ᒨᓯᓯ ᐂᑉᐸᖏᑦ 18:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᔨᑐᕉᓗ ᒨᓯᓯᐅᑉ ᓴᑭᖓ, ᑐᓂᕐᕈᑎᒃᓴᓂᒃ ᐃᑯᐊᓚᔭᒃᓴᓂᒡᓗ ᑐᓂᕐᕈᓯᓚᐅᕐᐳᖅ ᒎᑎᒧᑦ; ᐂᕉᓂᓗ ᕾᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᓂᕆᖃᑕᐅᓪᓗᑎᒃ ᑐᓂᕐᕈᑎᐅᔪᓂᒃ ᑕᒪᓐᓇᓗ ᑐᒃᓯᐊᕐᓂᕐᒧᑦ ᐃᓚᒋᔭᐅᑎᓪᓗᒍ ᐱᓂᐊᕐᓂᐅᓚᐅᐳᖅ ᒎᑎᐅᑉ ᓵᖓᓂ.

ᒨᓯᓯ ᐂᑉᐸᖏᑦ 18:12 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᓯᕗᓪᓖᑦ 31:54

ᔧᑯᓗ ᐆᒪᔪᒥᒃ ᑐᓂᕐᕈᑎᖃᕐᐳᖅ ᑐᓂᕐᕈᓯᕈᑎᒋᓪᓗᒍ ᖃᖅᑲᒥ, ᐃᓚᓂᓗ ᕾᖁᕔᑦ ᓂᕆᑲᑎᒌᒃᓗᑎᒡᓗ; ᓂᕆᔭᕇᕋᒥᒡᓗ, ᑕᕝᕙᓂ ᖃᖅᑲᒥ ᓯᓂᒃᑕᓚᐅᕐᐳᑦ.

ᒨᓯᓯ ᐂᑉᐸᖏᑦ 24:11

ᒎᑎᐅᓪᓗ ᑖᒃᑯᐊ ᐃᓴᕆᐊᓕᒥᐅᓂ ᑕᓯᐅᕐᑎᐅᔪᑦ ᖃᓄᐃᓕᑎᓚᐅᓐᖏᓔᑦ; ᑖᑦᓱᒥᖓ ᑕᑯᒐᓗᐊᕐᑎᓪᓗᒋᑦ, ᓂᕆᖃᑎᒌᒃᓗᑎᒡᓕ ᐃᒥᖃᑎᒌᓕᕐᐳᑦ ᑕᕝᕙᓂ.

ᒨᓯᓯ ᐂᑉᐸᖏᑦ 24:5

ᐃᓅᓱᒃᑐᓂᒡᓗ ᐃᓴᕆᐊᓕᒥᐅᓂᒃ ᑎᓕᓯᕗᖅ, ᑖᒃᑯᐊᓗ ᐃᑯᐊᓚᑦᓯᕗᑦ ᑐᓂᕐᕈᑎᓂᒃ ᐊᑕᓂᕐᒧᑦ. ᐃᒻᒧᒃᓯᐅᒐᕐᓂᒡᓗ ᑐᓂᕐᕈᓯᕆᓪᓗᑎᒃ ᒎᑎᒥᒃ ᐃᓚᖃᑦᓯᐊᕐᓂᖅ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:21

ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:18

ᐃᓴᕆᐊᓕᒥᐅᑦ ᐃᓱᒪᒋᓯᐅᒃ; ᑐᓂᕐᕈᑕᐅᔪᓂᒃ ᒎᑎᒧᑦ ᓂᕆᔪᑦ ᐱᖃᑕᐅᓐᖏᓛᑦ ᑐᓂᕐᕈᓯᕐᕕᖕᒥᑦ?

ᓘᑲᓯᐅᑉ ᐊᒡᓚᖏᑦ 14:15

ᑕᕝᕙᓂ ᓂᕆᖃᑕᐅᔪᑦ ᐃᓚᖓᑦᑕ ᑕᒪᓐᓇ ᑐᓴᕋᒥᐅᒃ, ᔩᓱᓯ ᐅᖃᐅᑎᕚ, “ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᑦ ᑍᒃᑯᐊ ᓂᕆᖃᑕᐅᔪᒫᕐᑐᑦ ᒎᑎᐅᑉ ᐊᑕᓂᐅᕕᖓᓂ!”

ᓘᑲᓯᐅᑉ ᐊᒡᓚᖏᑦ 14:1

ᓴᐸᑎᑦ ᐃᓚᖓᓐᓂ ᔩᓱᓯ ᓂᕆᔭᕐᑐᕐᐳᖅ ᐹᕆᓯᑦ ᓯᕗᓕᕐᑎᖓᑦᑕ ᐃᓚᖓᑦᑕ ᐃᒡᓗᖓᓄᑦ, ᑖᒃᑯᐊ ᖃᐅᔨᓴᑦᓯᐊᕋᓱᒃᐹᑦ.

ᑖᓂᐊᓕᐅᑉ ᐊᒡᓚᖏᑦ 10:3

ᓂᕿᑦᓯᐊᕙᖕᓂᒃ ᓂᕆᓚᐅᓐᖏᓚᖓ; ᓂᕿᒥᒡᓘᓐᓃᑦ ᕔᓂᒥᒡᓘᓐᓃᑦ ᖃᓂᓐᓄᑦ ᐊᒃᑐᕐᓯᓚᐅᓐᖏᓚᖓ, ᐅᕙᓐᓂᒡᓗ ᐅᕐᓱᕐᑎᓚᐅᓐᖏᓚᖓ ᐱᓇᓱᐊᕈᓰᑦ ᐱᖓᓱᑦ ᐊᓂᒍᕐᓗᒋᑦ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᑯᕉᓂᑲ ᐂᑉᐸᖏᑦ 30:22

ᕼᐃᓯᑬᐊᐅᓪᓗ ᐅᖃᐅᑎᓪᓗᒋᑦ ᑲᔪᖏᕐᓴᕐᐰᑦ ᓕᕔᑎᓕᒫᑦ ᐱᔪᓐᓇᑦᓯᐊᕐᓗᑎᒃ ᐱᓕᕆᔪᑦ ᐱᓇᓱᐊᕆᐊᓕᖕᒥᖕᓂᒃ ᐊᑕᓂᕐᒧᑦ. ᑕᕝᕙ ᐃᓄᐃᑦ ᓂᕆᓚᐅᕐᐳᑦ ᓇᓪᓕᐅᓐᓂᕐᓯᐅᕐᓗᑎᒃ ᐅᓪᓗᓂᒃ 7ᓂᒃ, ᑐᓂᕐᕈᓯᕐᓗᑎᒃ ᓮᒻᒪᕐᑎᑕᐅᑦᔪᑎᒃᓴᒧᑦ ᑐᓂᕐᕈᓯᕐᐳᓪᓗ ᖁᔭᓕᓪᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᓴᒧᐃᓕ ᐂᑉᐸᖏᑦ 9:7

ᑍᕕᑎᐅᓪᓗ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ; ᐱᑦᓯᐊᕐᕕᒋᓂᐊᕐᐸᒋᑦ ᐊᑖᑍᑦ ᔫᓇᑕᓂ ᐱᓪᓗᒍ, ᑐᓂᓯᕕᒋᓂᐊᕐᐸᒋᑦ ᐅᑎᕐᑎᑦᓯᕕᒋᓗᑎᑦ ᐊᑖᑕᑦᓯᐊᕕᑦ ᓴᐅᓕᐅᑉ ᓄᓇᖁᑎᒋᓚᐅᕐᑕᓕᒫᖓᓂᒃ; ᑍᒪᓐᖓᓕᒫᕐᓗ ᓂᕆᖃᑦᑕᕐᓂᐊᕐᐳᑎᑦ ᓂᕆᕕᓐᓂ.”

ᒨᓯᓯ ᑕᓪᓕᒪᖏᑦ 27:7

ᑕᕝᕙᓂᓗ ᑐᓂᕐᕈᓯᕐᑐᒃᓴᐅᕗᓯ ᓂᕆᓗᒋᓪᓗ ᑐᓂᕐᕈᑎᒋᓯᒪᔭᓯ ᐃᓚᒌᖕᓂᕐᒧᑦ ᑐᓂᕐᕈᓯᕈᑎᐅᔪᑦ ᖁᔭᓕᓗᓯᓗ ᐊᑕᓂᐅᑉ ᒎᑎᑦᓯ ᓵᖓᓂ.

ᒨᓯᓯ ᐂᑉᐸᖏᑦ 2:20

ᐸᓂᓂᓗ ᐊᐱᕆᕔᑦ, “ᓇᐅᒃ ᑍᒪ? ᖃᓄᐃᒻᒪᑦ ᕿᒤᓐᓇᕐᐱᓯᐅᒃ ᑖᕗᖓ, ᕾᖁᔭᕐᑐᕐᓯᐅᒃ ᓂᕆᖃᑎᒋᓂᐊᕋᑦᑎᒍ.”

ᒨᓯᓯ ᓯᕗᓪᓖᑦ 43:25

ᑖᒃᑯᐊᓕ ᐂᑦᑑᑎᒃᓴᒥᖕᓂᒃ ᐊᑐᐃᓐᓇᕈᐃᕗᑦ ᔫᓯᐱ ᕿᑎᕋᓕᕐᒥ ᕾᒃᐸᑦ ᑐᓂᔭᒃᓴᒥᖕᓂᒃ, ᑐᓴᐅᒪᒐᒥᒃ ᑕᕝᕙᓂ ᓂᕆᖃᑎᒋᓂᐊᕐᒪᒋᑦ.

ᒨᓯᓯ ᓯᕗᓪᓖᑦ 26:25

ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ, ᑕᕝᕙᓂᓗ ᑕᖕᒫᕐᑎᕐᓗᓂ, ᐱᔨᖏᓪᓗ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᕗᑦ.

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᒨᓯᓯ ᓯᕗᓪᓖᑦ 4:4

ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ.

ᒨᓯᓯ ᐂᑉᐸᖏᑦ 2:16

ᐅᓪᓗᓪᓕ ᐃᓚᖓᓐᓂ ᒨᓯᓯ ᐃᒃᓯᕙᑎᓪᓗᒍ ᐃᒥᕐᑕᕐᕕᖕᒥ ᔩᑕᓘᑉ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᐸᓂᖏᑦ 7 ᑎᑭᑉᐳᑦ ᐆᒪᔪᖁᑎᖏᑕ ᐃᒪᖃᐅᑎᖏᓐᓂᒃ ᐃᒻᒥᕐᓯᔭᕐᑐᕐᓗᑎᒃ.

ᒨᓯᓯ ᐂᑉᐸᖏᑦ 3:1

ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᕐᐳᖅ ᐃᑦᔪᕐᓁᓐᓂᕋᕐᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ.

ᒨᓯᓯ ᐂᑉᐸᖏᑦ 18:13

ᖃᐅᑎᓪᓗᒍ ᒨᓯᓯ ᐃᒃᓯᕙᓕᕐᐳᖅ ᐃᓄᖕᓂᒃ ᐋᖅᑭᒃᓱᐃᓂᕐᒥᒃ ᐱᓇᓱᐊᕐᓗᓂ, ᐃᓄᓕᕆᓚᐅᕐᐳᕐᓗ ᐅᓪᓛᒥᑦ ᐱᒋᐊᕐᓗᓂ ᐅᓐᓄᒧᑦ ᑎᑭᓪᓗᒍ.

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᒨᓯᓯ ᐂᑉᐸᖏᑦ 33:7

ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ.

ᒨᓯᓯ ᓯᑕᒪᖏᑦ 10:29

ᒨᓯᓯ ᕼᐅᐹᐱᒧᑦ ᐅᖃᕐᐳᖅ ᕆᐅᓕᐅᑉ ᐃᕐᓂᖓᓄᑦ ᒥᑎᐊᓂᒥᐅᑕᕐᒧᑦ ᓴᑭᒥᓄᑦ, “ᐊᐅᓪᓚᓕᕋᑦᑕ ᓄᓇᒧᑦ ᐊᑕᓂᐅᑉ ᐅᖃᐅᓯᕆᔭᖓᓄᑦ, ‘ᓄᓇ ᐃᓕᑦᓯᓐᓄᑦ ᑐᓂᓂᐊᕐᐸᕋ,’ ᐅᕙᑦᑎᓐᓄᑦ ᐃᓚᐅᓚᐅᕆᑦ ᑲᒪᒋᑦᓯᐊᕐᓂᐊᕐᐸᑦᑎᒋᑦ; ᐊᑕᓂᖅ ᐊᖏᕐᓯᒪᖕᒪᑦ ᐱᐅᔪᓂᒃ ᐱᓂᐊᕐᓂᕋᕐᓗᓂ ᐃᓴᕆᐊᓕᒧᑦ.”

ᒨᓯᓯ ᓯᕗᓪᓖᑦ 26:30

ᑍᒤᒻᒪᑦ ᓂᕆᓂᐊᕐᑕᖏᓐᓂᒃ ᐊᑐᐃᓐᓇᕈᕐᑎᕆᕗᖅ, ᑖᒃᑯᐊᓗ ᓂᕆᕗᑦ ᐃᒥᕐᓗᑎᒡᓗ.