ᒨᓯᓯ ᐂᑉᐸᖏᑦ 20:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᖕᓄᑦ ᑐᕌᖓᔪᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᕿᑐᕐᖓᑎᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᓪᓘᓐᓃᑦ ᓄᓇᑦᓯᓐᓄᑦ;

ᒨᓯᓯ ᐂᑉᐸᖏᑦ 20:10 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 34:21

“ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 10:31

ᔫᑎᐅᖏᑦᑐᓪᓗ ᑕᒫᓂ ᓄᓇᓖᑦ ᓱᓇᑐᐃᓐᓇᕐᓂᒃ ᕾᑦᓯᒃᐸᑕ ᐱᕈᕐᑐᕕᓂᕐᓂᒡᓘᓐᓃᑦ ᓴᐸᑎᐅᑎᓪᓗᒍ ᓂᐅᕐᕈᑎᖃᕈᒪᓗᑎᒃ, ᓂᐅᕕᕐᓂᐊᓐᖏᓚᒍᑦ ᓴᐸᑎᐅᑎᓪᓗᒍ ᐅᕝᕙᓘᓐᓃᑦ ᐅᓪᓗᐃᑦ ᐊᓯᖏᓐᓂ ᐃᑦᔪᕐᓁᑦᑑᓂᕋᕐᑕᑦᑎᓐᓂ; ᐱᒋᐊᕐᓂᖓᓂᑦ ᐊᕐᕌᒎᑉ 7ᒋᓕᕐᑕᖓᓂ ᐱᕈᕐᑎᑕᕕᓂᕐᓂᒃ ᐱᓂᐊᓐᖏᓚᒍᑦ ᐊᑭᓕᒃᓴᕆᔭᐅᔪᓕᒫᓪᓗ ᐊᑭᓕᕋᒃᓴᐅᔪᓐᓁᕐᑎᖃᑦᑕᕐᓂᐊᕐᐸᕗᑦ.

ᒨᓯᓯ ᐂᑉᐸᖏᑦ 31:13

ᐃᓴᕆᐊᓕᒥᐅᑦ ᐃᓄᖏᓐᓄᑦ ᐅᖃᖁᓪᓗᒍ, “ᓴᐸᑎ ᐃᒃᐱᒋᑦᓯᐊᕐᓯᐅᒃ, ᑖᓐᓇ ᐅᓪᓗᕆᒐᒃᑯ ᑕᕾᕐᓯᕐᕕᒐ, ᑖᓐᓇ ᓇᓗᓁᒃᑯᑕᐅᖕᒪᑦ ᐅᕙᓐᓄᑦ ᐃᓕᑦᓯᓐᓄᓪᓗ, ᑭᖑᕚᑦᓯᓐᓂᓪᓗ ᑍᒪᓐᖓᑦ ᑲᒪᒋᔭᐅᑦᓯᐊᕐᑐᒃᓴᐅᒋᕗᖅ, ᖃᐅᔨᓕᖁᓪᓗᓯ ᐅᕙᖓ, ᐊᑕᓂᐅᔪᖓ, ᐃᑦᔪᕐᓁᑎᑦᓯᒐᒪ ᐃᓕᑦᓯᓐᓂᒃ.

ᒨᓯᓯ ᐂᑉᐸᖏᑦ 16:26

ᐅᓪᓗᓂᒃ ᐱᖓᓲᔪᕐᑐᓂᒃ ᑕᒪᒃᑯᓂᖓ ᑲᑎᑦᓯᔪᒃᓴᐅᕗᓯ; ᐅᓪᓗᓪᓕ 7ᖓᓂ ᓴᐸᑎ ᓇᓪᓕᐅᑎᕗᖅ, ᑕᕝᕙᓂ ᐅᓪᓗᒥ ᑕᒪᒃᑯᓂᖓ ᓴᖅᑭᑦᑐᖃᕐᓂᐊᓐᖏᓚᖅ.”

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐱᖓᔪᖏᑦ 23:3

ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᐃᓯᑭᐊᓕᐅᑉ ᐊᒡᓚᖏᑦ 14:7

“ᓇᓪᓕᐊᑦ ᐃᓴᕆᐊᓕᒧᑦ ᑭᖑᕚᖑᔪᖅ, ᐃᓴᕆᐊᓕᒥᐅᑕᐅᖏᑦᑐᓪᓘᓐᓃᑦ ᓄᓇᖃᖃᑕᐅᔪᑦ ᐃᓴᕆᐊᓕᒥᐅᓄᑦ, ᐅᕙᓐᓂᒃ ᕿᒤᓯᒪᓗᑎᒃ, ᒎᑎᓐᖑᐊᓄᑦ ᓵᓐᖓᖔᓕᕐᑐᑦ ᐊᔪᕐᑐᓕᓂᕐᒧᓪᓗ ᐊᒡᕕᐊᕈᑎᒃᓴᖃᓕᕐᑐᑦ, ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᐸᒍᑎᓗᑎᒃ ᐊᐱᕐᓱᕆᐊᕐᑐᕐᐸᑕ ᖃᓄᖅ ᐃᓱᒪᖕᒪᖔᕐᒪ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᒃᑲ.