ᒨᓯᓯ ᐂᑉᐸᖏᑦ 21:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑭᓯᐊᓂᓕ ᐃᓄᒃ ᓂᓐᖓᐅᒪᓗᓂ ᐱᔮᕆᓗᓂᓗ ᐃᓅᖃᑎᒥᓂᒃ ᑐᖁᑦᓯᒃᐸᑦ, ᑖᓐᓇ ᑐᖁᑕᐅᔪᒃᓴᐅᕗᖅ, ᐊᒡᓛᑦ ᑐᓂᕐᕈᓯᕐᕕᖁᑎᓐᓄᑦ ᖃᓄᐃᓕᔭᐅᔪᒪᖏᓪᓗᓂ ᕿᒫᒐᓗᐊᕐᐸᑦ.

ᒨᓯᓯ ᐂᑉᐸᖏᑦ 21:14 ပူးပေါင်းရင်းမြစ်များ

ᐄᑉᕈᐃᓄᑦ 10:26

ᓱᓕᓂᕐᒥᒃ ᖃᐅᔨᓯᒪᓕᕐᓗᑕ ᐱᔮᕆᓗᑕ ᐊᔪᕐᑐᓕᒍᑦᑕ, ᑕᕝᕙ ᑐᓂᕐᕈᑎᒃᓴᖃᕈᓐᓃᕐᐳᒍᑦ ᐊᔪᕐᓃᑦ ᐲᔭᕐᑕᐅᑦᔪᑎᒃᓴᖏᓐᓄᑦ.

ᐲᑦᑐᕉᓯ ᐂᑉᐸᖏᑦ 2:10

ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᐊᑕᓃᑦ ᐂᑉᐸᖏᑦ 11:15

ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨᐅᑉ ᐊᖓᔪᖅᑳᑦ ᐅᓇᑕᕐᑎᓄᑦ 100ᐅᓈᕐᑎᕐᑐᓄᑦ ᐅᖃᐅᑎᕔᑦ ᑎᒍᔭᐅᖁᓪᓗᒍ ᐅᓇᑕᕐᑎᖁᑎᖏᓐᓄᑦ ᑖᑦᓱᒥᖓᓗ ᐃᑲᔪᕐᑐᕋᓱᐊᕐᑐᑦ ᑐᖁᑕᐅᖃᑦᑕᖁᕔᑦ. ᐅᖃᐅᑎᓯᒪᓚᐅᕋᒥᒋᑦ ᐊᑕᓔᐊ ᑐᖁᑕᐅᖁᓇᒍ ᐊᑕᓂᐅᑉ ᐃᒡᓗᖓᑕ ᐃᓗᐊᓂ.

ᓴᒧᐃᓕ ᐂᑉᐸᖏᑦ 3:27

ᐋᑉᓄᓕ ᑎᑭᒻᒪᑦ ᕼᐃᐸᕋᓐᒧᑦ, ᔪᐊᐱᐅᑉ ᓴᓂᕐᕙᐅᑎᓚᐅᕐᐹ ᐃᑎᕐᑕᕐᕕᐅᑉ ᓴᓂᐊᓄᑦ, ᐃᓄᑑᖃᑎᒋᓪᓗᒍ ᐅᖃᕐᕕᒋᔪᒪᔫᔮᕐᓗᓂᐅᒃ, ᑍᑲᓂᓗ ᑲᐱᕙ ᓈᖓᒍᑦ, ᑕᕝᕙᓂᓗ ᐋᑉᓄ ᑐᖁᕗᖅ, ᑐᖁᑦᓯᓚᐅᕐᓂᖓ ᐱᓪᓗᒍ ᔪᐊᐱᐅᑉ ᓄᑲᖓᓂᒃ ᐊᓴᕼᐃᐅᓪᒥᒃ.

ᒨᓯᓯ ᑕᓪᓕᒪᖏᑦ 27:24

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐃᔨᕋᕐᑐᕐᓗᓂ ᐃᓄᐊᕐᑐᖅ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”

ᒨᓯᓯ ᑕᓪᓕᒪᖏᑦ 1:43

ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᐅᖃᐅᑎᓚᐅᕐᐸᑦᓯ, ᐃᓕᑦᓯᓕ ᓈᓚᓚᐅᓐᖏᓚᓯ. ᐊᑭᕋᕐᑐᖔᓚᐅᕐᐸᓯᓕ ᐊᑕᓂᐅᑉ ᐱᖁᔨᓂᖓ, ᐊᔪᖏᑦᑑᓇᓱᒋᓪᓗᓯ ᑕᕝᕙ ᐅᓇᑕᕆᐊᓕᓚᐅᕐᐳᓯ ᖃᖅᑲᒥᐅᓄᑦ.

ᒨᓯᓯ ᐂᑉᐸᖏᑦ 21:15

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐊᓇᐅᓯᒃᐸᑦ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᓯᑕᒪᖏᑦ 35:16

“‘ᐃᓄᒡᓕ ᓴᕕᕋᔭᖕᒧᑦ ᐊᓇᐅᓯᒃᐸᑦ, ᑐᖁᑦᓯᓗᓂᓗ, ᑖᓐᓇ ᐃᓄᐊᕐᑑᕗ; ᐃᓄᐊᕐᑐᕐᓗ ᑐᖁᑕᐅᓪᓚᕆᒋᐊᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:17

ᐊᖑᑦ ᐊᓯᒥᓂᒃ ᑐᖁᑦᓯᒃᐸᑦ, ᑐᖁᑦᓯᔪᖅ ᕿᒫᓕᕐᓕ ᑐᖁᓂᕐᒥᓄᑦ ᑎᑭᓪᓗᓂ; ᓇᓪᓕᐊᓐᓄᓪᓗ ᐃᑲᔪᕐᑕᐅᔪᒃᓴᐅᓐᖏᓚᖅ.