ᒨᓯᓯ ᐂᑉᐸᖏᑦ 25:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑖᓐᓇᓗ ᓵ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓃᑦᑐᒃᓴᐅᕗᖅ, ᓵᓪᓗ ᖄᖓᓂ ᑍᒪᓐᖓᑦ ᓂᐊᖂᔭᕐᑕᖃᕐᑐᒃᓴᐅᕗᖅ ᐅᕙᓐᓄᑦ ᑐᓂᕐᕈᑎᐅᔪᕕᓂᕐᓂᒃ.”

ᒨᓯᓯ ᐂᑉᐸᖏᑦ 25:30 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 7:48

ᓲᓗᒨᓂ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᑕ ᐃᓗᓕᒃᓴᖏᓐᓂᒃ: ᒎᓗᒥᒃ ᑐᓂᕐᕈᓯᕐᕕᖕᒥᒃ, ᓵᒥᒡᓗ ᒎᓗᒥᒃ ᓂᐊᖂᔭᓄᑦ ᐃᓂᒃᓴᒥᒃ ᒎᑎᒧᑦ ᑐᓂᔭᐅᓯᒪᔪᓄᑦ,

ᑯᕉᓂᑲ ᓯᕗᓪᓖᑦ 23:29

ᑲᒪᔨᐅᖁᓪᓗᒋᓪᓗ ᓂᐊᖂᔭᓂᒃ ᒎᑎᒧᑦ ᑐᓂᔭᐅᓯᒪᔪᓂᒃ, ᓂᕿᒃᓴᓂᒡᓗ ᑐᓂᕐᕈᑕᐅᓯᒪᔪᓂᒃ, ᐳᕙᓪᓚᕐᓴᐅᑎᖃᖏᑦᑐᓂᒡᓗ ᐆᓯᒪᔪᓂᒃ, ᐆᓯᒪᔪᓂᒡᓗ ᓂᐊᖂᔭᓂᒃ ᑐᓂᕐᕈᑕᐅᓯᒪᔪᓂᒃ, ᐊᓯᖏᓐᓂᒡᓗ ᐅᕐᓱᒃᓴᓂᒃ, ᐆᒃᑑᑎᓂᒡᓗ ᓱᓇᑐᐃᓐᓇᓂᒃ ᐊᖏᓕᕇᓂᒃ ᐊᑦᔨᒌᖏᑦᑐᓂᒃ;

ᑯᕉᓂᑲ ᓯᕗᓪᓖᑦ 9:32

ᐃᓚᒋᔭᖏᓪᓕ ᐃᓚᖏᑦ ᑯᕼᐋᑍᑎᒥᐅᑦ ᑲᒪᔨᐅᓚᐅᕆᕗᑦ ᓂᐊᖂᔭᓕᐅᕐᑐᓂᒃ, ᐊᑐᐃᓐᓇᕈᕐᑎᑕᐅᖃᑦᑕᕐᑐᓂᒃ ᓴᐸᑎᒧᑦ.

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᒨᓯᓯ ᐂᑉᐸᖏᑦ 35:13

ᓵᓗ, ᓂᐅᒃᓴᖏᓪᓗ, ᓱᓇᑐᐃᓐᓇᒃᓴᓕᒫᖏᓪᓗ; ᓂᐊᑰᔭᓪᓗ ᑐᓂᔭᐅᔪᒃᓴᑦ ᒎᑎᒧᑦ;

ᒨᓯᓯ ᐂᑉᐸᖏᑦ 39:36

ᓵᓗ, ᓂᐅᒃᓴᖏᓪᓗ, ᓱᓇᑐᐃᓐᓇᒃᓴᓕᒫᖏᓪᓗ, ᓂᐊᑰᔭᓪᓗ ᑐᓂᔭᐅᔪᒃᓴᑦ ᒎᑎᒧᑦ;

ᒨᓯᓯ ᐂᑉᐸᖏᑦ 40:23

ᑕᕝᕗᖓᓗ ᓂᐊᖂᔭᓂᒃ ᐃᓕᓯᕗᖅ ᐊᑕᓂᕐᒧᑦ ᑐᓂᕐᕈᑕᐅᓯᒪᔪᓂᒃ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 40:4

ᑕᕝᕗᖓ ᐋᖅᑭᒃᓯᔪᒃᓴᐅᒋᕗᑎᑦ ᓵᒥᒃ ᓱᓇᑐᐃᓐᓇᒃᓴᖏᓪᓗ ᐱᖃᓯᐅᑎᓗᒋᑦ. ᓇᓂᕈᐊᖃᕐᕖᓪᓗ ᑕᕝᕗᓐᖓᕐᒥᓗᒋᑦ ᓇᓂᕈᐊᓪᓗ ᓇᓂᕈᐊᖃᕐᕕᖕᓄᑦ ᐃᓕᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 41:22

ᕿᔪᐃᓐᓇᕐᒥᒃ, ᑕᓪᓕᒪᓂᒃ ᐃᑎᒐᖕᓂᒃ ᐳᕐᑐᓂᖃᕐᐳᖅ, ᑕᑭᓂᖃᕐᓗᓂ ᓯᑕᒪᓂᒃ ᐃᑎᒐᖕᓂᒃ, ᓯᓕᖕᓂᖃᕐᓗᓂᓗ ᓯᑕᒪᓂᒃ; ᑎᕆᖅᑯᖏᑦ ᑐᓐᖓᕕᖓᓗ, ᓴᓂᕋᓕᒫᖏᓪᓗ ᕿᔪᐃᓐᓇᐅᕗᑦ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᓵ ᐊᑕᓂᐅᑉ ᓯᕗᕌᓃᑦᑐᖅ.”

ᒪᓚᑬᑉ ᐊᒡᓚᖏᑦ 1:12

ᓇᕐᕈᓇᕐᓯᑎᓚᐅᕐᐸᓯᓕ ᐃᒫᒃ ᐅᖃᕐᑎᓪᓗᓯ, ‘ᐊᑕᓂᐅᑉ ᑐᓂᕐᕈᓯᕐᕕᖓ ᓇᕐᕈᓇᕐᐳᖅ, ᐱᕈᕐᑐᐃᓪᓗ ᓂᖀᓪᓗ ᓇᕐᕈᓇᕆᕗᑦ.’

ᒪᓚᑬᑉ ᐊᒡᓚᖏᑦ 1:7

ᓇᕐᕈᓇᕐᑐᓂᒃ ᓂᕿᓂᒃ ᑐᓂᕐᕈᓯᕐᐳᓯ ᑐᓂᕐᕈᓯᕐᕕᓐᓂ, ᐅᖃᕐᐳᓯᓗ, ‘ᖃᓄᖅ ᓇᕐᕈᓇᕐᓯᑎᑦᓯᓚᐅᕐᐱᑖ?’ ᐃᓱᒪᓚᐅᕋᑦᓯ ᐊᑕᓂᐅᑉ ᑐᓂᕐᕈᓯᕐᕕᖁᑎᖓ ᐱᓪᓚᕆᐅᓗᐊᓐᖏᓚᖅ.

ᒨᓯᓯ ᓯᑕᒪᖏᑦ 4:7

“ᓂᕐᕆᕕᒃ ᓂᐊᖂᔭᓂᒃ ᑕᑯᔭᒃᓴᖃᕐᕕᒃ ᐅᓕᒃᑕᒃᓴᕆᕚᑦ ᖃᓪᓗᓈᕐᑕᒥᒃ ᑐᖑᔪᕐᑐᒥᒃ, ᖄᖓᓄᓪᓗ ᐃᓕᓗᒋᑦ ᐴᒍᑍᓪᓗ ᐸᓕᐊᓪᓗ, ᐅᐊᓴᕐᕖᓪᓗ ᐃᒪᖃᐅᑏᓪᓗ; ᓂᐊᖂᔧᓪᓗ ᑕᑯᔭᒃᓮᑦ ᖄᖓᓄᑦ ᐃᓕᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:4

ᒎᑎᐅᑉ ᐃᒡᓗᖓᓄᑦ ᐃᑎᓚᐅᕐᐳᖅ, ᓂᕆᓪᓗᓂᓗ ᒎᑎᒧᑦ ᑐᓂᔭᐅᓯᒪᔪᓂᒃ ᓂᐊᖂᔭᓂᒃ, ᐱᖁᔭᑎᒍᑦ ᓂᕆᔭᕆᐊᖃᖏᒃᑲᓗᐊᕐᓗᓂ ᐅᓇᑕᕐᑐᒃᓴᖁᑎᖏᓪᓗ, ᑐᓂᕐᕈᓯᕐᑎᑦᓯᔩᑦ ᓂᕆᔭᕆᐊᖃᕐᑐᑑᓚᐅᕐᒪᑕ ᑖᒃᑯᓂᖓ ᓂᐊᖂᔭᓂᒃ.

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᓴᒧᐃᓕ ᓯᕗᓪᓖᑦ 21:4

ᑐᓂᕐᕈᓯᕐᑎᑦᓯᔨᐅᑉ ᑍᕕᑎ ᑭᐅᕚ, “ᓂᐊᖂᔭᑐᐃᓐᓇᒥᒃ ᒫᓐᓇ ᐱᓯᒪᓐᖏᓚᖓ, ᐃᑦᔪᕐᓁᑎᑕᐅᓯᒪᔪᓂᑦ ᑭᓯᐊᓂ ᓂᐊᖂᔭᓂᒃ ᓇᔪᕐᑎᖃᕐᐳᖓ; ᐱᔪᓐᓇᕐᑕᑎᑦ ᐊᖑᑏᑦ ᐃᓅᓱᒃᑐᑦ ᐊᕐᓇᒥᒃ ᐱᖃᑎᖃᓚᐅᓐᖏᑐᐊᕐᐸᑕ.”

ᓴᒧᐃᓕ ᓯᕗᓪᓖᑦ 21:5

ᑍᕕᑎᐅᑉ ᑐᓂᕐᕈᓯᕐᑎᑦᓯᔨ ᑭᐅᕚ, “ᓱᓕᑦᓯᐊᕐᐳᖓ ᐊᕐᓇᓃᓚᐅᓐᖏᓚᒍᑦ ᐱᓇᓱᐊᕆᐊᕐᑐᑐᐃᓐᓇᕐᑎᓪᓗᑕ ᑕᒪᓐᓇ ᐱᐅᓯᕆᒐᑦᑎᒍ; ᑭᓯᐊᓂᓕ ᐱᓇᓱᐊᒻᒪᕆᒋᐊᕐᑐᕋᑦᑕ ᑲᒪᓂᐅᔭᖏᓐᓂᕐᓴᐅᕗᒍᑦ; ᐊᖑᑏᓪᓗ ᐱᖁᑎᖏᑦ ᐃᑦᔪᕐᓁᒃᑭᕗᑦ, ᐅᓪᓗᒥᓕ ᐃᑦᔪᕐᓁᒃᑲᓐᓂᕐᐳᑦ ᐊᑐᐃᓐᓇᓐᖏᑕᑦᑎᓐᓂᒃ ᐱᓇᓱᐊᕆᐊᕐᑐᕐᓯᒪᖓᑦᑕ.”

ᓴᒧᐃᓕ ᓯᕗᓪᓖᑦ 21:6

ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑍᕕᑎ ᓂᐊᖂᔭᓂᒃ ᐃᑦᔪᕐᓁᑦᑐᓂᒃ ᑐᓂᕚ; ᑖᒃᑯᐊ ᓂᐊᖂᔧᑦ ᐱᓯᒪᔭᑐᐊᕆᒐᒥᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᑦ, ᐅᐃᑦᔪᕐᓁᑦᑑᓪᓗ ᓵᖓᓂᑦ ᐊᒡᕔᕐᑎᑕᐅᓯᒪᕗᑦ ᓂᐊᖂᔭᓂᒃ ᓄᑖᓂᒃ ᐆᓇᕐᑐᓂᒃ ᑐᓂᕐᕈᑕᐅᔪᓂᒃ ᑭᖑᕝᕕᕐᑕᐅᔭᕆᐊᖃᕐᒪᑕ.