ᐃᐱᓯᒥᐅᓄᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᑦᓱᒪ ᑎᒥᐅᑉ ᐃᓚᓕᒫᖏᑦ ᑲᓱᕐᑎᓯᒪᖕᒪᒋᑦ ᑲᑎᓐᖓᑎᓪᓗᒋᓪᓗ, ᑎᒥᓕᒫᖅ ᐃᓗᐃᑦᑐᓐᖑᕐᑎᓪᓗᒍ ᓇᒡᒍᐊᖏᑦ ᑲᓱᕐᑎᓯᒪᓪᓗᒋᑦ, ᑎᒥᐅᑉ ᐃᓚᓕᒫᖏᑦ ᐊᑑᑎᒋᒋᐊᓕᖕᒥᖕᓄᑦ ᐊᑐᑦᓯᐊᓕᑐᐊᕐᒪᑕ, ᑕᕝᕙ ᑎᒥ ᐱᕈᕐᐸᓪᓕᐊᓕᕐᐳᖅ ᐋᖅᑭᒃᐸᓪᓕᐊᓕᕐᓗᓂᓗ ᐃᒻᒥᓂᒃ ᓇᒡᓕᖕᓂᒃᑯᑦ.

ᐃᐱᓯᒥᐅᓄᑦ 4:16 ပူးပေါင်းရင်းမြစ်များ

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 15:5

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᑯᓘᓯᐊᒥᐅᓄᑦ 2:2

ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:13

ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ.

ᐃᐱᓯᒥᐅᓄᑦ 4:15

ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᕐᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᐱᓕᐱᒥᐅᓄᑦ 1:9

ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐃᐱᓯᒥᐅᓄᑦ 3:7

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᑎᓕᔭᐅᓯᒪᕗᖓ ᐱᔨᑦᓯᕐᑎᐅᖁᓪᓗᖓ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ; ᑐᓂᕐᕈᓯᐊᕐᑎᓚᐅᕐᒪᖓ ᐱᔪᓐᓇᕐᓂᖓᑕ ᐱᓇᓱᐊᕐᓂᖓᒍᑦ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᔪᐊᓇᓯ ᓯᕗᓪᓖᑦ 4:16

ᒎᑎᐅᓪᓗ ᓇᒡᓕᖕᓂᖓ ᐅᕙᑦᑎᓐᓄᑦ ᓇᖕᒥᓂᖅ ᖃᐅᔨᒪᓪᓗᒍ ᐅᒃᐱᕆᕙᕗᑦ. ᒎᑎ ᓇᒡᓕᖕᓂᐅᖕᒪᑦ, ᓇᒡᓕᖕᓂᕐᒦᑦᑐᕐᓗ ᒎᑎᒦᑉᐳᖅ, ᒎᑎᓗ ᑖᑦᓱᒪᓃᓪᓗᓂ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:12

ᐊᑕᓂᐅᓪᓗ ᐱᕈᕐᐸᓪᓕᐊᑎᓪᓕᓯ ᓇᒡᓕᒃᑎᒌᖕᓂᕐᒥ ᐃᓕᑦᓯᓐᓄᑦ ᐃᓄᓕᒫᓄᓪᓗ, ᐃᓕᑦᓯᓐᓄᑦ ᓇᒡᓕᖕᓂᑦᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᕉᒪᒥᐅᓄᑦ 12:4

ᐅᕙᒍᑦᑕᐅᖅ ᐊᑐᓂᑦ ᐊᑕᐅᓯᕐᒥᒃ ᑎᒥᖃᕋᑦᑕ, ᑎᒥᕗᑦ ᐊᑦᔨᒌᖏᑦᑐᓂᒃ ᐃᓚᖃᕐᓗᑎᒃ, ᑖᒃᑯᐊ ᐊᑐᓂᑦ ᐊᑦᔨᒌᖏᑦᑐᒥᒃ ᐱᓇᓱᐊᕐᓂᖃᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:17

ᓂᐊᖂᔭᐅᑉ ᐊᑕᐅᓯᐅᓂᖓᓄᑦ, ᐅᕙᒍᑦ ᐅᓄᕋᓗᐊᕐᑐᒍᑦ, ᑎᒥᒥ ᐊᑕᐅᓯᐅᕗᒍᑦ, ᓂᐊᖂᔭᕐᒥᑦ ᐊᑕᐅᓯᕐᒥᑦ ᐱᖃᑕᐅᒐᑦᑕ.