ᒨᓯᓯ ᐂᑉᐸᖏᑦ 18:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 18:21 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 6:3

ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 18:8

ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᓴᒧᐃᓕ ᐂᑉᐸᖏᑦ 23:3

ᐃᓴᕆᐊᓕᐅᑉ ᒎᑎᖓ ᐅᖃᓚᐅᕐᐳᖅ; ᐃᓴᕆᐊᓕᐅᑉ ᓴᐳᑦᔨᔨᖓ ᐅᕙᓐᓄᑦ ᐅᖃᓚᐅᕐᐳᖅ: ᐊᖓᔪᖅᑳᕐᔪᐊᖅ ᐊᐅᓚᑦᓯᔪᖅ ᓱᓕᑦᓯᐊᕐᑐᒥᒃ, ᐊᐅᓚᑦᓯᔪᖅ ᓈᓚᑦᓯᐊᕐᓗᓂ ᒎᑎᒥᒃ,

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᓴᑲᕅᐊᐅᑉ ᐊᒡᓚᖏᑦ 8:16

ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.

ᓴᑲᕅᐊᐅᑉ ᐊᒡᓚᖏᑦ 7:9

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᓱᓕᑦᓯᐊᕐᑐᒥᒃ ᐃᖅᑲᕐᑐᐃᒋᑦᓯ; ᐱᑦᓯᐊᖃᑦᑕᐅᑎᓗᓯ ᓇᒡᓕᒋᖃᑦᑕᐅᑎᓗᓯᓗ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:2

ᓄᓇᖃᕐᑐᑦ ᐱᐅᖏᑦᑐᓕᓂᖏᓐᓄᑦ ᐊᖓᔪᖅᑲᕐᔪᐊᑦ ᐅᓄᕐᑑᓕᕐᐳᑦ; ᐊᖑᑎᐅᓪᓕ ᑐᑭᓯᒪᓂᖓᓄᑦ ᖃᐅᔨᒪᓂᖓᓄᓪᓗ ᐋᖅᑭᒃᓯᒪᑦᓯᐊᕐᓂᖅ ᐊᑯᓂ ᑍᒤᓕᖓᓂᐊᕐᐳᖅ.

ᐃᓐᖏᕈᑎᑦ 15:5

ᑮᓇᐅᔭᒥᓂᒡᓗ ᐊᑐᕐᑎᑦᓯᒍᓂ ᐃᓚᕙᓪᓕᐊᑎᑦᓯᕙᖏᓪᓗᓂ, ᓯᓔᕐᕆᒃᓯᕙᖏᑦᑐᕐᓗ ᐸᓯᔭᒃᓴᐅᖏᑦᑐᓂᒃ. ᑕᒪᒃᑯᓂᖓ ᑍᒤᓕᐅᕐᑐᖅ ᐊᐅᓚᑕᐅᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 31:13

ᓇᓪᓕᐊᓐᓄᑦ ᐱᔨᓐᓄᑦ ᓈᒻᒪᒃᓴᖏᑦᑐᓄᑦ ᐅᖃᐅᑦᔭᐅᓗᖓ, ᓈᓚᓚᐅᕐᓂᖏᒃᑯᒪ ᑲᒪᒋᔪᒪᓚᐅᕐᓂᖏᒃᑯᒃᑭᓪᓗ.

ᔫᐱᐅᑉ ᐊᒡᓚᖏᑦ 29:16

ᐊᒃᓱᔪᓄᑦ ᐊᑖᑕᒋᔭᐅᓚᐅᕐᐳᖓ, ᖃᐅᔨᒪᓐᖏᑕᓐᓂᒃ ᓈᒻᒪᓐᖏᓕᐅᕐᑐᖃᓕᕐᑎᓪᓗᒍ ᖃᐅᔨᓴᕈᑦᔨᕙᓚᐅᕐᐳᖓ.

ᓂᕼᐃᒤᐊᐅᑉ ᐊᒡᓚᖏᑦ 7:2

ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.

ᒨᓯᓯ ᐂᑉᐸᖏᑦ 18:25

ᒨᓯᓯᓗ ᓂᕈᐊᕐᐳᖅ ᐊᖑᑎᓂᒃ ᐱᔪᓐᓇᑦᓯᐊᕐᑐᓂᒃ ᐃᓴᕆᐊᓕᒥᐅᓂᑦ, ᐃᓄᖕᓄᓪᓗ ᑕᓯᐅᕐᑎᓐᖑᕐᑎᓪᓗᒋᑦ, ᐃᓚᖏᑦ 1,000ᓄᑦ, ᐃᓚᖏᓪᓗ 100ᓄᑦ, ᐃᓚᖏᓪᓗ 50ᓄᑦ ᐃᓚᖏᓪᓗ 10ᓄᑦ.

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:33

ᑮᓇᐅᔭᓂᒃ ᐊᓐᓄᕌᒃᓴᓂᒡᓘᓐᓃᑦ ᐃᓕᑦᓯᓐᓂᑦ ᕿᓄᓚᐅᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᓘᑲᓯᐅᑉ ᐊᒡᓚᖏᑦ 18:4

ᐃᖅᑲᕐᑐᐃᔨ ᐊᑯᓂ ᐅᐸᓚᐅᓐᖏᓚᖅ; ᑭᖑᓂᖓᒍᓪᓕ ᐃᓱᒪᓕᕐᐳᖅ, ‘ᒎᑎᒥᒃ ᓯᕘᕋᖏᒃᑲᓗᐊᕐᐳᖓ ᐃᓄᖕᓂᒡᓗ ᐃᓕᕋᓱᖕᓇᖓ.

ᓘᑲᓯᐅᑉ ᐊᒡᓚᖏᑦ 18:2

ᐅᖃᐅᑎᕔᑦ, “ᓄᓇᓕᖕᓂ ᐃᖅᑲᕐᑐᐃᔨᑕᖃᓚᐅᕐᐳᖅ ᒎᑎᒥᒃ ᓯᕘᕋᖏᑦᑐᒥᒃ, ᐃᓄᖕᓂᒡᓗ ᐃᓕᕋᓱᒐᓂ.

ᐂᓮᐊᓯᐅᑉ ᐊᒡᓚᖏᑦ 16:5

ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᐊᑕᓃᑦ ᓯᕗᓪᓖᑦ 18:12

ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᓯᕗᓪᓖᑦ 18:3

ᐂᕼᐊᐱᐅᑉ ᐅᐸᑍᐊ ᕾᖁᕚ, ᑲᒪᔨᐅᔪᖅ ᐃᒡᓗᖓᓂᒃ. (ᑖᓐᓇ ᐅᐸᑍᐊ ᑲᒪᑦᓯᐊᓪᓚᕆᒃᑑᕗᖅ ᐊᑕᓂᕐᒥᒃ;

ᓴᒧᐃᓕ ᓯᕗᓪᓖᑦ 8:12

ᐃᓚᖏᓪᓗ ᐊᖓᔪᖅᑲᐅᑎᑦᓱᒫᕐᐰᑦ ᐊᐅᓚᑦᓯᔨᐅᓗᑎᒃ 1,000ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ ᐱᕈᕐᓰᕕᓕᕆᔨᖁᑎᒋᔪᒫᕐᐰᑦ, ᐃᓚᖏᓪᓗ ᐱᕈᕐᑐᓂᒡᓗ ᓄᐊᑦᓯᔨᒋᓗᓂᒋᑦ, ᐃᓚᖏᓪᓗ ᓴᓇᔨᒋᔪᒫᕐᐰᑦ ᐅᓇᑕᐅᑎᓂᒃ ᐃᓚᖏᓪᓗ ᕿᒧᒃᓯᐅᑎᓄᑦ ᑲᓕᒐᓕᐅᕐᑎᒋᓗᓂᒋᑦ ᐊᒃᓴᓗᐊᓕᖕᓂᒃ.

ᔮᓱᐊᑉ ᐊᒡᓚᖏᑦ 22:14

ᓯᕗᓕᕐᑏᑦ ᐊᖑᑏᑦ ᖁᓕᑦ ᒪᓕᒃᐳ ᕕᓂᕼᐊᔅᒥᒃ, ᐃᓚᒌᓂᑦ ᐊᑕᐅᓯᕐᒥᒃ ᐊᑐᓂᑦ ᐱᓯᒪᓪᓗᑎᒃ ᐊᖓᔪᖅᑳᖑᔪᑦ ᑭᖑᕚᕇᓂᑦ.

ᒨᓯᓯ ᓯᑕᒪᖏᑦ 10:4

ᐊᑕᐅᓯᕐᓕ ᓂᓪᓕᕐᑎᑕᐅᒃᐸᑦ, ᑕᕝᕙ ᓯᕗᓕᕐᑎᑦ ᑭᓯᒥ, ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᕐᑎᖏᑦ ᓵᖕᓂ ᑲᑎᔭᕆᐊᖃᕐᐳᑦ.

ᒨᓯᓯ ᓯᕗᓪᓖᑦ 47:6

ᑕᕝᕙ ᐄᑦᔨᑉᑎᐅᑉ ᓄᓇᖓ ᐃᓕᖕᓄᑦ ᒪᓂᕗᖅ; ᐊᑖᑍᑦ ᐊᖓᔪᑎᓪᓗ ᓄᓇᑖᕐᑎᓚᐅᒃᑭᑦ ᓄᓇᐅᑉ ᐱᐅᓂᕐᐹᖓᓂ; ᓄᓇᒥ ᒎᓯᓂᒥ ᓄᓇᑖᕐᑎᓚᐅᒃᑭᑦ; ᖃᐅᔨᒪᔭᖃᕈᕕᓪᓗ ᑖᒃᑯᓇᓂ ᐱᔪᓐᓇᑦᓯᐊᕐᑐᓂᒃ, ᐆᒪᔪᖁᑎᓐᓄᑦ ᑲᒪᔨᐅᔪᓄᑦ ᐊᖓᔪᖅᑳᓐᖑᕐᑎᑦᓯᓂᐊᕐᐳᑎᑦ.”

ᒨᓯᓯ ᓯᑕᒪᖏᑦ 1:4

ᐊᖑᑎᓂᒃ ᐃᓚᖃᕐᓗᓯ ᑭᖑᕚᖑᖃᑎᒌᓂᑦ ᐊᑐᓂᑦ ᐱᓯᒪᔪᓂᒃ, ᓯᕗᓕᕐᒥᖕᓂᑦ ᐊᐅᓚᑦᓯᔨᐅᔪᓂᒃ ᐊᑐᓂᑦ.

ᒨᓯᓯ ᓯᑕᒪᖏᑦ 1:16

ᑖᒃᑯᐊ ᑕᕝᕙ ᓂᕈᐊᕐᑕᐅᓚᐅᕐᑐᑦ ᐃᓅᖃᑎᒌᒡᔪᐊᓂᑦ, ᑭᖑᕚᖑᖃᑎᒌᓄᑦ ᐊᖓᔪᖅᑳᑦ, ᐃᓴᕆᐊᓕᒥᐅᑦ ᐊᕕᒃᑐᕐᓯᒪᓂᖏᓐᓂ ᓯᕗᓕᕐᑎᐅᔪᑦ.

ᒨᓯᓯ ᑕᓪᓕᒪᖏᑦ 22:18

ᑕᕝᕙ ᐃᒡᓗᒐᓴᖕᓂ ᐊᖓᔪᖅᑳᓄᑦ ᐊᖑᑦ ᑍᒤᓕᐅᓚᐅᕐᑐᖅ ᑏᒐᕐᑐᕐᑕᐅᔪᒃᓴᐅᕗᖅ.

ᐄᓱᕋᐅᑉ ᐊᒡᓚᖏᑦ 7:25

ᐃᕝᕕᓪᓗ ᐄᓱᕌ, ᓯᓚᑐᓃᑦ ᐊᑐᕐᓗᒍ ᒎᑎᐅᑉ ᑐᓂᓚᐅᕐᑕᖓ ᐃᓕᖕᓄᑦ, ᑎᓕᓯᔪᒃᓴᐅᕗᑎᑦ ᑲᒪᔨᐅᓂᐊᕐᑐᓂᒃ ᓯᕗᓕᕐᑎᓂᒃ ᐃᖅᑲᕐᑐᐃᔨᓂᒡᓗ ᐊᐅᓚᑦᓯᔪᒃᓴᓂᒃ ᐃᓄᖕᓂᒃ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᐃᓅᔪᓂᒃ ᒎᑎᑦᓯ ᐱᖁᔭᖏᑦ ᒪᓕᒡᓗᒋᑦ ᐃᓕᓐᓂᐊᕐᑎᑦᓯᔪᒃᓴᐅᕗᓯᓗ ᐱᖁᔭᓂᒃ ᖃᐅᔨᒪᖏᑦᑐᓂᒃ.

ᔫᐱᐅᑉ ᐊᒡᓚᖏᑦ 1:1

ᐊᖑᑎᑕᖃᓚᐅᕐᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᕐᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᕐᓗᓂ, ᐱᐅᖏᑦᑐᓕᓂᕐᒥᒡᓗ ᐊᑐᕐᑍᓕᒪᓪᓗᓂ.

ᐃᓐᖏᕈᑎᑦ 15:1

ᐊᑕᓃᖅ, ᑭᓇ ᐃᑦᔪᕐᓁᑦᑐᕕᖕᒥ ᑐᐱᕐᔪᐊᖁᑎᖕᓂ ᐃᓂᖃᕈᓐᓇᕐᐹ? ᑭᓇ ᖃᖅᑲᖁᑎᖕᓂ ᐃᑦᔪᕐᓁᑦᑐᒥ ᐃᓂᖃᕈᓐᓇᕐᐹ?

ᒨᓯᓯ ᐂᑉᐸᖏᑦ 17:9

ᒨᓯᓯ ᐅᖃᕐᐳᖅ ᔮᓱᐊᒧᑦ, “ᐊᖑᑎᓂᒃ ᓂᕈᐊᓚᐅᕆᑦ, ᑖᒃᑯᐊᓗ ᐃᓚᒋᓗᒋᑦ ᐊᒪᓕᒃᒥᐅᑦ ᖃᐅᒃᐸᑦ ᐅᓇᑕᕆᐊᓛᕐᐸᓯ; ᖃᐅᒃᐸᑦ ᖃᖅᑲᐅᑉ ᖄᖓᓂ ᓇᖏᓛᕐᐳᖓ ᒎᑎᐅᑉ ᐊᔭᐅᑉᐱᐊᖁᑎᐊ ᑎᒍᒥᐊᕐᓗᒍ.”

ᓴᒧᐃᓕ ᐂᑉᐸᖏᑦ 18:1

ᐊᖓᔪᖅᑳᕐᔪᐊᑉ ᑍᕕᑎᐅᑉ ᐃᓄᖁᑎᓕᒫᓂ ᑲᑎᖁᓚᐅᕐᐰᑦ, ᐊᕕᒃᑐᓚᐅᕐᐰᓪᓗ 1,000ᓄᑦ ᐊᖓᔪᖅᑳᖑᓂᐊᕐᑐᑦ, 100ᓄᓪᓗ.