ᒨᓯᓯ ᐂᑉᐸᖏᑦ 10:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 10:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 34:27

ᐆᒻᒪᑎᒃᑯᑦ ᖃᕿᐊᓕᓚᐅᕋᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ ᒎᑎᐅᑉ ᓵᖓᓂ ᑐᓴᕐᑎᓪᓗᑎᑦ ᐅᖃᐅᓯᖏᓐᓂᒃ ᑖᒃᑯᐊ ᐃᖅᑲᕐᑐᒐᒃᓴᐅᓕᕐᑎᓪᓗᒋᑦ ᓄᓇᖃᕐᑐᓪᓗ ᑕᒫᓂ, ᐃᓕᖕᓂᒃ ᒥᑭᒡᓕᑎᓚᐅᕋᕕᑦ ᓵᓐᓂ, ᐊᓐᓄᕌᑎᓪᓗ ᐊᓕᓚᐅᕋᕕᒋᑦ ᕿᐊᓪᓗᑎᓪᓗ ᓵᓐᓂ, ᑕᕝᕙ ᑐᓴᓚᐅᕐᐸᒋᑦ, ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᒨᓯᓯ ᐂᑉᐸᖏᑦ 10:4

ᐃᓄᖁᑎᒃᑲ ᐊᐅᓪᓚᖁᓂᐊᖏᒃᑯᕕᒋᑦ, ᑕᑯᒋᑦ ᖃᐅᒃᐸᑦ ᐱᒡᓕᕐᑕᐅᔮᕐᑐᓂᒃ ᓄᓇᑦᓯᓐᓄᑦ ᑎᑭᑎᑦᓯᓂᐊᕐᐳᖓ.

ᒨᓯᓯ ᐂᑉᐸᖏᑦ 16:28

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᓄᖅ ᐊᑯᓂᐅᑎᒋᔪᖅ ᐱᖁᔭᓐᓂᒃ ᒪᓕᒃᑍᓕᒪᓂᐊᕐᐱᓰ?

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 5:1

ᑕᒪᑐᒪᓕ ᑭᖑᓂᖓᒍᑦ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐅᖃᕐᓗᑎᒡᓗ, “ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᖁᕕᐊᓱᖃᑎᒌᒡᓗᑎᒃ ᐃᓄᖃᖏᑦᑐᒥ ᓂᕆᖃᑎᒌᒍᓐᓇᖁᓪᓗᒋᑦ ᐱᑦᔪᑎᒋᓗᖓ.’”

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:24

ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:12

ᐊᓯᕈᕐᑕᐅᓂᖅ ᐱᒋᐊᓚᐅᕐᑎᓐᓇᒍ ᐃᓄᒃ ᐆᒻᒪᑎᒥᒍᑦ ᐱᔪᓐᓇᕋᓱᒋᓗᐊᕐᓂᖃᓲᖑᕗᖅ, ᒥᑭᒡᓕᑎᕐᓯᒪᓂᕐᓕ ᓯᕗᓪᓕᐅᓲᖑᕗᖅ ᐅᐱᒋᔭᐅᓂᖅ ᐊᑐᓚᐅᕐᑎᓐᓇᒍ.

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 5:22

“ᐃᕝᕕᓪᓕ ᐱᐅᓪᓴᔮ, ᒥᑭᒡᓕᑎᓚᐅᖏᓐᓇᕕᑦ, ᑕᒪᒃᑯᓂᖓᓕᒫᖅ ᖃᐅᔨᒪᒐᓗᐊᕐᓗᑎᑦ.

ᒨᓯᓯ ᓯᑕᒪᖏᑦ 14:27

“ᖃᓄᖅ ᐊᑯᓂᐅᑎᒋᔪᒥᒃ ᐃᓅᖃᑎᒌᒡᔪᐊᑦ ᐱᐅᖏᑦᑐᑦ ᕿᓄᐃᓵᕈᑎᒋᓂᐊᕐᐸᒃᑲ ᓈᒻᒪᒃᓴᕋᑎᒃ ᓂᓪᓕᐊᔪᑦ ᐅᕙᓐᓄᑦ? ᐃᓴᕆᐊᓕᒥᐅᑦ ᐅᕙᓐᓄᑦ ᓂᓪᓕᐊᑲᒻᒪᖕᓂᖏᑦ ᑐᓵᕙᒃᑲ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.