ᐃᔅᑕᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑕᖃᓚᐅᕐᐳᖅ ᒧᐊᑎᑬᒥᒃ ᐊᑎᓕᖕᒥᒃ ᔧᕆᐅᑉ ᐃᕐᓂᖓᓂᒃ; ᐊᑖᑕᑦᓯᐊᖃᕐᓗᓂ ᓯᒥᐂᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᐃᔅᑕᐅᑉ ᐊᒡᓚᖏᑦ 2:5 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 10:3

ᒧᐊᑎᑬ ᔫᑎ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᑐᖓᓕᕆᔭᐅᓚᐅᕐᐳᖅ, ᐊᔪᖏᑦᑐᖁᑎᒋᔭᐅᓚᐅᕐᐳᖅ ᔫᑎᓂᑦ, ᐱᐅᒋᔭᐅᓪᓗᓂᓗ ᐃᓅᖃᑎᒥᓄᑦ, ᐊᔪᕈᓐᓃᕈᑎᒃᓴᖏᓐᓂᒃ ᐃᓅᖃᑎᖏᑕ ᕿᓂᖃᑦᑕᓚᐅᕐᒪᑦ, ᐃᓅᖃᑎᒥᓄᓪᓗ ᓮᒪᓇᕐᑐᓂᒃ ᐅᖃᐅᓯᖃᖃᑦᑕᕐᓗᓂ.

ᐃᔅᑕᐅᑉ ᐊᒡᓚᖏᑦ 5:1

ᑕᕝᕙ ᐅᓪᓗᐃᑦ ᓂᕆᑦᑍᓕᓂᖏᑕ ᐱᖓᔪᒋᓕᕐᑕᖓᓂ ᐃᔅᑕᕐ ᐊᖓᔪᖅᑳᕐᓯᐅᑎᓂᒃ ᐊᓐᓄᕌᓂᒃ ᐊᑎᕗᖅ ᐊᖓᔪᖅᑳᕐᔪᐊᓪᓗ ᐃᒡᓗᖓᑕ ᐊᕙᓗᐊᑕ ᐃᓗᐊᓄᑦ ᐃᑎᕐᓗᓂ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᑭᓪᓗᐊᖓᓃᑦᑐᒧᑦ, ᐊᖓᔪᖅᑳᕐᔪᐊᕐᓕ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᓚᐅᕐᐳᖅ ᐊᖓᔪᖅᑳᐅᕕᖕᒥᓂ, ᐃᑎᕐᑕᕐᕕᖓᓄᑦ ᓵᓐᖓᓪᓗᓂ.

ᐃᔅᑕᐅᑉ ᐊᒡᓚᖏᑦ 2:3

ᓄᓇᓕᖁᑎᖕᓃᑦᑐᓂᒃ ᐊᑐᓂᑦ ᑲᒪᔨᐅᓂᐊᕐᑐᓂᒃ ᑎᓕᓯᓗᑎᑦ, ᑖᒃᑯᐊ ᐊᕐᓇᑦᓯᐊᕙᖕᓂᒃ ᐅᐃᖃᓚᐅᕐᓯᒪᖏᑦᑐᓂᒃ ᑲᑎᑦᓯᓗᑎᒃ ᐅᕗᖓ ᓇᔪᕐᑕᕐᓄᐊᕈᑦᔨᖁᓪᓗᒋᑦ ᐊᖓᔪᖅᑳᕐᔪᐊᒃᑯᕕᖕᒧᑦ ᓄᓇᒧᑦ ᓲᓴᒧᑦ, ᐊᕐᓇᒃᑯᕕᖕᒧᐊᕐᑕᐅᓗᑎᒃ, ᑲᒪᒋᔭᐅᖁᓪᓗᒋᑦ ᐱᔨᖕᓄᑦ ᕼᐃᒊᒧᑦ ᐃᒡᔪᐃᕐᑕᐅᓯᒪᔪᒧᑦ ᐊᕐᓇᓂᒃ ᑲᒪᔨᐅᕙᒃᑐᒧᑦ; ᑕᕝᕙᓂ ᐱᐅᓴᕐᑕᐅᑦᓯᐊᕈᓐᓇᖁᓪᓗᒋᑦ ᐅᐸᓗᖎᔭᕐᑕᐅᓗᑎᒃ.

ᐃᔅᑕᐅᑉ ᐊᒡᓚᖏᑦ 1:2

ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᕐᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.

ᓴᒧᐃᓕ ᐂᑉᐸᖏᑦ 16:5

ᐊᖓᔪᖅᑳᕐᔪᐊᖅ ᑍᕕᑎ ᑎᑭᓐᓇᒥ ᐸᕼᐅᕆᒻᒧᑦ, ᓴᐅᓕᐅᑉ ᐃᓚᖓᑕ ᐃᓚᖓᑦ ᒋᕋᐅᑉ ᐃᕐᓂᖓ ᓯᒥᐂ, ᐸᕐᕆᐊᕐᐳᖅ ᐅᖃᕐᓂᕐᓗᐊᕕᒋᓪᓗᒍ ᐅᐸᒃᐸᓪᓕᐊᓪᓗᓂᐅᒃ.

ᓴᒧᐃᓕ ᓯᕗᓪᓖᑦ 9:1

ᐊᔪᕐᓴᖏᑦᑐᕐᑕᖃᓚᐅᕐᐳᖅ ᒪᓕᒃᑕᐅᔪᓐᓇᕐᓗᓂᓗ ᐊᖑᒻᒥᒃ ᐊᑎᓕᖕᒥᒃ ᑭᔅᒥᒃ, ᐃᓅᖃᑎᒌᓂᑦ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᑭᔅ ᐊᐰᓕᐅᑉ ᐃᕐᓂᖓ, ᑖᓐᓇ ᐊᐰᓕ ᔨᕈᕆᐅᑉ ᐃᕐᓂᖓ, ᑖᓐᓇ ᔨᕈᕆ ᐱᑯᕋᑦ ᐃᕐᓂᖓ, ᑖᓐᓇ ᐱᑯᕋᑦ ᐊᐱᐊᑉ ᐃᕐᓂᖓ.

ᐃᔅᑕᐅᑉ ᐊᒡᓚᖏᑦ 2:4

ᑖᒃᑯᓇᓐᖓᑦ ᐊᕐᓇᑦᓯᐊᕙᐅᒋᔭᕐᓂᒃ ᓂᕈᐊᕈᓐᓇᖁᓪᓗᑎᑦ ᑯᐃᓐᖑᕐᓂᐊᕐᑐᒥᒃ ᕚᔅᑎᒥᒃ ᐃᓇᖐᔪᒃᓴᐅᖁᓪᓗᒍ.” ᑕᒪᓐᓇ ᐊᖓᔪᖅᑳᕐᔪᐊᑉ ᐃᓱᒪᓕᐅᕈᑕᐅᔪᖅ ᐊᑲᐅᒋᕚ, ᑍᒫᒡᓗ ᐱᓇᓱᐊᓕᕐᓗᓂ.

ᐊᑕᓃᑦ ᐂᑉᐸᖏᑦ 24:12

ᐊᖓᔪᖅᑳᕐᔪᐊᖅ ᔨᕼᐅᐃᐊᑭᓐ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᐳᖅ ᓴᐱᓕᕋᒥᒃ ᐹᐱᓘᓂᒥᐅᓄᑦ, ᐊᓈᓇᖓᓗ ᐃᕐᓂᖏᓪᓗ ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᒡᓗᖓᓂᓗ ᐊᖓᔪᖅᑳᑦ. ᓂᐱᑯᓁᓴᐅᓪᓗ ᐊᖓᔪᖅᑳᕐᔪᐊᖑᓂᖓᑕ 8ᖓᓐᓂ ᔨᕼᐅᐃᐊᑭᓐ ᑎᒍᓚᐅᕐᐹ ᑎᒍᔭᐅᓯᒪᕕᖕᒥᓃᑎᓕᕐᓗᓂᐅᒡᓗ.

ᐊᑕᓃᑦ ᐂᑉᐸᖏᑦ 24:15

ᓂᐱᑯᓁᓴᐅᑉ ᔨᕼᐅᐃᐊᑭᓐ ᑎᒍᓯᒪᓪᓗᒍ ᐊᐅᓪᓚᕈᑎᕚ ᐹᐱᓘᓂᒧᑦ; ᐊᓈᓇᖓᓗ, ᔨᕼᐅᐃᐊᑭᐅᓪᓗ ᓄᓕᐊᖏᑦ, ᐊᖓᔪᖅᑳᖁᑎᖏᓪᓗ, ᔫᑕᒥᓗ ᓯᕗᓕᕐᑎᓕᒫᑦ ᐱᖃᓯᐅᑎᓪᓗᒋᑦ, ᔨᕉᓴᓕᒥᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.