ᐃᐱᓯᒥᐅᓄᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᐃᐱᓯᒥᐅᓄᑦ 4:12 ပူးပေါင်းရင်းမြစ်များ

ᐃᐱᓯᒥᐅᓄᑦ 4:16

ᑖᑦᓱᒪ ᑎᒥᐅᑉ ᐃᓚᓕᒫᖏᑦ ᑲᓱᕐᑎᓯᒪᖕᒪᒋᑦ ᑲᑎᓐᖓᑎᓪᓗᒋᓪᓗ, ᑎᒥᓕᒫᖅ ᐃᓗᐃᑦᑐᓐᖑᕐᑎᓪᓗᒍ ᓇᒡᒍᐊᖏᑦ ᑲᓱᕐᑎᓯᒪᓪᓗᒋᑦ, ᑎᒥᐅᑉ ᐃᓚᓕᒫᖏᑦ ᐊᑑᑎᒋᒋᐊᓕᖕᒥᖕᓄᑦ ᐊᑐᑦᓯᐊᓕᑐᐊᕐᒪᑕ, ᑕᕝᕙ ᑎᒥ ᐱᕈᕐᐸᓪᓕᐊᓕᕐᐳᖅ ᐋᖅᑭᒃᐸᓪᓕᐊᓕᕐᓗᓂᓗ ᐃᒻᒥᓂᒃ ᓇᒡᓕᖕᓂᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:27

᙭ᔅᑑᓯᐅᑉ ᑎᒥᒋᕚᓯ, ᐊᑐᓂᓪᓗ ᐃᓚᒋᔭᐅᓪᓗᓯ ᑎᒥᖓᓄᑦ.

ᕉᒪᒥᐅᓄᑦ 15:14

ᐃᓅᖃᑎᒃᑳ, ᐅᕙᖓ ᓇᖕᒥᓂᖅ ᖁᓚᖏᑦᓯᐊᕐᐳᖓ ᐱᐅᔪᒥᒃ ᐃᓗᒻᒥᕐᑕᐅᓯᒪᒐᑦᓯ, ᖃᐅᔨᑎᑕᐅᓯᒪᓪᓗᓯᓗ, ᐊᔪᕆᕐᑐᖃᑦᑕᐅᑎᔪᓐᓇᕐᓗᓯᓗ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑎᒧᑎᒧᑦ ᓯᕗᓪᓖᑦ 1:12

ᖁᔭᒋᕙᕋ ᙭ᔅᑑᓯ ᔩᓱᓯ ᐊᑕᓂᕗᑦ, ᐱᔪᓐᓇᕐᓂᖃᕐᑎᒻᒪᖓ ᐱᓇᓱᐊᕆᐊᖃᕐᑕᓐᓄᑦ, ᐱᔪᒥᓇᕐᑑᑎᓐᓇᖓ ᑎᓕᓚᐅᕐᒪᖓ, ᐱᔨᑦᓯᕐᑎᒋᔪᒪᓪᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12

ᑍᒤᒃᑲᔭᕆᕗᓯᑦᑕᐅᖅ, ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐊᔪᐃᓐᓇᒻᒪᕆᒃᑲᑦᓯ, ᐊᔪᐃᓐᓈᕆᓂᕐᐹᕆᔭᕆᐊᖃᕐᐸᓯᓕ ᐅᒃᐱᕐᑑᖃᑎᒌᑦ ᐱᕙᓪᓕᕈᑎᒃᓴᖏᑦ ᐱᓇᓱᐊᕐᓗᒋᑦ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:3

ᐊᒡᕕᐊᕈᑎᒃᓴᒥᒃ ᐃᓕᓯᔪᒪᖏᓐᓇᑦᑕ ᐊᖅᑯᑎᒋᔭᐅᓂᐊᕐᑐᒧᑦ, ᐱᓇᓱᐊᕐᓂᕗᑦ ᐸᓯᔭᐅᑦᔪᑎᒃᓴᖃᖁᓇᒍ ᓱᓇᑐᐃᓐᓇᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18

ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᑯᓘᓯᐊᒥᐅᓄᑦ 4:17

ᐋᑭᐸᓯ ᐅᖃᐅᑎᓯᐅᒃ, “ᐱᔭᕇᑦᓯᐊᕋᓱᖕᓂᐊᕐᐸᑦ ᐱᓇᓱᐊᒐᒃᓴᖅ ᐱᔭᒃᓴᕐᑖᕆᓚᐅᕐᑍᑦ ᐊᑕᓂᕐᒥᑦ.”

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᐃᐱᓯᒥᐅᓄᑦ 1:23

ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:1

ᑍᒤᒻᒪᑦ ᑕᒪᑐᒥᖓ ᐱᔨᑦᓯᕐᓂᕐᒥᒃ ᒎᑎᐅᑉ ᓂᑲᒍᓱᖕᓂᕐᔪᐊᖓᓄᑦ ᐱᑎᑕᐅᓯᒪᒐᑦᑕ, ᓴᐱᓕᕐᓂᐊᓐᖏᓚᒍᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:8

ᐊᖏᓂᕐᓴᒥᒡᓕ ᑕᑯᒥᓇᕐᓂᕐᓴᐅᒐᔭᓐᖏᓛᖅ ᐊᓂᕐᓂᐅᑉ ᐱᓇᓱᐊᕐᓂᖓ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:14

ᑐᓴᕐᖓᕐᑕᕐᓗᖓ ᑐᒃᓯᐊᕈᒪ, ᐊᓂᕐᓂᕋ ᑐᒃᓯᐊᕋᓗᐊᕐᐳᖅ ᐃᓱᒪᒐᓕ ᑐᒃᓯᐊᖃᑕᐅᓐᖏᓚᖅ.

ᕉᒪᒥᐅᓄᑦ 15:29

ᖃᐅᔨᒪᒐᒪ ᐃᓕᑦᓯᓐᓄᐊᕈᒪ ᙭ᔅᑑᓯᐅᑉ ᓮᒻᒪᕐᑎᑦᓯᓂᖓ ᓈᒻᒪᑦᓯᐊᕐᓗᒍ ᓮᒻᒪᕐᑎᑕᐅᑦᔪᑎᒋᒐᔭᕋᒃᑯ.

ᕉᒪᒥᐅᓄᑦ 15:2

ᐃᓘᓐᓇᑕᓕ ᐊᑐᓂᑦ ᐃᓅᖃᑎᑦᑎᓐᓂᒃ ᐃᓱᒪᖃᓕᕐᑕ ᐱᕙᓪᓕᐅᑎᒃᓴᖏᓐᓄᑦ, ᐱᕈᕐᐹᓪᓕᕐᑎᑦᓯᖁᓪᓗᑕ ᐅᒃᐱᕐᓂᕐᒥ.

ᕉᒪᒥᐅᓄᑦ 12:7

ᓇᓪᓕᐊᑦ ᐱᔨᑦᓯᕐᓂᕐᒥᒃ ᑐᓂᕐᕈᓯᐊᕈᓂ ᐱᔨᑦᓯᕐᓕ; ᐃᓕᓐᓂᐊᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐃᓕᓐᓂᐊᕐᑎᑦᓯᓕ;

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:25

ᐃᓇᖏᐅᑎᓂᐊᕐᑐᒥᒃ ᑕᒪᑐᒧᖓ ᐱᓇᓱᐊᕐᓂᕐᒧᑦ ᐋᐴᓯᑕᓕᐅᓂᕐᒧᑦ ᔫᑕᓯᐅᑉ ᕿᒪᓚᐅᕐᑕᖓᓄᑦ, ᑖᓐᓇ ᓇᖕᒥᓂᖅ ᐂᕕᒋᓂᐊᕐᑕᒥᓄᑦ ᐂᓯᒪᓕᕐᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:17

ᑖᓐᓇ ᐃᓚᒋᓚᐅᕐᐸᕗᑦ, ᓂᕈᐊᕐᑕᐅᖃᑎᒋᓚᐅᕐᐸᕗᓪᓗ ᐱᓇᓱᐊᕐᓂᑦᑎᓐᓂᒃ ᐱᓇᓱᐊᖃᑎᒋᓪᓗᑎᒍ.”

ᑎᒧᑎᒧᑦ ᐂᑉᐸᖏᑦ 4:11

ᓘᑲᓯᐅᑉ ᑭᓯᐊᓂ ᓇᔪᕐᑕᑐᐊᕆᕚᖓ. ᒫᑯᓯ ᐃᓇᓪᓗᒍ ᑎᑭᖃᑎᒋᓛᕐᐸᑦ; ᑖᑦᓱᒪ ᐊᑑᑎᓕᖕᒥᒃ ᐃᑲᔪᕈᓐᓇᕐᒪᖓ ᐱᓇᓱᐊᒐᒃᓴᓐᓂᒃ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᐃᐱᓯᒥᐅᓄᑦ 4:4

ᑎᒥ ᐊᑕᐅᓯᐅᖕᒪᑦ ᐊᓂᕐᓂᕐᓗ ᐊᑕᐅᓯᐅᓪᓗᓂ, ᓲᕐᓗᑦᑕᐅᖅ ᕾᖁᔭᐅᓯᒪᒐᑦᓯ ᒎᑎᒧᑦ ᓂᕆᐅᒋᔭᒃᓴᖃᖁᓪᓗᓯ ᐊᑕᐅᓯᕐᒥᒃ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:9

ᖁᕕᐊᓱᒃᐳᒍᑦ ᓴᓐᖐᑦᑑᓕᕌᖓᑦᑕ ᓴᓐᖏᔫᑎᓪᓗᓯ. ᑐᒃᓯᐊᕐᐳᒍᓪᓗ ᓈᒻᒪᒃᓯᑎᑕᐅᑦᓯᐊᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:7

ᐃᓄᖕᓄᑦ ᐊᑐᓂᑦ ᐊᓂᕐᓂᐅᑉ ᑐᓂᕐᕈᑎᖏᑕ ᐱᓇᓱᐊᕐᑎᑦᓯᓂᖏᑦ ᓴᖅᑭᕐᐳᑦ ᐊᓯᖏᑕ ᐱᕙᓪᓕᕈᑎᒃᓴᖏᓐᓄᑦ.

ᕉᒪᒥᐅᓄᑦ 12:5

ᑍᒫᒃᑕᐅᖅ ᙭ᔅᑑᓯᒥ ᐊᒥᓲᓪᓗᑕ, ᑎᒥᐅᕗᒍᑦ ᐊᑕᐅᓯᕐᒥ, ᐊᑐᓂ ᐊᒃᑐᐊᖃᑦᑕᐅᑎᓪᓗᑕ ᐅᕙᑦᑎᓐᓄᑦ ᑎᒥᒦᑦᑐᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.