ᒨᓯᓯ ᐂᑉᐸᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:3 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᐊᑕᓃᑦ ᓯᕗᓪᓖᑦ 8:42

ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ,

ᑯᕉᓂᑲ ᓯᕗᓪᓖᑦ 16:12

ᑲᒪᓇᕐᑐᓕᓃᑦ ᐱᓂᐊᕐᓂᕆᓚᐅᕐᑕᖏᑦ ᐃᖅᑲᐅᒪᓯᒋᒃ, ᓇᓗᓁᒃᑯᑍᑦ ᓴᖅᑭᑎᓚᐅᕐᑕᖏᑦ, ᐋᖅᑭᒃᓱᐃᓂᖏᓪᓗ ᐅᖃᐅᓯᒃᑯᑦ,

ᓂᕼᐃᒤᐊᐅᑉ ᐊᒡᓚᖏᑦ 1:10

“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᓂᕐᔪᐊᕐᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᓄᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᐃᓐᖏᕈᑎᑦ 105:5

ᑲᒪᓇᕐᑐᓕᓃᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᐃᖅᑲᐅᒪᓯᒋᒃ, ᓇᓗᓁᒃᑯᑕᖏᑦ ᐋᖅᑭᒃᓱᐃᓂᕆᖃᑦᑕᓚᐅᕐᑕᖏᓪᓗ ᐅᖃᐅᓯᕐᒥᒍᑦ,

ᐃᓐᖏᕈᑎᑦ 114:1

ᐃᓴᕆᐊᓕᒥᐅᑦ ᐄᑦᔨᑉᑎᒥᑦ ᐊᐅᓪᓚᕋᒥᒃ, ᔧᑰᑉ ᑭᖑᕚᖏᑦ ᐃᓄᖕᓂᑦ ᐅᖃᐅᓯᖃᖃᑎᒋᓐᖏᑕᒥᖕᓂᑦ;

ᐃᓐᖏᕈᑎᑦ 136:11

ᐃᓴᕆᐊᓕᒃᑯᓐᓂᒡᓗ ᐊᐅᓪᓚᕐᑎᑦᓯᓚᐅᕐᑐᖅ ᑕᕝᕙᓐᖓᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᒨᓯᓯ ᐂᑉᐸᖏᑦ 12:15

ᐊᑕᓂᖅ ᐅᖃᕐᐳᖅ, “ᐅᓪᓗᓂᒃ 7ᓂᒃ ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᔪᒃᓴᐅᕗᓯ; ᐅᓪᓗᑦ ᓯᕗᓪᓕᕐᐹᖓᓐᓂ ᐳᕙᓪᓚᕐᓴᐅᑎᑦ ᐃᒡᓗᑦᓯᓐᓃᑦᑐᑦ ᐊᓂᑕᐅᔪᒃᓴᐅᕗᑦ, ᓇᓪᓕᐊᑦ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖅ, ᑖᒃᑯᐊ ᐅᓪᓗᑦ 7 ᓈᓚᐅᕐᑎᓐᓇᒋᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.

ᒨᓯᓯ ᐂᑉᐸᖏᑦ 12:17

ᑕᒪᓐᓇ ᓇᓪᓕᐅᓐᓂᖅ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᕐᑐᕐᕕᒃ ᓇᓪᓕᐅᓐᓂᕐᓯᐅᕐᐸᖑᒫᕐᐸᓯ, ᑖᑦᓱᒪᓂ ᐅᓪᓗᒥ ᐃᓅᖃᑎᓯ ᐊᓂᑎᓚᐅᕋᒃᑭᑦ ᐄᑦᔨᑉᑎᐅᑉ ᓄᓇᖓᓂᑦ; ᑍᒤᒻᒪᑦ ᑖᓐᓇ ᐅᓪᓗᖅ ᐃᒃᐱᒋᑦᓯᐊᕋᒃᓴᕆᕙᓯ, ᑭᖑᕚᕆᔪᒫᕐᑕᓯᓗ, ᓇᓪᓕᐅᓂᕐᓯᐅᖃᑦᑕᕈᒫᕐᐸᓯ ᐅᓪᓗᓂ ᕾᔪᒫᕐᑐᓂ.

ᒨᓯᓯ ᐂᑉᐸᖏᑦ 12:19

ᐅᓪᓗᓂ ᑖᒃᑯᓇᓂ 7ᓂ ᐃᒡᓗᑦᓯᓐᓂ ᐳᕙᓪᓚᕐᓴᐅᒻᒥᒃ ᓇᓂᓯᔪᖃᕐᑐᒃᓴᐅᓐᖏᓚᖅ; ᓇᓪᓕᐊᓐᓂᒃ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖃᕐᐸᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ, ᐃᓅᖃᑎᑐᖃᕆᖏᒃᑲᓗᐊᕈᑦᓯᐅᒃ ᐃᓅᖃᑎᒋᒍᑦᓯᐅᒡᓘᓐᓃᑦ.

ᒨᓯᓯ ᐂᑉᐸᖏᑦ 12:2

“ᑕᒪᓐᓇ ᑕᖅᑭᖅ ᐊᑐᕐᑕᕗᑦ ᐃᓕᖕᓄᑦ ᓯᕗᓪᓕᕐᐸᐅᓗᓂ ᑕᖅᑭᕆᔭᐅᓂᐊᕐᐳᖅ; ᐅᑭᐅᕆᔭᕐᓄᓪᓗ ᓯᕗᓪᓕᕐᐸᐅᓗᓂ ᑕᖅᑭᐅᓂᐊᓕᕐᓗᓂ.

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 12:42

ᐅᓐᓄᐊᒥ ᑍᑦᓱᒪᓂ ᐊᑕᓂᐅᑉ ᖃᐅᔨᓮᓐᓇᓚᐅᕐᐰᑦ ᐊᐅᓪᓚᕐᑎᑉᐸᓪᓕᐊᓕᕐᓗᓂᒋᑦ ᐄᑦᔨᑉᑎᒥᑦ. ᑍᓐᓇ ᐅᓐᓄᐊᖅ ᑍᒤᓕᐅᕐᕕᐅᓚᐅᕐᑐᖅ ᐊᑕᓂᕐᒧᑦ ᑐᕌᖓᑎᑕᐅᕗᖅ ᑍᒪᓐᖓᓕᒫᖅ ᓇᓪᓕᐅᑎᔭᕌᖓᑦ ᐃᓴᕆᐊᓕᒥᐅᑦ ᖃᐅᔨᓴᕐᐸᒃᑐᒃᓴᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 12:8

ᑕᒪᑐᒪᓂᓗ ᐅᓐᓄᒥ ᓂᕿᖓ ᓂᕆᔭᐅᔪᒃᓴᐅᕗᖅ, ᐃᑯᒪᒧᑦ ᐆᑕᐅᓯᒪᑎᓪᓗᒍ; ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᖃᕐᑎᓪᓗᒍ ᐱᕈᕐᑐᕕᓂᕐᓂᒡᓗ ᖃᓯᓕᓇᕐᑐᓂᒃ ᓂᕿᒧᑦ ᐃᓚᒋᔭᐅᓲᓂᒃ ᐃᓚᖃᕐᑎᓪᓗᒍ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 20:8

“ᐅᓪᓗᖅ ᓴᐸᑎᐅᔪᖅ ᑲᒪᒋᑦᓯᐊᕈᒃ, ᐃᑦᔪᕐᓁᑎᓪᓗᒍᓗ.

ᒨᓯᓯ ᐂᑉᐸᖏᑦ 23:15

ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ; ᑍᒤᖃᑦᑕᖁᓚᐅᕋᑦᓯ, ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᔪᒃᓴᐅᕗᓯ ᐅᓪᓗᓂᒃ 7ᓂᒃ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ ᑕᖅᑭᒥ ᐊᐱᑎᒥ, ᑕᕝᕙᓂ ᓇᓪᓕᐅᓐᓂᕐᒥ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. ᓇᓪᓕᐊᓐᓂᒡᓘᓐᓃᑦ ᐅᕙᓐᓄᑦ ᑐᒃᓯᐊᕆᐊᕐᑐᖃᕐᑐᒃᓴᐅᓐᖏᓚᖅ ᑐᓂᕐᕈᑎᒃᓴᖃᖏᓪᓗᓂ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 34:18

“ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 34:13

“ᐃᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᓯᕗᓕᓯ ᐊᖏᖃᑎᒌᒍᑎᒥᒃ ᐋᖅᑭᒃᓯᖃᑎᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ ᑎᒍᔭᐅᓯᒪᕕᒋᓚᐅᕐᑕᖏᓐᓂᑦ. ᐅᖃᕐᓗᖓᓗ;

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᒫᑎᐅᓯᐅᑉ ᐊᒡᓚᖏᑦ 10:12

ᐃᒡᓗᒧᑦ ᐃᑎᕈᑦᓯ, ᐅᖃᕆᑦᓯ ‘ᓮᒪᓂᐅᑉ ᐃᓚᒋᓕᓯ.’

ᓘᑲᓯᐅᑉ ᐊᒡᓚᖏᑦ 22:19

ᓂᐊᖂᔭᖅ ᑎᒍᒐᒥᐅᒃ, ᖁᔭᓕᔭᕇᕋᒥ ᐊᕕᒃᐹ ᑖᒃᑯᓄᖓ ᑐᓂᓪᓗᒍ, ᐅᖃᕐᐳᖅ, “ᐅᓇ ᑕᕝᕙ ᑎᒥᒐ ᑐᓂᔭᐅᔪᖅ ᐃᓕᑦᓯᓐᓄᑦ. ᑍᒤᓕᐅᖃᑦᑕᕆᑦᓯ ᐃᖅᑲᐅᒪᑦᔪᑎᒋᓗᒍ ᐅᕙᓐᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:24

ᖁᔭᓕᓪᓗᓂᓗ, ᐊᕕᒃᐹ, ᐅᖃᕐᓗᓂᓗ, “ᐅᓇ ᑕᕝᕙ ᑎᒥᒐ, ᑐᓂᔭᐅᔪᖅ ᐃᓕᑦᓯᓐᓄᑦ. ᑍᒤᓕᐅᖃᑦᑕᕆᑦᓯ ᐃᖅᑲᐅᒪᔭᐅᓂᒃᓴᓐᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8

ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᐃᐱᓯᒥᐅᓄᑦ 1:19

ᐱᔪᓐᓇᕐᓂᕐᔪᐊᖓᑕᓗ ᐱᓇᓱᐊᕐᓂᖓᓂᒃ ᐅᕙᑦᑎᓐᓂ ᐅᒃᐱᕐᑐᓂ, ᐱᔪᓐᓇᕐᓂᕐᔪᐊᒥᒍᑦ ᐱᓇᓱᐊᕐᓯᒪᓂᖓ ᑐᓐᖓᕕᒋᓪᓗᒍ.

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:11

ᑕᕝᕙ ᐃᓴᕆᐊᓕᒥᐅᓕᒫᑦ ᑐᓴᓕᕋᔭᕐᐳᑦ, ᓯᕘᕋᓕᕐᓗᑎᒡᓗ, ᑭᖑᓂᖓᒍᓪᓗ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓕᕆᔪᖃᕈᓐᓃᕋᔭᕐᐳᖅ ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 16:1

“ᐊᑕᓂᖅ ᒎᑎᒋᔧᑦ ᐅᐱᓐᓇᕐᓯᑎᑕᒃᓴᕆᕙᑦ ᓇᓪᓕᐅᓐᓂᕐᓯᐅᕐᓗᑎᑦ ᖄᖏᕐᑕᐅᕕᖕᒥᒃ ᑕᖅᑭᒥ ᐊᐱᑉᒥᒃ ᑍᔭᐅᔪᒥ; ᑕᕝᕙᓂ ᑕᖅᑭᒥ ᐅᓐᓄᐊᒃᑯᑦ ᓴᐳᑎᔭᐅᓚᐅᕐᓯᒪᒐᑦᓯ ᐊᐅᓪᓚᕐᑎᑕᐅᓪᓗᓯᓗ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 16:12

ᑕᒪᓐᓇ ᐃᒃᐱᒋᑦᓯᐊᕐᑕᒃᓴᕆᕙᓯ ᐱᖁᔨᑦᔪᑎᐅᔪᖅ ᓈᓚᑦᓯᐊᕐᓗᒍᓗ; ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕋᑦᓯ ᐄᑦᔨᑉᑎᒥ.”

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 24:18

ᐃᖅᑲᐅᒪᔪᒃᓴᐅᕗᓯ ᐃᓖᔭᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ ᐊᑕᓂᐅᓪᓕ ᒎᑎᑦᓯ ᑍᑲᓐᖓᑦ ᓴᐳᑎᓪᓗᓯ ᐊᓂᑎᓚᐅᕐᐹᓯ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.

ᒨᓯᓯ ᑕᓪᓕᒪᖏᑦ 24:22

ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.”

ᒨᓯᓯ ᑕᓪᓕᒪᖏᑦ 26:8

ᑖᑦᓱᒪᓕ ᐱᔪᓐᓇᕐᓂᕐᔪᐊᒥᓄᑦ ᓲᖑᓂᕐᒥᓄᓪᓗ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ, ᑲᒪᓇᕐᑐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᓗᓂ, ᑕᐰᕐᓇᕐᑐᓂᒡᓗ ᐊᑐᕐᓗᓂ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 5:15

ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 6:21

ᑕᕝᕙ ᕿᑐᕐᖓᑦᓯᓐᓄᑦ ᑭᐅᔪᒃᓴᐅᕗᓯ, ‘ᐰᕉᒧᑦ ᐃᓖᔭᕆᔭᐅᓚᐅᕋᑦᑕ ᐄᑦᔨᑉᑎᒥ, ᐊᑕᓂᐅᓪᓕ ᐄᑦᔨᑉᑎᒥᑦ ᓴᐳᑎᓚᐅᕐᐹᑎᒍᑦ ᐱᔪᓐᓇᕐᓂᕐᔪᐊᒥᓄᑦ.

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 9:12

“ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᒫᓐᓇ ᑐᐊᕕᕐᓗᑎᑦ ᖃᖅᑲᒥᑦ ᐊᖅᑲᓕᕆᑦ, ᐃᓄᖁᑎᑎᑦ ᐄᑦᔨᑉᑎᒥᑦ ᑕᓯᐅᓚᐅᕐᑕᑎᑦ, ᐱᐅᖏᑦᑐᐊᓗᖕᒥᒃ ᐱᓕᕐᒪᑕ ᐊᔪᕐᑐᓕᓕᕐᓗᑎᒡᓗ. ᐱᖁᔨᑦᔪᑎᒋᓚᐅᕐᑕᓐᓂᒃ ᕿᒤᓯᒪᓕᕇᕐᒪᑕ, ᒎᑎᓐᖑᐊᒃᓴᒥᖕᓂᒡᓗ ᓴᓇᓯᒪᓕᕐᓗᑎᒃ.’

ᔮᓱᐊᑉ ᐊᒡᓚᖏᑦ 24:17

ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 2:12

ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 6:8

ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᐅᖃᕐᑎᒥᓂᒃ ᐃᓴᕆᐊᓕᒥᐅᓄᑦ; ᐅᖃᐅᑎᓪᓗᒋᑦ, ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ: “ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᓯᐊᓛᖑᕕᒋᓚᐅᕐᑕᑦᓯᓐᓂᑦ.