ᒨᓯᓯ ᐂᑉᐸᖏᑦ 19:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᑕᓂᐅᓪᓗ ᑭᐅᕚ, “ᑕᐅᓄᖓ ᐊᒻᒧᐊᓚᐅᕆᑦ, ᐂᕉᓂ ᐱᖃᑎᒋᓕᕐᓗᒍ ᒪᔪᐊᕐᓂᐊᕋᑦᓯᒃ; ᑐᓂᕐᕈᓯᕐᑎᑦᓯᔩᓪᓕ ᐃᓄᐃᓪᓗ ᐅᐸᒃᑕᐅᔪᓐᓇᕐᑑᑉ ᐅᖓᑖᓄᐊᕐᑐᖃᕐᑐᒃᓴᐅᓐᖏᓚᑦ ᐅᐸᒍᑎᓇᓱᐊᕐᓗᑎᒃ ᐊᑕᓂᕐᒧᑦ, ᓱᒋᐊᕐᑕᐅᔪᒃᓴᐅᖁᓇᒋᑦ.”

ᒨᓯᓯ ᐂᑉᐸᖏᑦ 19:24 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 13:9

ᓮᑐᓂᐅᓪᓗ ᐃᕖᔧᕕᐊᑕ ᓇᑎᖓᓄᑦ ᑎᑭᓐᓇᒥᒃ, ᐆᔭᐅᑉ ᐊᒡᒐᒥᓄᑦ ᐃᒃᓯᕐᕕᒃ ᐊᒃᑐᕐᐹ, ᐊᖑᓴᓪᓗᐃᑦ ᐅᓂᐊᕐᑐᑦ ᐹᓪᓚᑲᓪᓚᖕᒪᑕ.

ᒨᓯᓯ ᐂᑉᐸᖏᑦ 19:12

ᐃᓄᐃᑦ ᐅᐸᒍᓐᓇᕐᑕᖏᑕ ᑭᒡᓕᒃᓴᖓᓂᒃ ᓇᓗᓁᕐᓯᓯᒪᔪᒃᓴᐅᕗᑎᑦ, ᐅᖃᐅᑎᓗᒋᓪᓗ, ‘ᐃᒃᐱᒍᓱᑦᓯᐊᕆᑦᓯ ᖃᖅᑲᒧᑦ ᒪᔪᕋᖁᓇᓯ ᐅᕝᕙᓗ ᖃᖅᑲᐅᑉ ᑭᒡᓕᖓ ᐊᒃᑐᕐᑕᐅᔪᒃᓴᐅᓐᖏᓚᖅ; ᓇᓪᓕᐊᓪᓗ ᖃᖅᑲᒥᒃ ᓇᓗᓁᒃᑯᓯᕐᓯᒪᔫᑉ ᐅᖓᑖᓃᑦᑐᒥᒃ ᐊᒃᑐᕐᓯᔪᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐂᑉᐸᖏᑦ 19:25

ᑕᕝᕙ ᒨᓯᓯ ᖃᖅᑲᒥᑦ ᐊᒻᒧᐊᒃᐳᖅ ᐃᓄᖕᓄᑦ ᐅᖃᐅᑎᓪᓗᒋᓪᓗ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ.

ᒨᓯᓯ ᐂᑉᐸᖏᑦ 24:1

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᖅᑳᓗᖕᒧᑦ ᒪᔪᕋᕐᓗᑎᑦ ᐅᕙᓐᓄᐊᕆᑦ ᐂᕉᓂ ᐱᖃᑎᒋᓗᒍ, ᓁᑖᑉᓗ ᐊᐱᕼᐅᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓂᒃ 70ᓂᒃ ᐅᖓᓯᒃᑐᒦᓪᓗᓯ ᓱᓕ ᐅᑯᔪᒃᓴᐅᕗᓯ ᑐᒃᓯᐊᕐᕕᒋᓗᖓ.

ᒨᓯᓯ ᐂᑉᐸᖏᑦ 24:9

ᑕᕝᕙ ᒨᓯᓯᓗ ᐂᕉᓂᓗ, ᓁᑖᑉᓗ, ᐊᐱᕼᐅᓗ, ᐃᓴᕆᐊᓕᒥᐅᓂᓗ ᐊᖓᔪᖅᑳᑦ 70 ᖃᖅᑲᒧᑦ ᒪᔪᐊᕐᐳᑦ,

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 11:12

ᑍᒪᓐᖓᑦ ᔪᐊᓇᓯᐅᑉ ᐅᖃᓪᓚᖃᑦᑕᓕᕐᓂᖓᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ ᒎᑎᐅᑉ ᐊᑕᓂᐅᕕᖓ ᐊᒃᓱᕈᕐᓇᕐᑐᒃᑰᕐᑎᑕᐅᓯᒪᕗᖅ, ᐃᓄᐃᓪᓗ ᐱᕋᔭᖕᓂᒃᑯᑦ ᐊᒃᓱᕈᕐᓗᑎᒃ ᐱᓇᓱᐊᕐᓯᒪᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 13:24

“ᐊᒃᓱᕈᕆᑦᓯ ᐃᑎᕐᕕᑭᑦᑐᒃᑯᑦ ᐃᑎᕋᓱᐊᕐᓗᓯ; ᐊᒥᓱᑦ ᐃᑎᕋᓱᐊᕐᓂᐊᕐᒪᑕ ᐃᑎᕈᓐᓇᕐᓂᐊᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 16:16

“ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᓚᐅᕐᐳᑦ ᔪᐊᓇᓯ ᐹᑉᑎᑎᕆᔨ ᑎᑭᓪᓗᒍ; ᑭᖑᓂᖓᒍᑦ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕐᑐᑦ ᐅᖃᐅᓯᐅᓕᕐᐳᑦ, ᐅᓄᕐᑐᐊᓗᐃᑦ ᐊᔪᐃᓐᓇᕐᓗᑎᒃ ᐃᑎᕋᓱᓕᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᕉᒪᒥᐅᓄᑦ 4:15

ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᒐᓔᑎᐊᒥᐅᓄᑦ 3:19

ᓱᖕᒪᓪᓕ ᐱᖁᔭᕐᑕᖃᕐᐸ? ᑖᒃᑯᐊᓕ ᐃᓚᓕᐅᑦᔭᐅᓯᒪᕗᑦ ᐱᐅᖏᑦᑐᓕᓂᖅ ᖃᐅᔨᒪᔭᐅᖁᓪᓗᒍ, ᑐᓂᑦᔪᑕᐅᓯᒪᓂᖏᑦ ᐊᑑᑎᒃᓴᖃᓚᐅᕐᐳᑦ ᐂᑉᕋᕼᐋᒻ ᑭᖑᕚᒃᓴᖓ ᑎᑭᖏᓐᓂᖓᓂ ᑖᑦᓱᒧᖓ ᐊᖏᕈᑕᐅᓯᒪᔪᖅ ᑐᕌᖓᖕᒪᑦ; ᐱᖁᔧᑦ ᑐᓂᔭᐅᓚᐅᕐᐳᑦ ᐂᖏᓕᒃᑯᑦ ᐃᓄᒃ ᐊᖅᑯᓯᐅᑎᔭᐅᓪᓗᓂ ᑐᓂᔭᐅᓪᓗᑎᒃ.

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.