ᐃᔅᑕᐅᑉ ᐊᒡᓚᖏᑦ 7:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒡᔪᐊᕐᓗᓂ ᓂᑯᕕᑉᐳᖅ ᓂᕆᕕᒡᔪᐊᕐᕕᖕᒥᑦ ᐊᖓᔪᖅᑳᕐᔪᐊᒃᑯᕕᐅᓪᓗ ᐱᕈᕐᓰᕕᖓᓄᐊᕐᓗᓂ; ᕼᐂᒪᓂᓕ ᐃᔅᑕᕐᒧᑦ ᕿᓄᕗᖅ ᐃᓅᓯᕐᒥᓂ ᓴᐳᑎᔭᐅᔪᒪᓪᓗᓂ, ᖃᐅᔨᒐᒥ ᐊᖓᔪᖅᑳᕐᔪᐊᖅ ᑖᑦᓱᒧᖓ ᓈᒻᒪᖏᑦᑐᒥᒃ ᐃᓱᒪᖃᓕᕐᒪᑦ.

ᐃᔅᑕᐅᑉ ᐊᒡᓚᖏᑦ 7:7 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᐃᔅᑕᐅᑉ ᐊᒡᓚᖏᑦ 1:12

ᑯᐃᓐ ᕚᔅᑎᓕ ᐊᖓᔪᖅᑳᕐᔪᐊᑉ ᑎᓕᔭᖏᓐᓄᑦ ᐅᐸᒃᑕᐅᒐᒥ ᕿᐱᓗᒃᐳᖅ; ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒃᔪᐊᕐᐳᖅ, ᓂᓐᖓᓗᐊᕐᓂᕐᒧᓪᓗ ᐃᓗᐃᓪᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᑖᓂᐊᓕᐅᑉ ᐊᒡᓚᖏᑦ 3:19

ᓂᐱᑯᓁᓴᓕ ᓂᓐᖓᒃᑐᒻᒪᕆᐊᓘᒐᒥ, ᓵᑐᕌᑭᒧᑦ, ᒥᓵᑭᒧᓪᓗ, ᐊᐱᓐᑎᒎᒧᓪᓗ, ᑮᓇᖓ ᐊᓯᑦᔨᕐᐳᖅ ᑖᒃᑯᓄᖓ: ᐱᖁᔨᕗᖅ ᐃᒐᐅᑉ ᐃᑯᒪᖓ ᐃᑯᐊᓪᓚᒃᑎᑕᐅᖁᓪᓗᒍ ᐆᓇᕐᓂᕆᕙᒃᑕᖓᓂᑦ 7ᐃᕐᑑᑎᓪᓗᐊᖓᓂᒃ ᐆᓇᕐᓂᕐᓴᐅᓕᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:19

ᐱᐅᖏᑦᑐᒥ ᐃᓅᔪᑦ ᐅᑯᕗᑦ ᐱᐅᔪᑦ ᓵᖏᓐᓂ, ᐱᐅᖏᑦᑐᓪᓗ ᐃᓱᐊᕐᑐᓕᔪᑦ ᐃᑎᕐᑕᕐᕕᖏᓐᓂ.

ᐃᓐᖏᕈᑎᑦ 112:10

ᐱᐅᖏᑦᑑᑉ ᑕᒪᓐᓇ ᑕᑯᓂᐊᕐᐹ ᓂᓐᖓᒍᑎᒋᓂᐊᕐᐹᓗ; ᐆᒥᓱᖕᓂᕐᒧᑦ ᑮᑦᔫᒥᓗᑎᒃ ᑮᓇᕐᓕᕐᓗᑎᒃ ᕿᒪᕉᑎᓂᐊᕐᐳᑦ; ᐱᐅᖏᑦᑑᑉ ᐱᔪᒪᔭᖓ ᐊᓯᐅᖕᒪᑦ.

ᓴᒧᐃᓕ ᓯᕗᓪᓖᑦ 25:17

ᑍᒤᒻᒪᑦ ᑕᒪᓐᓇ ᖃᐅᔨᒪᓕᕈᒃ ᐃᓱᒪᒃᓴᕐᓯᐅᕐᓗᑎᓪᓗ ᖃᓄᐃᓕᐅᕐᓂᐊᕐᒪᖔᕐᐱᑦ; ᑕᒪᓐᓇ ᐊᖓᔪᖅᑳᑦᑎᓐᓄᑦ ᐱᐅᖏᑦᑐᒧᑦ ᑐᕌᖓᓕᕐᒪᑦ ᐃᒡᓗᒥᐅᖃᑎᖏᓐᓄᓪᓗ, ᐃᓱᒪᓗᒃᑐᐊᓘᖕᒪᑦ ᓇᓪᓕᐊᓐᓂᒡᓘᓐᓃᑦ ᓈᓚᒍᓐᓇᕋᓂ.”

ᓴᒧᐃᓕ ᓯᕗᓪᓖᑦ 20:9

ᔫᓇᑕᓂᓗ ᐅᖃᕐᐳᖅ, “ᑍᒫᒃ ᐃᓱᒪᑦᑍᓕᒋᑦ! ᖃᐅᔨᒪᑦᓯᐊᕆᑦ ᐊᑖᑕᒪ ᐱᐅᖏᑦᑐᒥᒃ ᐱᓇᓱᐊᕐᕕᒋᔪᒪᒃᐸᑎᑦ, ᐅᖃᐅᑎᑦᑍᓕᒐᔭᓚᐅᕐᐱᒌᑦ?”

ᓴᒧᐃᓕ ᓯᕗᓪᓖᑦ 20:7

ᐅᖃᕐᐸᑦ, ‘ᖃᓄᐃᖏᑦᑐᖅ!’ ᑕᕝᕙ ᐱᔩᑦ ᑲᑉᐱᐊᓇᖏᑦᑐᒦᓐᓂᐊᕐᐳᖅ; ᑭᓯᐊᓂᓕ ᓂᓐᖓᒃᐸᑦ, ᖃᐅᔨᒪᒐᔭᕐᐳᑎᑦ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ.

ᐃᔅᑕᐅᑉ ᐊᒡᓚᖏᑦ 1:5

ᐅᓪᓗᐃᑦ ᑖᒃᑯᐊ ᓈᖕᒪᑕ, ᐊᖓᔪᖅᑳᕐᔪᐊᖅ ᓂᕆᕕᒃᔪᐊᕐᑎᑦᓯᓕᕐᐳᖅ ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ ᐅᓪᓗᓂᒃ 7ᓂᒃ, ᐱᓪᓚᕆᖕᓂᒃ ᐱᓪᓚᕆᐅᖏᑦᑐᓂᒡᓗ, ᐊᖓᔪᖅᑳᕐᔪᐊᖃᕐᕕᐅᑉ ᐱᕈᕐᓰᕕᖁᑎᖓᓂ.

ᐃᔅᑕᐅᑉ ᐊᒡᓚᖏᑦ 7:10

ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:35

ᐱᔨ ᓯᓚᑐᔪᒥᒃ ᐱᓇᓱᐊᕐᑐᖅ ᐊᖓᔪᖅᑳᕐᔪᐊᒥᓄᑦ ᖁᕕᐊᒋᔭᐅᕗᖅ, ᓂᓐᖓᐅᒪᓂᖓᓕ ᑎᑭᐅᑎᕗᖅ ᑲᓐᖑᓇᕐᑐᓕᓂᕐᒥᒃ ᐱᓇᓱᐊᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:14

ᐊᖓᔪᖅᑳᕐᔪᐊᑉ ᓂᓐᖓᖕᓂᖓ ᑐᖁᒥᒃ ᑐᓴᕐᑎᑦᓯᑦᔪᑎᐅᕗᖅ, ᓯᓚᑐᔪᕐᓕ ᓮᒻᒪᕈᑎᒃᓴᖓᓂᒃ ᐱᓇᓱᐊᕐᐳᖅ.