ᒨᓯᓯ ᐂᑉᐸᖏᑦ 15:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᐂᑉᐸᖏᑦ 15:16 ပူးပေါင်းရင်းမြစ်များ

ᐃᓐᖏᕈᑎᑦ 74:2

ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.

ᒨᓯᓯ ᑕᓪᓕᒪᖏᑦ 2:25

ᐅᓪᓗᒥᒥᑦ ᐱᒋᐊᕐᓗᒍ ᓇᓂᑐᐃᓐᓇᒥᐅᓄᑦ ᐃᓄᖕᓄᑦ ᓯᕘᕋᒋᔭᐅᓕᕐᑎᓐᓂᐊᕐᐸᑦᓯ. ᐃᓕᑦᓯᓐᓂᒃ ᑍᓯᔪᖃᑐᐊᕐᐸᑦ ᑍᒃᑯᐊᓕᒫᖅ ᓴᔪᓕᖃᑦᑕᕐᓂᐊᕐᐳᑦ ᑲᑉᐱᐊᓱᒧᑦ.’”

ᓴᒧᐃᓕ ᓯᕗᓪᓖᑦ 25:37

ᐅᓪᓛᓐᖑᕐᑎᓪᓗᒍ ᓁᐳᓕ ᐋᖓᔮᕈᓐᓃᕐᒪᑦ, ᓄᓕᐊᖓᑕ ᑕᒪᒃᑯᓂᖓ ᐱᓂᐊᕐᓂᐅᓚᐅᕐᑐᓂᒃ ᐅᖃᐅᑎᖕᒪᒍ, ᐆᒻᒪᓯᕗᖅ ᓄᑭᖃᕈᓐᓃᕐᓗᓂ ᐅᔭᕋᒃᑎᑐᑦ.

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 31:11

ᐊᑕᓂᐅᑉ ᔧᑯᒃᑯᑦ ᐅᑎᕐᑎᑕᐅᓂᖓ ᐊᑭᓕᕈᒫᕐᐹ, ᓵᓚᒋᔨᒋᓯᒪᔭᖏᓐᓂᓪᓗ ᐱᐅᓕᓗᒋᑦ ᐅᑎᕐᑎᑦᓱᒫᕐᐰᑦ.

ᒨᓯᓯ ᑕᓪᓕᒪᖏᑦ 11:25

ᐃᓄᖕᓄᑦ ᓇᓪᓕᐊᓐᓄᑐᐃᓐᓇᖅ ᐊᑭᕋᕐᑐᕐᑕᐅᔪᓐᓇᕐᓂᐊᓐᖏᓚᓯ; ᐊᑕᓂᐅᑉ ᒎᑎᑦᓯ ᐃᓄᖕᓄᑦ ᓯᕘᕋᒋᔭᐅᑎᓐᓂᐊᕐᒪᓯ, ᑲᑉᐱᐊᒋᔭᐅᑎᓐᓂᐊᕐᐹᓯᓗ ᓇᓂᓕᒫᖅ ᓄᓇᒥ ᐱᓱᒡᕕᒋᔪᒫᕐᑕᑦᓯᓐᓂ, ᑍᒫᒃ ᐅᖃᕐᓯᒪᒐᒥ.

ᒨᓯᓯ ᐂᑉᐸᖏᑦ 11:7

ᕿᒻᒦᓪᓘᓐᓃᑦ ᕿᓗᖕᓂᐊᓐᖏᓚᑦ ᐃᓴᕆᐊᓕᒥᐅᓄᑦ ᓂᕐᔪᑎᖁᑎᖏᓐᓄᓪᓗ, ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᖅ ᐄᑦᔨᑉᑎᒥᐅᓂᒃ ᐃᓴᕆᐊᓕᒥᐅᓂᒡᓗ ᐊᑦᔨᒌᓐᖏᑎᑦᓯᓂᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 51:10

ᐃᕝᕕᓂᓐᓈ ᐃᒪᕐᔪᐊᖅ ᐃᒤᕈᑎᑎᓚᐅᕐᐱᐅᒃ? ᐃᒪᕐᐱᒃ ᐃᑎᔪᖅ; ᐊᖅᑯᑎᓕᐅᕐᓗᑎᑦ ᐃᒪᕐᔪᐊᒃᑯᑦ, ᓂᐅᕕᐊᖑᓪᓗᑎᒃ ᐅᑎᕐᑎᑕᐅᓯᒪᔪᑦ ᐊᖅᑯᑎᖃᕐᓗᑎᒃ ᐃᑳᕈᓐᓇᕐᓯᖁᓪᓗᒋᑦ.

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 2:9

ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 32:6

ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᒨᓯᓯ ᐂᑉᐸᖏᑦ 23:27

“ᐊᑭᕋᕐᑐᕐᑎᓯ ᐅᕙᓐᓂᒃ ᑲᑉᐱᐊᓱᓕᕐᑎᓐᓂᐊᕐᐸᒃᑲ, ᐅᓇᑕᖃᑎᒋᔭᓕᒫᓯᓗ ᓇᓗᓕᕐᓇᕐᑐᒧᑦ ᑎᑭᑕᐅᑎᓐᓂᐊᕐᐸᒃᑲ, ᐊᑭᕋᕐᑐᕐᑎᓯᓗ ᐃᓕᑦᓯᓐᓂᑦ ᕿᒫᑎᓪᓗᒋᑦ.

ᒨᓯᓯ ᓯᕗᓪᓖᑦ 35:5

ᑕᕝᕙᓐᖓᑦ ᐊᐅᓪᓚᓕᕐᓗᑎᒃ, ᓄᓇᓖᑦ ᖃᓂᒋᔮᓃᑦᑐᑦ ᑲᑉᐱᐊᓱᖕᓂᕐᔪᐊᕐᒧᑦ ᒎᑎᒥᑦ ᐱᔪᒧᑦ ᑎᑭᑕᐅᕗᑦ, ᒪᓕᒃᓴᖁᓇᒋᑦ ᔧᑰᑉ ᐃᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 15:5

ᐃᒪᕐᒧᑦ ᐅᓕᒃᑕᐅᕗᑦ; ᐅᔭᖅᑲᑎᑐᓪᓕ ᑭᕕᕗᑦ ᐃᖅᑲᖓᓄᑦ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 18:8

ᒨᓯᓯᐅᓪᓗ ᓴᑭᓂ ᐅᓂᒃᑲᐅᑎᓕᕐᐹ ᐊᑕᓂᐅᑉ ᐱᓇᓱᐊᓚᐅᕐᑕᓕᒫᖏᓐᓂᒃ ᐰᕉᒧᑦ ᐄᑦᔨᑉᑎᒥᐅᓄᓪᓗ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᓂᒃᑲᐅᑎᒋᓪᓗᓂᐅᒡᓗ ᐃᓴᕆᐊᓕᒥᐅᑦ ᖃᓄᖅ ᐅᖁᒤᑦᑐᒃᑰᕐᓯᒪᓂᖏᓐᓂᒃ ᐃᖏᕐᕋᓕᕐᑎᓪᓗᒋᑦ ᖃᓄᕐᓗ ᐊᑕᓂᕐᒧᑦ ᓴᐳᑎᔭᐅᓯᒪᓂᕐᒥᖕᓂᒃ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 23:20

“ᑕᑯᒋᑦ, ᐂᖏᓕᒥᒃ ᑎᓕᓯᕗᖓ ᓯᕗᓂᕐᓄᑦ, ᑖᑦᓱᒧᖓ ᓴᐳᑎᔭᐅᓯᒪᖁᓪᓗᑎᑦ ᐊᖅᑯᑎᖕᓂ ᓄᓇᒧᓪᓗ ᐃᓕᖕᓄᑦ ᐅᐸᓗᖎᕐᓯᒪᔭᓐᓄᑦ ᑎᑭᑦᓱᓐᓇᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 2:4

ᐃᓕᑦᓯᓐᓂᒃ ᐅᖃᐅᑦᔨᖁᓪᓗᖓ ᖃᐅᔨᒪᑦᔪᑎᒃᓴᑦᓯᓐᓂᒃ ᐃᒫᒃ ᐅᖃᐅᑎᓚᐅᕐᐹᖓ: ‘ᓰᐊᕆᐅᑉ ᖃᖅᑲᖏᑎᒍᑦ ᐃᖏᕐᕋᓂᐊᓕᕋᑦᓯ, ᑖᒃᑯᐊ ᑕᒫᓂ ᓄᓇᓖᑦ ᐅᖓᓯᒋᔭᑦᓯᒍᑦ ᐃᓚᒋᒐᓗᐊᕐᐸᓯ, ᐄᓴᐅᑉ ᑭᖑᕚᕆᖕᒪᒋᑦ. ᐃᓕᑦᓯᓐᓂᒡᓕ ᓯᕘᕋᓂᐊᕐᐳᑦ,

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”

ᐃᓐᖏᕈᑎᑦ 105:38

ᐄᑦᔨᑉᑎᒥᐅᑦ ᖁᕕᐊᓱᓚᐅᕐᐳᑦ ᐃᓴᕆᐊᓕᒥᐅᑦ ᐊᐅᓪᓚᕐᒪᑕ, ᑲᑉᐱᐊᓱᒻᒪᕆᓕᓚᐅᕐᒪᑕ ᑖᒃᑯᓂᖓ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᒨᓯᓯ ᐂᑉᐸᖏᑦ 23:22

ᓈᓚᖕᓂᐊᕈᑦᓯᐅᒡᓕ ᐅᖃᓯᕆᔭᒃᑲᓗ ᑖᑦᓱᒨᓇ ᐱᓇᓱᐊᕈᑎᒋᓂᐊᕈᑦᓯᐅᒃ, ᑕᕝᕙ ᐊᑭᕋᕐᑐᑎᓯ ᐊᑭᕋᕐᑐᕐᑎᒋᓂᐊᕆᕙᒃᑲ ᐅᓇᖕᒥᔨᓯᓗ ᐅᓇᖕᒥᔨᒋᓗᒋᑦ.

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.