ᒨᓯᓯ ᐂᑉᐸᖏᑦ 25:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑖᒃᑯᐊᒡᓗ ᓯᕈᐲᒻ ᐃᓴᕈᖏᒃ ᐃᓯᕕᖓᔪᒃᓴᐅᕘᒃ, ᑖᓐᓇ ᒪᑐ ᐃᓴᕈᒥᖕᓄᑦ ᖁᓚᖏᐊᕐᓗᒍ, ᑖᒃᑯᐊᒡᓗ ᓯᕈᐲᒻ ᐃᒻᒥᖕᓄᑦ ᓵᓐᖓᖃᑦᑕᐅᑎᔪᒃᓴᐅᕘᒃ ᒪᑑᑉ ᖄᖓᓂ.

ᒨᓯᓯ ᐂᑉᐸᖏᑦ 25:20 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 28:12

ᓯᓐᓇᒃᑐᕐᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᕐᐸᒃᓗᑎᑦ ᐊᖅᑲᕐᑎᖃᑦᑕᕐᐳᑦ.

ᐊᑕᓃᑦ ᓯᕗᓪᓖᑦ 6:23

ᐃᑦᔪᕐᓁᑦᑐᕕᖕᒥ ᐃᓗᓪᓕᕐᐹᒥ ᓴᓇᓚᐅᕆᕗᖅ ᒪᕐᕉᖕᓂᒃ ᓯᕈᐱᓐᖑᐊᖕᓂᒃ ᕿᔫᖕᓂᒃ ᐊᓕᕕᑎᓂᒃ, ᐊᑐᓂᑦ ᐳᕐᑐᓂᖃᕐᓗᑎᒃ ᐃᑎᒐᖕᓂᒃ 15ᓂᒃ.

ᐊᑕᓃᑦ ᓯᕗᓪᓖᑦ 6:27

ᐃᓕᔭᐅᕗᒃ ᓴᓂᓕᕇᒃᑎᓪᓗᒋᒃ, ᐃᑦᔪᕐᓁᓐᓂᕐᐹᒥ; ᑖᒃᑯᐊ ᐃᓵᖓᒐᒥᒃ ᐊᒃᑐᐊᖃᑦᑕᐅᑎᕘᒃ ᐃᓴᕈᖏᒃᑕ ᓄᕗᖏᒃ, ᐃᓪᓗᐊᕈᓯᐅᑉ ᕿᑎᖓᓃᑉᐴᒃ ᐃᒡᓗᒌᖕᓄᑦ ᐃᓴᕈᒥ ᐊᑭᓐᓇᖅ ᐊᒃᑐᐊᓪᓗᒍ.

ᐊᑕᓃᑦ ᓯᕗᓪᓖᑦ 8:7

ᑖᒃᑯᐊᒃ ᐃᓴᕈᖏᒃᑕ ᐃᓵᖓᓂᖏᒃᑕ ᐃᒃᓯᕕᒃ ᑕᓕᑎᑉᐹᒃ ᐊᑭᕋᐅᑎᖏᒡᓗ ᑕᑭᔪᑯᑖᒃ.

ᑯᕉᓂᑲ ᓯᕗᓪᓖᑦ 28:18

ᒎᓗᐃᓪᓗ ᐱᐅᓴᕐᑕᐅᓯᒪᔪᑦ ᐅᖁᒤᓐᓂᖏᑦ ᑐᓂᕔᑦ ᑐᓂᕐᕈᓯᕐᕕᖕᒧᑦ ᐳᔫᕐᑎᑦᓯᑦᔪᑎᒧᑦ ᐊᑐᕐᑐᒃᓴᑦ, ᐊᒃᓴᓗᐊᓕᐅᓪᓗ ᓴᓇᔭᐅᓂᒃᓴᖓᓄᑦ ᒎᓗᐃᑦ ᓯᕈᐱᒻ ᐃᓴᕈᖏᑦ ᐃᓵᖓᓪᓗᑎᒃ ᐅᓕᒃᓯᓯᒪᔪᒃᓴᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᖃᖓᓂ.

ᑯᕉᓂᑲ ᐂᑉᐸᖏᑦ 3:10

ᐃᑦᔪᕐᓁᓐᓂᕐᐹᒥ ᓴᓇᕗᖅ ᒪᕐᕉᖕᓂᒃ ᓯᕋᐱᓐᖑᐊᖕᓂᒃ ᕿᔫᖕᓂᒃ, ᖄᐹᓕᕐᓗᒋᒡᓗ ᒎᓗᒥᒃ.

ᒨᓯᓯ ᐂᑉᐸᖏᑦ 25:18

ᑖᑦᓱᒪᓗ ᒪᑑᑉ ᖄᖓᒍᑦ ᐃᓱᖏᒃᑎᒃᑯᑦ ᐃᒡᓗᒌᖕᓂᒃ; ᐃᓴᕈᓐᖑᐊᓖᖕᓂᒃ ᓴᓇᔪᒃᓴᐅᕗᑎᑦ ᓯᕈᐲᓂᒃ ᑍᔭᐅᔪᖕᓂᒃ; ᑖᒃᑯᐊᒡᓗ ᒎᓘᔪᒃᓴᐅᕘᒃ ᑲᐅᒐᕐᓗᒋᒃ ᓴᓇᓯᒪᓗᑎᒃ.

ᒨᓯᓯ ᐂᑉᐸᖏᑦ 25:19

ᓴᓇᔪᒃᓴᐅᕗᑎᑦ ᐊᑕᐅᓯᖅ ᓯᕈᐲᒻ ᒪᑑᑉ ᐃᓱᐊᓃᓪᓗᓂ, ᐂᑉᐸᖓᓗ ᓯᕈᐲᒻ ᐃᒡᓗᐊᓃᓪᓗᓂ; ᑕᕝᕙᓂ ᒪᑐᒥ ᐃᓛᒃᑰᖏᓪᓗᑎᒃ ᓴᓇᓯᒪᖁᓪᓗᒋᒃ, ᓯᕈᐲᒻᓂᒃ ᒪᕉᖕᓂᒃ ᐃᒡᓗᒌᖕᓂᒃ ᖄᒥᐅᑕᖃᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 1:20

ᐊᓂᕐᓂᖅ ᓇᒧᑐᐃᓐᓇᖅ ᐂᓕᕌᖓᑦ, ᐆᒪᔪᑦ ᒪᓕᖃᑦᑕᕐᐳᑦ, ᐊᒃᓴᓗᐊᓪᓗ ᒪᓕᖃᑦᑕᕆᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 28:14

ᓂᕈᐊᕐᓯᒪᓚᐅᕐᐳᖓ ᓴᐳᑦᔨᔨᒃᓴᕐᓂᒃ ᐂᓐᖏᓕᒥᒃ ᓯᕈᐱᒥᒃ; ᒎᑎᐅᓪᓗ ᐃᑦᔪᕐᓁᑦᑐᖁᑎᖓᓂ ᖃᖅᑲᒥ ᐃᓂᖃᓚᐅᕐᐳᑎᑦ; ᐱᓱᖃᑦᑕᓚᐅᕐᐳᑎᑦ ᐅᔭᕋᒃᑎᒍᑦ ᐱᐅᔪᕐᔪᐊᑎᒍᑦ ᕿᓪᓛᒡᒋᔭᕐᑐᑎᒍᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᔪᐊᓇᓯᐅᑉ ᐊᒡᓚᖏᑦ 1:51

ᐅᖃᐅᑎᓪᓗᒋᓪᓗ, “ᓱᓕᑦᓯᐊᕐᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᕐᑐᖅ ᑕᑯᔪᒫᕐᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᕐᑐᑦ ᐊᖅᑲᕐᑎᕐᑐᓪᓗ ᐃᓅᑉ ᐃᕐᓂᖓᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:10

ᑕᒪᓐᓇ ᐱᑦᔪᑎᒋᓪᓗᒍ, ᐂᖏᓖᓪᓗ ᐱᑦᔪᑎᒋᓪᓗᒋᑦ, ᐊᕐᓇᖅ ᓂᐊᖁᕐᒥᓂᒃ ᐅᓕᒃᓯᓯᒪᔪᒃᓴᐅᕗᖅ ᐱᔪᓐᓇᕐᑎᑕᐅᓂᕐᒥᓂᒃ ᓈᓚᖕᓂᖓ ᓇᓗᓁᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:9

ᐅᕙᓐᓄᓪᓕ ᐃᓱᒪᓇᕐᑑᕗᖅ ᒎᑎᐅᑉ ᐋᐴᓯᑕᓕᐅᔪᒍᑦ ᐃᓄᖕᓂᑦ ᑭᖑᓪᓕᕐᐹᒦᑦᑐᑎᑐᑦ ᐃᓂᖃᕐᑎᒻᒪᑎᒍᑦ, ᓲᕐᓗ ᑐᖁᑕᐅᕕᒋᓂᐊᕐᑕᑦᑎᓐᓄᑦ ᐂᑎᑕᐅᔪᑎᑐᑦ; ᓯᓚᕐᔪᐊᕐᒥᐅᓕᒫᓄᑦ ᑕᑯᕋᓐᓈᕐᑕᐅᖁᓪᓗᑕ, ᐂᖏᓕᓄᑦ ᐃᓄᖕᓄᓪᓗ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᑯᓘᓯᐊᒥᐅᓄᑦ 2:10

ᐃᓅᓯᕐᒥᒡᓗ ᓈᒻᒪᒃᓯᑦᓯᐊᕐᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᓂᕐᓄᑦ ᐊᖓᔪᖅᑲᐅᓂᕐᓄᓪᓗ.

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐄᑉᕈᐃᓄᑦ 9:5

ᐃᒃᖠᕐᕕᐅᓪᓗ ᖄᖓᓂ ᒪᕐᕉᓂᒃ ᓯᕈᐱᓐᖑᐊᖃᕐᐳᖅ ᐊᑐᓂ ᐃᓴᕈᓖᖕᓂᒃ ᓂᕐᑐᕐᓇᕐᑑᑉ ᓇᓗᓁᒃᑯᑕᖏᖕᓂᒃ, ᐃᓴᕈᖏᒃ ᐃᓵᖓᓪᓗᑎᒃ ᐃᒃᖠᕐᕕᐅᑉ ᒪᑐᖓᑕ ᖄᖓᓂ, ᓴᖅᑭᑎᑦᓯᔫᒃ ᐊᔪᕐᓃᑦ ᐃᓱᒪᒋᔭᐅᔪᓐᓁᕐᑕᐅᓂᖏᓐᓂᒃ. ᒫᓐᓇᓕ ᑕᒪᒃᑯᐊ ᐊᑐᓂᑦ ᐅᖃᐅᓯᕆᑦᓯᐊᕐᓗᒋ ᓇᓗᓁᕈᓐᓇᖏᑲᓚᐅᕐᑕᕗᑦ.

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.