ᐃᔅᑕᐅᑉ ᐊᒡᓚᖏᑦ 1:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐊᖓᔪᖅᑲᐅᓃᑦ ᐱᔪᓐᓇᐅᑎᒋᓗᒍ ᐱᖁᔨᓚᐅᕆᑦ, ᐴᕐᓯᐊᒥᐅᑦ ᒥᑏᔅᒥᐅᓪᓗ ᐱᖁᔭᖁᑎᖏᓐᓂ ᑎᑎᕋᕐᑕᐅᓗᓂ, ᐊᓯᑦᔨᒐᒃᓴᐅᖏᓪᓗᓂ ᑕᒪᑐᒪ ᑭᖑᓂᖓᒍᑦ ᑕᒪᓐᓇ ᐳᐃᒍᕐᑕᐅᑐᐃᓐᓇᖁᓇᒍ, ᑖᓐᓇ ᕚᔅᑎ ᐃᓕᖕᓄᑦ ᐊᖓᔪᖅᑳᕐᔪᐊᕐᒧᑦ ᐃᑎᖃᑦᑕᕐᓂᐊᕈᓐᓃᕐᓕ; ᑯᐃᖑᓂᕐᓗ ᑖᑦᓱᒪ ᐊᓯᐊᓄᑦ ᑐᓂᓕᕈᒃ ᑖᑦᓱᒪᓐᖓᑦ ᐱᑦᓯᐊᕐᓂᕐᓴᒧᑦ.

ᐃᔅᑕᐅᑉ ᐊᒡᓚᖏᑦ 1:19 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 8:8

ᐃᕝᕕᓪᓕ ᓇᖕᒥᓂᖅ ᑎᑎᕋᓚᐅᕆᑦ ᐱᖁᔭᓐᖑᕐᓂᐊᕐᑐᒥᒃ ᔫᑎᑦ ᐱᑦᔪᑎᒋᓗᒋᑦ, ᓈᒻᒪᒋᔭᕐᓂᒃ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ, ᓇᕿᑦᔪᓯᕐᓗᒋᓪᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ; ᖃᓄᑐᐃᓐᓇᖅ ᑎᑎᕋᕐᓯᒪᔪᑦ ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ ᓇᑭᑦᔪᓯᕐᓯᒪᔪᕐᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ ᓄᖅᑲᕐᑎᑕᐅᔪᓐᓇᖏᒻᒪᑦ.”

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᐃᔅᑕᐅᑉ ᐊᒡᓚᖏᑦ 8:5

ᐅᖃᕐᓗᓂᓗ, “ᐊᖓᔪᖅᑳᕐᔪᐊᕐᒧᑦ ᖃᓄᐃᒋᔭᐅᖏᑉᐸᑦ, ᑖᑦᓱᒧᖓᓗ ᖁᕕᐊᒋᔭᐅᒍᒪ ᐊᖓᔪᖅᑳᕐᔪᐊᕐᒧᓪᓗ ᓈᒻᒪᓈᕐᑑᔮᕐᐸᑦ ᖃᓄᐃᒋᔭᐅᖏᒃᑯᒪᓗ ᑖᑦᓱᒧᖓ, ᑎᑎᖅᑲᑎᒍᑦ ᐱᖁᔨᔪᖃᓚᐅᕐᓕ ᕼᐂᒪᓂᐅᑉ ᑎᑎᕋᓚᐅᕐᑕᖏᑦ ᓄᖅᑲᕐᑎᑕᐅᖁᓗᒋᑦ, ᕼᐊᒥᑕᑕᐅᑉ ᐃᕐᓂᖓᑕ ᐊᒐᒊᑎᐅᑉ, ᑖᓐᓇ ᑎᑎᕋᓚᐅᕐᒪᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᓄᓇᐅᑉ ᐊᕕᒃᑐᕐᓯᒪᓂᓕᒫᖏᓐᓂ.

ᑖᓂᐊᓕᐅᑉ ᐊᒡᓚᖏᑦ 6:17

ᐅᔭᕋᒡᓗ ᐃᓕᔭᐅᕗᖅ ᓛᔧᑦ ᓯᑎᖓᑕ ᐹᖓᓄᑦ, ᐊᖓᔪᖅᑳᕐᔪᐊᓪᓗ ᓇᕿᑦᔪᓯᕐᐹ ᓇᒡᒍᐊᕐᒥᖕᒥᓄᑦ ᓇᓗᓁᒃᑯᑕᕐᒥᓄᑦ, ᐊᖓᔪᖅᑳᖁᑎᖏᑕᓗ ᓇᓗᓁᒃᑯᑕᖏᓐᓄᑦ, ᑖᓂᐊᓕᐅᑉ ᖃᓄᐃᓕᐅᕐᑕᐅᓂᖓ ᐊᓯᑦᔨᕐᑕᐅᖁᓇᒍ.

ᐃᔅᑕᐅᑉ ᐊᒡᓚᖏᑦ 3:9

ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐃᔅᑕᐅᑉ ᐊᒡᓚᖏᑦ 1:21

ᑕᒪᓐᓇᓗ ᐃᓱᒪᓕᐅᕈᑕᐅᔪᖅ ᐊᖓᔪᖅᑳᕐᔪᐊᑉ ᖁᕕᐊᒋᕚ ᐊᖓᔪᖅᑳᖑᖃᑕᐅᔪᓕᒫᓄᓪᓗ ᖁᕕᐊᒋᔭᐅᒋᕗᖅ, ᑕᕝᕙ ᐊᖓᔪᖅᑳᕐᔪᐊᖅ ᐱᓇᓱᐊᓕᕐᐳᖅ ᒥᒧᑳᓐ ᐅᖃᐅᓯᕆᔭᖏᑦ ᒪᓕᒡᓗᒋᑦ.

ᐃᔅᑕᐅᑉ ᐊᒡᓚᖏᑦ 1:18

ᐅᓪᓗᒥᒥᑦ ᐱᒋᐊᕐᓗᑎᒃ ᐊᕐᓁᑦ ᐊᖓᔪᖅᑳᖑᔪᑦ ᐴᕐᓯᐊᒥ ᒥᑎᐊᒥᓗ ᐅᖃᖃᑦᑕᕐᓂᐊᓕᕐᐳᑦ ᑕᒪᑐᒥᖓ ᑐᓴᕐᑕᒥᖕᓂᒃ ᑯᐃᑉ ᐱᑦᓯᐊᖏᓐᓂᕕᓂᖓᓂᒃ, ᑕᒪᓐᓇᓗ ᐱᑦᔪᑎᒋᓗᒍ ᐊᑲᐅᒃᓴᓐᖏᖃᑦᑕᐅᑎᓂᖅ ᓂᓐᖓᐅᑎᓂᕐᓗ ᐱᓕᐅᒥᓂᐊᓕᕐᐳᖅ.

ᐃᔅᑕᐅᑉ ᐊᒡᓚᖏᑦ 2:1

ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᓂᓐᖓᐅᒪᔪᓐᓃᕋᒥ, ᐃᖅᑲᐅᒪᓕᓚᐅᕐᐳᖅ ᕚᔅᑎᒥᒃ, ᖃᓄᐃᓕᐅᓚᐅᕐᓂᖓᓂᒡᓗ, ᐱᖁᔨᑦᔪᑎᓕᐅᓚᐅᕐᓂᕐᒥᓂᒡᓗ ᑎᑎᕋᕐᑎᑦᓯᓪᓗᓂ ᑖᑦᓱᒥᖓ ᓈᒻᒪᒃᓴᓐᖏᐅᑎᒥᓂᒃ.