21 ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.
ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ.
ᐅᒃᐱᕐᑑᖃᑎᒌᑦ ᐃᒻᒥᖕᓂᒃ ᑐᓂᓯᒪᖕᒪᑕ ᙭ᔅᑑᓯᒧᑦ, ᑍᒫᒃᑕᐅᖅ ᐊᕐᓁᑦ ᐅᐃᒥᖕᓄᑦ ᑐᓂᓯᒪᒻᒪᕆᒃᑐᒃᓴᐅᒋᕗᑦ ᓱᓇᓕᒫᓄᑦ.
ᐊᕐᓁᑦ ᐃᓕᑦᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᐊᑕᓂᕐᒧᑦ ᑐᓂᓯᒪᓂᑦᓯᑐᑦ.
ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”
ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.
ᐃᓄᓕᒫᓂᒃ ᐅᐱᒍᓱᒋᑦᓯ, ᐅᒃᐱᖃᑎᓯ ᓇᒡᓕᒋᓯᒋᑦ, ᒎᑎ ᓯᕘᕋᒋᓗᒍ. ᐊᖓᔪᖅᑳᕐᔪᐊᒻᒪᕆᒃ ᐅᐱᒋᓗᒍ.
ᐃᒡᓗᒥᐅᖃᑎᒥᓂᒃ ᐊᐅᓚᑦᓯᑦᓯᐊᕈᓐᓇᕐᓗᓂ, ᕿᑐᕐᖓᒥᓄᓪᓗ ᓈᓚᒃᑕᐅᑦᓯᐊᕈᓐᓇᕐᓗᓂ ᐅᐱᒋᔭᐅᑦᓯᐊᕐᓂᕐᒥᓄᑦ ᖃᓄᓕᒫᖅ.
ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.
ᐊᕐᓁᑦ ᓂᐰᑦᑑᓗᑎᒃ ᐃᓕᓐᓂᐊᕐᑐᒃᓴᐅᕗᑦ ᐃᓘᓐᓈᒍᑦ ᑐᓂᓯᒪᑦᓯᐊᕐᓗᑎᒃ.
ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.
ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;
ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.
ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”
ᐃᓅᓯᓯ ᑐᓂᒻᒪᕆᒃᓯᒪᓯᐅᒃ ᐊᑕᓂᖅ ᐱᑦᔪᑎᒋᓗᒍ ᐃᓄᓕᒫᓄᑦ ᐊᖓᔪᖅᑳᖑᔪᓄᑦ, ᐊᖓᔪᖅᑳᕐᔪᐊᒻᒪᕆᖕᒧᓪᓗ ᑖᓐᓇ ᐊᖓᔪᖅᑳᓄᑦ ᐊᖓᔪᖅᑳᖑᓂᕐᐹᖑᖕᒪᑦ.
ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.
ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.
ᓯᕗᓕᕐᑎᓕᒫᑦ ᐊᔪᖏᑦᑐᕐᔪᐊᓪᓗ ᐊᖑᑏᑦ, ᐊᖓᔪᖅᑳᕐᔪᐊᓪᓗ ᑍᕕᑎᐅᑉ ᐃᕐᓂᓕᒫᖏᑦ, ᓈᓚᖕᓂᐊᓂᕋᕐᐳᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.
ᐊᑕᓂᐅᑉ ᐂᖏᓕᖓᑕ ᐅᖃᐅᑎᕚ, “ᐊᖓᔪᖅᑳᕐᓄᑦ ᐅᑎᓚᐅᕆᑦ ᐃᓕᖕᓂᒡᓗ ᑐᓂᓗᑎᑦ ᑖᑦᓱᒧᖓ.”
ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.
