ᐃᔅᑕᐅᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒤᒻᒪᑦ, ᐊᖓᔪᖅᑳᕐᔪᐊᑉ ᐱᖁᔨᑦᔪᑎᖓ ᑎᑎᕋᐅᓯᕆᔭᖓᓗ ᑐᓴᕐᑕᐅᒐᒥ, ᐊᕐᓁᑦ ᐅᐃᒡᒐᓱᐃᑦ ᐅᓄᕐᑐᑦ ᑲᑎᕐᓱᕐᑕᐅᓕᕐᒪᑕ ᑕᕝᕗᖓ ᓄᓇᒧᑦ ᓲᓴᒧᑦ ᐊᖓᔪᖅᑳᕐᔪᐊᒃᑯᕕᖕᒧᑦ, ᕼᐃᒊᒧᑦ ᑲᒪᒋᔭᐅᑎᓪᓗᒋᑦ, ᑕᕝᕙ ᐃᔅᑕᕐ ᐊᖓᔪᖅᑳᕐᔪᐊᒃᑯᕕᖕᒧᑦ ᐋᑕᐅᓚᐅᕆᕗᖅ, ᕼᐃᒊᑉ ᑲᒪᒋᔭᖏᓐᓄᑦ ᐊᕐᓇᓄᑦ.

ᐃᔅᑕᐅᑉ ᐊᒡᓚᖏᑦ 2:8 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᐃᔅᑕᐅᑉ ᐊᒡᓚᖏᑦ 2:15

ᐃᔅᑕᕐᐅᓪᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᕕᒃᓴᖓ ᓇᓪᓕᐅᑎᖕᒪᑦ, ᑖᓐᓇ ᐊᐱᕼᐂᓕᐅᑉ ᒧᐊᑎᑬᑉ ᐊᒃᑲᖓᑕ ᐸᓂᖓ ᒧᐊᑎᑬᑉ ᑎᒍᐊᕐᑖᕆᓯᒪᓕᕐᑕᖓ ᐸᓂᖕᒥᑐᑦ ᐱᓕᕐᓗᓂᐅᒃ, ᓱᓇᒥᒃ ᑐᒃᓯᕋᓚᐅᓐᖏᓚᖅ ᕼᐃᒊᓪᓕ ᐊᖓᔪᖅᑳᕐᔪᐊᑉ ᐱᔨᖓᑕ ᐃᒡᔪᐃᕐᑕᐅᓯᒪᔫᑉ, ᐊᕐᓇᓂᒃ ᑲᒪᔨᒋᔭᐅᔫᑉ ᐊᑐᖁᔭᖏᓐᓂᒃ ᑭᓯᐊᓂ ᐊᑐᓚᐅᕐᐳᖅ. ᐃᔅᑕᕐᓗ ᑕᑯᔪᓕᒫᓄᑦ ᑖᑦᓱᒥᖓ ᖁᕕᐊᒋᔭᐅᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.