ᐃᔅᑕᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᕼᐃᒊᓪᓕ ᐃᔅᑕᕐ ᖁᕕᐊᒋᒐᒥᐅᒃ, ᑍᒤᒻᒪᑦ ᐱᐅᓂᕐᐹᒥ ᐃᓂᖃᕐᑎᓕᕐᐹ, ᑎᒥᖓᓗ ᐱᐅᓴᓯᑦᓴᐅᑎᒋᓪᓗᓂᐅᒃ ᓂᕆᔭᒃᓴᖏᓪᓗ ᐊᑐᐃᓐᓇᐅᑎᓕᕐᐰᑦ ᑖᑦᓱᒧᖓ, ᓂᕈᐊᕐᑕᐅᓯᒪᔪᓂᒡᓗ ᐊᕐᓇᓂᒃ 7ᓂᒃ ᐱᔨᑲᑖᖃᓕᕐᑎᑉᐹ ᐊᖓᔪᖅᑳᕐᔪᐊᖃᕐᕕᖕᒥᑦ ᐱᓯᒪᔪᓂᒃ, ᐃᓂᖃᕐᑎᓕᕐᐹᓗ ᐱᔨᒋᔭᖏᓪᓗ ᐃᓂᒃᓴᑦᓯᐊᕙᐅᓂᕐᐹᒧᑦ ᐊᕐᓁᑦ ᐃᓂᒋᔭᖏᓐᓂ ᐃᓂᖃᓕᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 2:9 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᒨᓯᓯ ᓯᕗᓪᓖᑦ 39:21

ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᐃᔅᑕᐅᑉ ᐊᒡᓚᖏᑦ 2:12

ᐊᕐᓁᑦ ᐅᐃᒡᒐᓱᐃᑦ ᐊᑐᓂᑦ ᐱᕕᒃᓴᖓᑦ ᓇᓪᓕᐅᑎᔭᕌᖓᑦ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᓯᒧᑦ ᐃᑎᕐᑎᑕᐅᕙᓚᐅᕐᐳᑦ ᑕᖅᑭᓂᒃ 12ᓂᒃ ᐅᐸᓗᖎᔭᓚᐅᕐᑎᓪᓗᒋᑦ, ᐊᕐᓁᑦ ᐊᑐᓂᑦ ᐅᐸᓗᖎᔭᕐᑕᐅᔭᕆᐊᖃᕐᑕᖏᑦ ᓈᒻᒪᒃᓯᔭᕌᖓᑕ, ᐅᓪᓗᐃᑦ ᐋᖅᑭᒃᑕᐅᓯᒪᓚᐅᕐᐳᑦ ᐅᐸᓗᖎᔭᕐᑕᐅᓂᕆᔭᒃᓴᖏᑦ, ᑕᖅᑭᓂᒃ ᐱᖓᓲᔪᕐᑐᓂᒃ ᒫᕐᒧᑦ ᐅᕐᓱᕐᑎᕐᑕᐅᖃᑦᑕᓚᐅᕐᐳᑦ, ᐊᒻᒪ ᑕᖅᑭᓂᒃ ᐱᖓᓲᔪᕐᑐᓂᒃ ᑎᐱᑦᓯᐊᕆᒃᑐᒧᑦ ᐅᕐᓱᕐᑎᕐᑕᐅᓕᕆᓪᓗᑎᒃ; ᐊᕐᓁᓪᓗ ᑕᑯᒥᓇᕐᓴᐅᑎᖏᓐᓄᑦ ᐅᐸᓗᖎᔭᕐᑕᐅᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 1:9

ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ.

ᐄᓱᕋᐅᑉ ᐊᒡᓚᖏᑦ 7:6

ᑖᓐᓇ ᐄᓱᕋ ᐊᐅᓪᓚᓚᐅᕐᐳᖅ ᐹᐱᓘᓂᒥᑦ; ᐃᓕᓐᓂᐊᕐᓯᒪᒻᒪᕆᓚᐅᕐᐳᖅ ᖃᐅᔨᒪᔪᒻᒪᕆᐅᓪᓗᓂᓗ ᐱᖁᔭᓂᒃ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ, ᐊᖓᔪᖅᑳᕐᔪᐊᑉ ᐄᓱᕋ ᑐᓂᓯᕕᒋᓚᐅᕐᐹ ᐱᔪᒪᔭᓕᒫᖏᓐᓂᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᐊᑕᓃᑦ ᓯᕗᓪᓖᑦ 8:50

ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓗᒋᑦ ᐃᓕᖕᓄᑦ ᐊᔪᕐᑐᓕᓯᒪᔪᑦ, ᓈᒻᒪᖏᑦᑐᓕᓂᕆᓯᒪᔭᓕᒫᖏᓐᓂᒃ ᐃᓕᖕᓄᑦ; ᓈᒃᑭᒋᓗᒋᓪᓗ ᐊᑭᕋᖏᑦ ᑖᒃᑯᓂᖓ ᐊᐅᓪᓚᕈᑦᔨᓚᐅᕐᑐᑦ ᖃᐅᔨᑎᓪᓗᒋᑦ, ᑖᒃᑯᓄᖓ ᓈᒃᑭᒋᔭᐅᓕᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᐃᔅᑕᐅᑉ ᐊᒡᓚᖏᑦ 5:2

ᐊᖓᔪᖅᑳᕐᔪᐊᓪᓕ ᑯᐃᓐ ᐃᔅᑕᕐ ᑕᑯᒐᒥᐅᒃ ᐃᑎᕐᑕᕐᕕᐅᑉ ᓯᓚᑖᓂ ᓇᖏᕐᑐᖅ, ᖁᕕᐊᒋᓚᐅᕐᐹ, ᑎᒃᑯᐊᕐᓯᑦᔪᑎᒥᒡᓗ ᒎᓗᒥᒃ ᐃᓴᒡᕕᒋᕚ ᑎᒍᒥᐊᕐᑕᒥᓂᒃ. ᐃᔅᑕᕐᓗ ᕾᓪᓗᓂ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᑕ ᓄᕗᐊ ᐊᒃᑐᕐᐹ.

ᒨᓯᓯ ᓯᕗᓪᓖᑦ 39:4

ᑕᕝᕙ ᔫᓯᐱ ᐊᖓᔪᖅᑳᖓᑕ ᖁᕕᐊᒋᑦᓯᐊᕐᐹ ᓇᖕᒥᓂᖅ ᐱᔨᑖᕆᓪᓗᒍ, ᐃᒡᓗᒥᓂᓗ ᑲᒪᔨᓐᖑᕐᑎᑉᐹ ᐊᖓᔪᖅᑳᓐᖑᕐᑎᓪᓗᒍᓗ ᑕᒤᓐᓄᑦ ᐱᖁᑎᓕᒫᒥᓄᑦ.