓪᓗ, ᐅᕐᓱᖃᕐᕕᓕᒫᖏᓪᓗ, ᐅᕐᓴᒃᓴᕆᐊᖃᖃᑦᑕᕐᑕᑎᒃ.

ᒨᓯᓯ ᓯᑕᒪᖏᑦ 8:2

“ᐂᕉᓂ ᐅᖃᐅᑎᓚᐅᕈᒃ ᐃᒤᓕᓗᒍ, ‘ᓇᓂᕈᐊᑦ ᐋᖅᑭᒃᓱᓕᕈᕕᒋᑦ, ᓇᓂᕈᐊᑦ 7 ᖃᐅᒪᑎᑦᓯᔭᕆᐊᖃᕐᐳᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ.’”

ᒫᑎᐅᓯᐅᑉ ᐊᒡᓚᖏᑦ 5:14

“ᓯᓚᕐᔪᐊᑉ ᖃᐅᒪᓂᕆᕚᓯ; ᐃᒡᓗᒐᓮᑦ ᖃᖅᑲᐅᑉ ᖄᖓᓃᑦᑐᑦ ᓱᓇᑐᐃᓐᓇᒧᑦ ᑕᓕᐅᒪᑎᑕᐅᔪᓐᓇᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 1:79

ᖃᐅᒻᒪᒃᑎᓪᓗᒋᑦ ᑖᕐᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᕐᑎᑕᐅᓇᕐᑐᒧᑦ.”

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᔪᐊᓇᓯᐅᑉ ᐊᒡᓚᖏᑦ 12:5

“ᓱᖕᒪᓄᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑎᒋᔭᐅᓐᖏᓚᖅ ᓯᐅᓪᕕᕆᓄᑦ 300ᓄᑦ ᑮᓇᐅᔭᕐᑖᕈᑕᐅᒐᔭᕐᑐᖅ, ᑖᒃᑯᐊᓗ ᐊᔪᕐᓴᕐᑐᓄᑦ ᑐᓂᔭᐅᖔᕐᓗᑎᒃ?”

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:12

ᑕᕝᕙ ᑐᓄᓐᓄᑦ ᑕᑯᓴᕐᐳᖓ ᐅᕙᓐᓄᑦ ᐅᖃᓪᓚᒃᑐᒥᒃ ᑕᑯᔪᒪᓪᓗᖓ, ᕿᕕᐊᕋᒪᓗ ᑕᑯᕗᖓ 7ᓂᒃ ᖃᐅᒻᒪᖅᑯᑎᐅᑉ ᐃᓂᖏᓐᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:20

ᑕᑯᖅᑲᐅᔭᑎᑦ ᐅᓪᓗᕆᐊᑦ 7 ᑕᓕᕐᐱᓐᓄᑦ ᑎᒍᒥᐊᕐᑕᒃᑲ ᓇᓗᓇᕐᑐᑦ, ᒎᓗᐃᓪᓗ ᖃᐅᒻᒪᖁᑎᐅᑉ ᐃᓂᖏᑦ 7; ᐅᓪᓗᕆᐊᓪᓗ 7 ᐂᖏᓕᒋᔭᐅᕗᑦ ᐅᒃᐱᕐᑑᖃᑎᒌᓄᑦ 7ᓄᑦ ᐊᒻᒪᓗ 7 ᖃᐅᒻᒪᖅᑯᑎᐅᑉ ᐃᓂᖏᑦ ᐅᒃᐱᕐᑑᖃᑎᒌᖑᕗᑦ 7.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:5

ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7.