27 ᓯᓇᕐᔪᐊᑕ ᑭᒡᓕᖓᓃᑦᑐᒃᓴᐅᕗᑦ ᐊᖕᒪᓗᕐᑐᑦ ᓱᓪᓗᓖᑦ, ᑕᑭᔪᑯᑖᖕᓄᑦ ᑲᐅᑎᑦᓯᕕᐅᓗᑎᒃ ᐊᑭᕋᐅᓯᕐᕕᒃᓴᐅᖁᓪᓗᒋᑦ ᑖᑦᓱᒧᖓ ᓵᒧᑦ.
ᓱᓪᓗᖏᑎᒍᓪᓗ ᑲᐅᑎᓪᓗᒋᒃ ᑍᒫᒃ ᐊᑭᕋᐅᑎᓕᐅᒐᒃᓴᕆᕙᑦ ᐃᒃᓯᕐᕕᐅᑉ ᓴᓂᕌᒍᑦ, ᑕᒪᐅᓇ ᐊᑭᕋᕐᑕᐅᖃᑦᑕᖁᓪᓗᒍ.
ᑖᓐᓇᓗ ᓯᓇᕐᔪᒃᓯᐅᓯᕐᑕᒃᓴᕆᕙᑦ ᐊᕙᑎᓕᒫᖓ ᐊᒡᒊᑦ ᓴᓂᒧᑐᓂᖓᑎᑐᑦ ᓯᓕᒃᑎᒋᔪᒥᒃ, ᓯᓇᕐᔪᖓᓗ ᓯᓚᑉᐱᐊᓕᒃᑲᓐᓂᕐᓗᒍ ᓴᖑᐃᐱᓗᒃᓯᒪᔪᒥᒃ ᒎᓗᒥᒃ.
ᑕᕝᕙᓂᓗ ᒎᓗᓂᒃ ᐊᖕᒪᓗᕐᑐᓂᒃ ᓱᓪᓗᓕᖕᓂᒃ ᓴᓇᔪᒃᓴᐅᕗᑎᑦ, ᑖᒃᑯᐊᓗ ᐊᖕᒪᓗᕐᑐᑦ ᓱᓪᓗᓖᑦ ᐃᓕᓗᒋᑦ ᓂᐅᖏᒃᑕ ᑎᕆᖅᑯᖏᓐᓄᑦ ᓯᑕᒪᓄᑦ.
ᑕᑭᔪᑯᑖᖕᓂᒃ ᕿᔪᖕᓂᒃ ᓴᓇᓕᕆᑦ ᑎᓴᒃᑖᖕᓂᒃ ᐊᑬᑦᓯᐊᒥᒃ ᐊᑎᓕᖕᒥᒃ, ᑖᒃᑯᐊᒡᓗ ᓯᓚᑉᐱᐊᕐᓗᒋᒃ ᒎᓗᒥᒃ, ᑕᒪᒃᑯᖕᓄᖓ ᑖᓐᓇ ᓵ ᐊᑭᕋᕐᑕᐅᔪᓐᓇᖁᓪᓗᒍ.
ᐊᕙᓗᒃᓮᓪᓗ ᓯᓚᑉᐱᐊᕐᑕᒃᓴᕆᕙᓯ ᒎᓗᒥᒃ, ᓱᓪᓗᓕᖕᓂᒡᓗ ᒎᓗᓂᒃ ᕿᕋᑦᑕᖅᑯᑎᖏᓐᓄᑦ ᓇᔪᒻᒪᖅᑯᑎᒃᓴᓂᒃ ᐋᖅᑭᒃᓯᔪᒃᓴᐅᕗᓯ; ᑖᒃᑯᐊᓗ ᕿᕋᑦᑕᖅᑯᑎᒃᓮᑦ ᓯᓚᑉᐱᐊᕐᑕᒃᓴᕆᒋᕙᓯ ᒎᓗᒥᒃ.