ᒨᓯᓯ ᐂᑉᐸᖏᑦ 11:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᒨᓯᓯ ᐂᑉᐸᖏᑦ 11:8 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 20:10

ᐱᓐ-ᕼᐊᑖᑎᐅᑉ ᐅᖃᕆᐊᕐᑐᕐᑎᑉᐹᖓ ᐅᖃᕐᓗᓂ, “ᒎᑎᓐᓄᑦ ᐱᒋᐊᕐᑕᐅᓗᖓ, ᓱᒋᐊᕐᑕᐅᓂᐊᕐᐳᖓ, ᓴᒥᐊᕆᐊ ᓄᖑᑕᐅᑎᓐᓂᐊᖏᒃᑯᒃᑯ ᐃᓄᖕᓄᑦ ᒪᓕᒃᑐᓄᑦ ᐅᕙᓐᓂᒃ!”

ᐊᑕᓃᑦ ᐂᑉᐸᖏᑦ 3:9

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑦ ᓅᒋᐊᓯᓚᐅᕐᐳᖅ ᐅᓇᑕᕆᐊᓕᕐᓗᓂ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᖃᑎᒋᓪᓗᒍ ᐄᑕᒥᐅᓪᓗᑕᐅᖅ ᐊᖓᔪᖅᑳᕐᔪᐊᖓᑦ ᐃᓚᒋᔭᐅᓪᓗᓂ, ᓴᖑᔪᒥᒃ ᐊᖅᑯᑎᖃᕐᓗᑎᒃ ᐅᓇᑕᕆᐊᕋᒥᒃ ᐅᓪᓗᓂᒃ 7ᓂᒃ ᐊᐅᓪᓚᕐᓯᒪᓕᕋᓗᐊᕐᓗᑎ ᐃᒤᕈᑎᓚᐅᕐᐳᑦ ᑕᖁᐊᒥᖕᓂᒃ, ᐃᓄᐃᓪᓗ ᐆᒪᔪᖁᑎᖏᑕᓗ ᐃᒥᒃᓴᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 5:6

ᐊᒃᓱᐊᓗᒃ ᓂᓐᖓᓚᐅᕐᐳᖓ, ᓈᒻᒪᒃᓴᖏᓐᓂᖏᑦ ᐅᖃᐅᓯᕆᔭᖏᓪᓗ ᑐᓴᕋᒃᑭᑦ.

ᐃᓐᖏᕈᑎᑦ 6:1

ᐊᑕᓃᖅ ᓂᓐᖓᒡᓗᑎᑦ ᓱᐊᒃᑍᓕᓐᖓ, ᓈᒻᒪᒃᓴᖏᓐᓂᕐᔪᐊᒧᓪᓗ ᓱᒋᐊᕐᑍᓕᓐᖓ.

ᒨᓯᓯ ᐂᑉᐸᖏᑦ 10:29

ᒨᓯᓯᓗ ᐅᖃᕐᐳᖅ, “ᑍᒫᒃ ᐅᖃᕋᕕᑦ! ᑕᕝᕙ ᑕᑯᒃᑲᓐᓂᑦᔮᔪᓐᓃᕐᐸᒋᑦ.”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 3:14

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᒧᑦ ᓂᓐᖓᐅᒪᓇᕐᑐᒧᑦ ᐊᓂᕐᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᕐᐹᖓ;

ᑖᓂᐊᓕᐅᑉ ᐊᒡᓚᖏᑦ 3:19

ᓂᐱᑯᓁᓴᓕ ᓂᓐᖓᒃᑐᒻᒪᕆᐊᓘᒐᒥ, ᓵᑐᕌᑭᒧᑦ, ᒥᓵᑭᒧᓪᓗ, ᐊᐱᓐᑎᒎᒧᓪᓗ, ᑮᓇᖓ ᐊᓯᑦᔨᕐᐳᖅ ᑖᒃᑯᓄᖓ: ᐱᖁᔨᕗᖅ ᐃᒐᐅᑉ ᐃᑯᒪᖓ ᐃᑯᐊᓪᓚᒃᑎᑕᐅᖁᓪᓗᒍ ᐆᓇᕐᓂᕆᕙᒃᑕᖓᓂᑦ 7ᐃᕐᑑᑎᓪᓗᐊᖓᓂᒃ ᐆᓇᕐᓂᕐᓴᐅᓕᖁᓪᓗᒍ.

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᒨᓯᓯ ᑕᓪᓕᒪᖏᑦ 29:24

ᑕᕝᕙ ᐃᓅᖃᑎᒌᒡᔪᐊᓕᒫᑦ ᐊᐱᕐᓱᓕᕈᒫᕐᐳᑦ, ‘ᓱᖕᒪᓂᓐᓇ ᐊᑕᓂᖅ ᑖᑦᓱᒧᖓ ᓄᓇᒧᑦ ᑍᒤᓕᐅᕐᐹ? ᓱᓇᒥᒡᓗ ᐱᑦᔪᑎᖃᕐᓗᓂ ᓂᓐᖓᐅᒪᕕᒡᔪᐊᕐᐹ?’

ᒨᓯᓯ ᑕᓪᓕᒪᖏᑦ 32:24

ᑐᖁᕋᕈᒫᕐᐳᑦ ᐱᕐᓕᕋᕐᓗᑎᒃ ᖃᓂᒪᓐᓇᕐᒧᓪᓗ ᐆᑎᕐᓇᕐᑐᒧᑦ; ᑐᖁᕋᕈᒫᕐᐳᑦ ᖃᓂᒪᓐᓇᕐᑐᓄᑦ ᐱᐅᖏᑦᑐᐊᓗᖕᓄᑦ; ᓂᕐᔪᑎᓄᑦ ᓄᔪᐊᕐᑐᓄᑦ ᐅᐸᒃᑐᕐᑕᐅᑎᑦᓱᒫᕐᐸᒃᑲ, ᖁᒡᓗᒋᐊᓄᓪᓗ ᐹᕐᖑᕐᑐᓄᑦ ᑮᔭᐅᑎᓪᓗᒋᑦ.

ᐄᑉᕈᐃᓄᑦ 11:27

ᐅᒃᐱᕐᓂᑯᑦ ᐄᑦᔨᑉᑎ ᕿᒪᓚᐅᕐᐹ, ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓯᕘᕋᒋᓇᓂᐅᒃ; ᑕᑯᒃᓴᐅᖏᑦᑐᖅ ᒎᑎ ᑕᑯᓐᓇᕐᑕᒥᑐᑦ ᑍᒤᓪᓗᓂᐅᒃ ᐅᑎᕈᒪᔪᓐᓃᓚᐅᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᐃᓗᐊᕐᓮᔩᑦ ᐊᒡᓚᖏᑦ 4:10

ᐸᕌᑭᐅᓪᓗ ᕾᖁᕔᑦ ᓯᐳᓗᓂᐅᑉ ᑭᖑᕚᖏᑦ ᐊᒻᒪᓗ ᓈᑉᑕᓕᐅᑉ ᑭᖑᕚᖏᑦ ᑭᑎᓯᒧᑦ; ᐊᖑᑎᓪᓗ 10,000ᐃᑦ ᒪᓕᒡᓗᑎᒃ ᑭᖑᓂᖓᓂ, ᑎᐴᕋᐅᑦᑕᐅᖅ ᐂᑉᐸᕆᕚ.

ᐃᓗᐊᕐᓮᔩᑦ ᐊᒡᓚᖏᑦ 8:5

ᓱᑰᑎᒥᐅᓪᓗ, ᑕᕝᕙᓂ ᓄᓇᖃᕐᑐᑦ ᐅᖃᐅᑎᕔᑦ, “ᕿᓄᕗᖓ ᐃᓕᑦᓯᓐᓄᑦ ᐃᓄᖁᑎᒃᑲ ᒪᓕᒃᑐᑦ ᐅᕙᓐᓂᒃ ᓂᐊᖂᔭᒥᒃ ᑐᓂᓚᐅᕐᓯᐅᒃ ᓄᑮᓕᕐᒪᑕ, ᒪᓕᒃᑲᑦᑕ ᔩᐸᒥᒃ ᔮᓪᒨᓇᒥᒡᓗ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖏᖕᓂᒃ.”