ᐃᔅᑕᐅᑉ ᐊᒡᓚᖏᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑭᖑᓂᖓᒍᑦ ᒧᐊᑎᑬ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᑕ ᓴᓂᐊᓄᑦ ᐅᑎᓚᐅᕆᕗᖅ. ᕼᐂᒪᓂᓕ ᑐᐊᕕᕐᓗᓂ ᐊᖏᕐᕋᕐᐳᖅ, ᕿᒃᓵᕕᒡᔪᐊᕐᓗᓂ ᑮᓇᓂ ᒪᑐᓯᒪᓪᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 6:12 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:30

ᑍᕕᑎᓕ ᖃᖅᑲᒧᑦ ᐅᕐᓱᒃᓴᕐᑕᓕᖕᒧᑦ ᒪᔪᐊᕐᐳᖅ, ᕿᐊᓪᓗᓂ ᐂᕙᓪᓕᐊᓚᐅᕐᐳᖅ; ᑲᒥᓪᓛᓚᐅᕐᐳᖅ ᓂᐊᖁᐊᓗ ᐅᓕᒃᓯᒪᓪᓗᓂ ᕿᒃᓵᖕᓂᕐᒧᑦ ᓇᓗᓁᒃᑯᑕᐅᓪᓗᓂ; ᒪᓕᒃᑐᓕᒫᓪᓗ ᓂᐊᖁᕐᒥᖕᓂᒃ ᐅᓕᒃᓯᓯᒪᓚᐅᕆᕗᑦ ᒪᔪᕋᕐᓗᑎᒃ ᕿᐊᒋᓪᓗᑎᒃ.

ᔫᐱᐅᑉ ᐊᒡᓚᖏᑦ 20:5

ᐱᐅᖏᑦᑐᓕᔫᑉ ᖃᓄᐃᓐᖏᑬᓐᓇᕐᓂᖓ ᓁᑦᑑᕗᖅ, ᒎᑎᖃᖏᑦᑑᓪᓗ ᖁᕕᐊᓱᑬᓐᓇᕐᓂᖓ ᓯᕕᑭᑦᑑᓪᓗᓂ.

ᐊᑕᓃᑦ ᓯᕗᓪᓖᑦ 21:4

ᐂᕼᐊᑉᓗ ᐃᓱᒪᔮᕐᓗᓂ ᕿᒃᓵᒡᓗᓂᓗ ᐊᖏᕐᕋᕐᐳᖅ ᓁᐹᑦ ᔨᔭᕆᐅᓪᒥᐅᑕᐅᑉ ᐅᖃᐅᓯᖏᑦ ᐱᓪᓗᒋᑦ, ᐅᖃᓚᐅᕐᒪᑦ, “ᑐᓂᓂᐊᓐᖏᓚᒋᑦ ᓯᕗᓕᕕᓂᓐᓂᑦ ᐱᑖᕆᓚᐅᕐᑕᓐᓂᒃ.” ᐃᒡᓕᕐᒥᓄᑦ ᓇᓪᓚᕋᒥ ᑐᓄᑉᐳᖅ, ᓂᕆᔪᒪᔪᓐᓃᕐᓗᓂᓗ.

ᔫᐱᐅᑉ ᐊᒡᓚᖏᑦ 9:24

ᓄᓇᕐᔪᐊᖅ ᐱᐅᖏᑦᑐᓕᔪᓄᑦ ᑐᓂᔭᐅᓯᒪᕗᖅ; ᐃᓅᖃᑎᒥᖕᓂᒡᓗ ᐋᖅᑭᒃᓱᐃᔨᓕᒫᑦ ᑕᑯᓐᓇᕈᓐᓁᕐᑎᓯᒪᓪᓗᓂᒋᑦ ᒎᑎᓕ ᑍᒤᑎᑦᓯᖏᑉᐸᑦ, ᑭᓇᓕ ᑍᒪ ᑍᒤᑎᑦᓯᓯᒪᕙ?

ᐃᔅᑕᐅᑉ ᐊᒡᓚᖏᑦ 7:8

ᐊᖓᔪᖅᑳᕐᔪᐊᕐᓗ ᐅᑎᕐᐳᖅ ᐊᖓᔪᖅᑳᕐᔪᐊᒃᑯᕕᐅᑉ ᐱᕈᕐᓰᕕᖓᓂᑦ ᑕᕝᕗᖓ ᓂᕆᕕᒋᔭᒥᖕᓄᑦ, ᕼᐂᒪᓂᓕ ᐹᒻᒪᖓᕗᖅ ᐃᔅᑕᐅᑉ ᐹᒻᒪᖓᕕᒋᔭᖓᑕ ᑭᒡᓕᖓᓂ; ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐅᓈ ᐊᒡᓛᑦ ᑯᐃᖕᒥᒃ ᐊᕐᓇᕐᓂᐊᕋᓱᒃᑐᖅ ᐊᖏᕐᕋᕐᓯᒪᑎᓪᓗᖓ?” ᐊᖓᔪᖅᑳᕐᔪᐊᖅ ᑍᒫᒃ ᐅᖃᑐᐊᕐᒪᑦ, ᕼᐂᒪᓂᐅᑉ ᑮᓇᖓ ᐅᓕᒃᑕᐅᕗᖅ.

ᐃᔅᑕᐅᑉ ᐊᒡᓚᖏᑦ 2:19

ᐅᐃᒡᒐᓱᐃᑦ ᐂᑉᐸᖓᓂᒃ ᑲᑎᑕᐅᓕᕐᑎᓪᓗᒋᑦ, ᒧᐊᑎᑬ ᐃᒃᓯᕙᕗᖅ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ.

ᑯᕉᓂᑲ ᐂᑉᐸᖏᑦ 26:20

ᐊᔭᕅᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑕ ᐊᓯᖏᑕᓗ ᑐᓂᕐᕈᓯᕐᑎᑦᓯᔩᑦ ᑕᑯᓐᓇᕐᐹᑦ, ᑕᑯᒋᓪᓗ, ᖃᐅᖓᒍᑦ ᐸᕐᑎᓕᕐᐸᓪᓕᐊᓕᕐᐳᖅ! ᑕᕝᕙ ᑐᐊᕕᕐᓗᑎᒃ ᐊᓂᑎᒋᐊᓯᕚᑦ ᑕᕝᕙᓐᖓᑦ, ᐃᒻᒥᓂᒡᓗ ᑐᐊᕕᕐᓗᓂ ᐊᓂᓇᓱᐊᕆᓪᓗᓂ, ᐊᑕᓂᐅᑉ ᓱᒋᐊᓚᐅᕐᒪᒍ.

ᐊᑕᓃᑦ ᓯᕗᓪᓖᑦ 20:43

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᐊᖏᕐᕋᐅᕗᖅ ᓴᒥᐊᕆᐊᒧᑦ ᐃᓱᒪᔮᕐᓗᓂ ᕿᒃᓵᓕᕐᓗᓂᓗ.

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᓴᒧᐃᓕ ᓯᕗᓪᓖᑦ 3:15

ᓴᒧᐃᓕᓕ ᐃᓐᓇᖎᓐᓇᕐᐳᖅ ᐅᓪᓛᒧᑦ ᑎᑭᓪᓗᒍ; ᒪᑭᓐᓇᒥᓗ ᐊᑕᓂᐅᑉ ᐃᒡᓗᖓᑕ ᐅᒃᑯᐊᖏᑦ ᒪᑐᐃᕐᐰᑦ. ᓴᒧᐃᓕᓕ ᓯᕘᕋᓚᐅᕐᐳᖅ ᐅᖃᐅᑦᔨᒋᐊᒃᓴᖅ ᐃᓔᒥᒃ ᑕᑯᑎᑕᐅᑦᔪᑎᒥᓂᒃ.

ᐃᔅᑕᐅᑉ ᐊᒡᓚᖏᑦ 6:11

ᑕᕝᕙ ᕼᐂᒪᓂᐅᑉ ᐅᓕᒡᔪᐊᖅ ᕿᒻᒥᕐᔪᐊᕐᓗ ᐂᓪᓗᓂᒋᑦ, ᒧᐊᑎᑬᒧᑦ ᐊᑎᑎᑉᐰᑦ ᕿᒻᒥᕐᔪᐊᖓᓗ ᑕᓯᒍᐊᓕᕐᐹ ᐃᒡᓗᒐᓮᑦ ᐊᖅᑯᓯᓂᖏᑎᒍᑦ, ᕾᒐᓛᕐᓗᓂᓗ ᑖᑦᓱᒪ ᓯᕗᓂᖓᓂ, “ᑍᒫᒃ ᑕᕝᕙ ᐊᖓᔪᖅᑳᕐᔪᐊᑉ ᓇᓪᓕᐊᑦ ᐊᖑᑦ ᐅᐱᒋᔪᒪᔭᓂ ᐅᐱᒋᖃᑦᑕᕐᓂᐊᕐᐰᑦ!”

ᐊᑕᓃᑦ ᓯᕗᓪᓖᑦ 21:6

ᑖᑦᓱᒪ ᑭᐅᕚ, “ᓁᐹᑦ ᔨᔭᕆᐅᓪᒥᐅᑕᖅ ᐅᖃᖃᑎᒋᓚᐅᕋᒃᑯ, ᐅᖃᐅᑎᓪᓗᒍ, ‘ᕔᓂᓕᐅᕐᕖᑦ ᓂᐅᕕᐊᕆᔪᒪᕙᕋ ᐊᑭᓕᕐᓗᑎᑦ, ᐅᕝᕙᓘᓐᓃᑦ ᓈᒻᒪᒋᒍᕕᐅᒃ ᐊᓯᐊᓂᒃ ᕔᓂᓕᐅᕐᕕᖕᒥᒃ ᑐᓂᔪᒪᕙᒋᑦ.’ ᑭᐅᓚᐅᕐᐹᖓ, ‘ᕔᓂᓕᐅᕐᕕᒐ ᐃᓕᖕᓄᑦ ᑐᓂᓂᐊᓐᖏᓚᕋ.’”