ᐃᐱᓯᒥᐅᓄᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᐃᐱᓯᒥᐅᓄᑦ 5:8 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᑯᓘᓯᐊᒥᐅᓄᑦ 1:13

ᑖᑦᓱᒪ ᐱᐅᓕᓯᒪᖕᒪᑎᒍᑦ ᑖᕐᔪᐊᑉ ᐱᔪᓐᓇᕐᓂᖓᓂᑦ ᓄᒃᑎᕐᑎᓪᓗᑕᓗ ᐃᕐᓂᒥ ᓇᒡᓕᒋᒻᒪᕆᒃᑕᒥ ᐊᑕᓂᐅᕕᐊᓄᑦ,

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᓘᑲᓯᐅᑉ ᐊᒡᓚᖏᑦ 16:8

ᐊᖓᔪᖅᑳᖓᑕ ᖁᕕᐊᒋᓕᓚᐅᕐᐹ ᑍᒫᒃ ᓯᓚᑐᔪᒥᒃ ᐱᓇᓱᐊᕐᒪᑦ; ᒪᑐᒪ ᓯᓚᕐᔪᐊᑉ ᐃᓄᖏᑦ ᓯᓚᑐᐊᕿᓇᓱᐊᕈᓐᓇᕐᓂᕐᓴᐅᖕᒪᑕ ᖃᐅᒪᔪᒥᐅᑕᓂᑦ, ᐱᔭᕆᐊᖃᕐᑕᒥᖕᓂ ᐱᓇᓱᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 2:5

ᐃᓕᑦᓯ ᔧᑰᑉ ᑭᖑᕚᖏᑦ, ᕾᓗᓯ, ᐱᓱᓚᐅᕐᑕ ᐊᑕᓂᐅᑉ ᖃᐅᒪᑎᑕᖓᒍᑦ!

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᓘᑲᓯᐅᑉ ᐊᒡᓚᖏᑦ 1:79

ᖃᐅᒻᒪᒃᑎᓪᓗᒋᑦ ᑖᕐᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᕐᑎᑕᐅᓇᕐᑐᒧᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:14

ᐅᒃᐱᖏᑦᑐᑦ ᐱᓂᐊᕐᓂᖏᑦ ᐃᓚᒋᓂᐊᕋᓯᒋᒃ, ᖃᓄᖅ ᐃᓗᐊᕐᑐᓕᓂᖅ ᐱᐅᖏᑦᑐᓕᓂᕐᓗ ᐃᓚᒌᒍᓐᓇᕐᐹᒃ? ᖃᓄᕐᓗ ᖃᐅᒪᔪᖅ ᑖᕐᑐᕐᓗ ᐃᓚᒌᒍᓐᓇᕐᐹᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᕉᒪᒥᐅᓄᑦ 2:19

ᖃᐅᔨᒪᑦᓯᐊᕋᕕᓪᓗ ᑕᐅᑐᖏᑦᑐᓂᒃ ᑕᓯᐅᕐᓯᔪᓐᓇᕋᓱᒋᕗᑎᑦ, ᑖᕐᑐᒦᑦᑐᓂᒡᓗ ᖃᐅᒻᒤᔪᓐᓇᕋᓱᒋᓪᓗᑎᑦ,

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᒫᑎᐅᓯᐅᑉ ᐊᒡᓚᖏᑦ 4:16

ᑕᕝᕙᓂ ᐃᓄᐃᑦ ᑖᕐᑐᒦᑦᑐᑦ ᖃᐅᒪᔪᕐᔪᐊᖅ ᑕᑯᕚᑦ, ᑐᖂᓪᓗ ᑕᕐᕋᓕᓂᖓᓃᑦᑐᓄᑦ ᖃᐅᒪᔪᖅ ᓴᖅᑭᑉᐳᖅ.”

ᐂᓮᐊᓯᐅᑉ ᐊᒡᓚᖏᑦ 49:9

ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.

ᒐᓔᑎᐊᒥᐅᓄᑦ 5:25

ᐊᓂᕐᓂᕐᒥ ᐃᓅᒍᑦᑕ, ᐊᐅᓚᑕᐅᓚᐅᕐᒥᑕᑦᑕᐅᖅ ᐊᓂᕐᓂᕐᒧᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐃᓐᖏᕈᑎᑦ 74:20

ᐅᑦᔨᕆᑦᓯᐊᕈᒃ ᐅᕙᑦᑎᓐᓄᑦ ᐊᖏᖃᑎᒌᒍᑎᒋᓚᐅᕐᑍᑦ; ᓄᓇᐅᑉ ᑖᕐᑑᓂᖓ ᑕᑕᒻᒪᑦ ᐃᓂᒋᔭᐅᓪᓗᓂᓗ ᑲᑉᐱᐊᓱᒃᑎᑦᓯᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᔪᐊᓇᓯᐅᑉ ᐊᒡᓚᖏᑦ 12:35

ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᓂᐊᕐᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᕐᑕᑦᓯᓐᓂᒃ ᓇᔪᕐᑎᖃᕐᓂᑦᓯᓐᓂ ᖃᐅᒪᔪᒥᒃ, ᑖᕐᑐᕐᔪᐊᕐᒧᑦ ᑎᑭᑕᐅᖁᓇᓯ; ᑖᕐᑐᒥ ᐱᓇᓱᐊᕐᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᒥ.

ᕉᒪᒥᐅᓄᑦ 13:12

ᐅᓐᓄᐊᖅ ᐊᓂᒍᕐᒪᑦ, ᐅᓪᓘᓕᕐᓗᓂ. ᑍᒤᒻᒪᑦ ᑖᕐᑑᑉ ᐱᓂᐊᕐᓂᖏᑦ ᕿᒪᒡᓚᕗᑦ, ᖃᐅᒪᔫᑉ ᓴᐴᓗᑕᖏᓐᓂᒃ ᐊᑎᓯᓗᑕ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.